ಬಾಲಿ(ಇಂಡೋನೇಷಿಯಾ): ವಿಶ್ವ ಟೂರ್ ಫೈಲ್ಸ್ನಲ್ಲಿ ಭಾರತದ ಯುವ ಶಟ್ಲರ್ ಲಕ್ಷ್ಯ ಸೇನ್ ಅವರ ಹೋರಾಟ ಸೆಮಿಫೈನಲ್ಗೆ ಅಂತ್ಯವಾಗಿದೆ. ಶನಿವಾರ ನಡೆದ ನಾಲ್ಕರ ಘಟ್ಟದ ಹೋರಾಟದಲ್ಲಿ ಡೆನ್ಮಾರ್ಕ್ನ ವಿಕ್ಟರ್ ಅಕ್ಸೆಲ್ಸೆನ್ ವಿರುದ್ಧ ಸೋಲು ಕಂಡು ನಿರಾಸೆ ಅನುಭವಿಸಿದರು.
ಲಕ್ಷ್ಯ ಸೇನ್ ವಿಶ್ವದ ನಂಬರ್ 1 ಮತ್ತು ಒಲಿಂಪಿಕ್ ಚಾಂಪಿಯನ್ ಆಗಿರುವ ಡ್ಯಾನಿಸ್ ಪ್ಲೇಯರ್ ವಿರುದ್ಧ 13-21, 11-21ರ ನೇರ ಗೇಮ್ಗಳ ಅಂತರದಲ್ಲಿ ಸೋಲು ಕಂಡರು. ಯುವ ಶಟ್ಲರ್ ವಿಕ್ಟರ್ ವಿರುದ್ಧ ಸತತ 4ನೇ ಮುಖಾಮುಖಿಯಲ್ಲೂ ಸೋಲು ಕಂಡಂತಾಯಿತು. ಗುಂಪು ಹಂತದ ಪಂದ್ಯದಲ್ಲೂ ವಿಕ್ಟರ್ ವಿರುದ್ಧ ಲಕ್ಷ್ಯ ಸೋಲು ಕಂಡಿದ್ದರು.
ಇದಕ್ಕೂ ಮುನ್ನ ನಡೆದ ಮಹಿಳೆಯರ ಸೆಮಿಫೈನಲ್ಸ್ನಲ್ಲಿ ಪಿವಿ ಸಿಂಧು ಒಂದು ಗಂಟೆ 10 ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ಜಪಾನ್ನ ಅಕಾನೆ ಯಮಗುಚಿ ವಿರುದ್ಧ 21-15, 15-21, 21019ರ ಅಂತರದಲ್ಲಿ ಗೆಲುವು ಸಾಧಿಸಿದ್ದರು.
ಫೈನಲ್ನಲ್ಲಿ ಸಿಂಧು ದಕ್ಷಿಣ ಕೊರಿಯಾದ 19 ವರ್ಷದ ಆನ್ ಸೆಯಾಂಗ್ ವಿರುದ್ದ ವರ್ಷದ ಕೊನೆಯ ಪ್ರಶಸ್ತಿಗಾಗಿ ಕಾದಾಡಲಿದ್ದಾರೆ. ವಿಕ್ಟರ್ ಅಕ್ಸೆಲ್ಸೆನ್ ಫೈನಲ್ನಲ್ಲಿ ಥಾಯ್ಲೆಂಡ್ನ ಕುನ್ಲವುಟ್ ವಿಟಿಡ್ಸರ್ನ್ ವಿರುದ್ಧ ಸೆಣಸಾಡಲಿದ್ದಾರೆ.
ಇದನ್ನೂ ಓದಿ:BWF World Tour Finals: ಯಮಗುಚಿಗೆ ಸೋಲುಣಿಸಿ ಫೈನಲ್ ಪ್ರವೇಶಿಸಿದ ಸಿಂಧು
