ಲಾಸ್ಟ್ ಸೀನ್ ಎಂಬ ಪದವನ್ನು ನಮ್ಮ ಪ್ರತಿನಿತ್ಯದ ಜೀವನದಲ್ಲಿ ಹೆಚ್ಚು ಬಳಕೆ ಮಾಡುತ್ತೇವೆ. ಇದೀಗ ಇದೇ ಹೆಸರಿನ ವಿಡಿಯೋ ಹಾಡೊಂದು ಈಗ ಬಿಡುಗಡೆಯಾಗಿದೆ. ಪ್ರೇಯಸಿಯೊಂದಿಗೆ ಮಾತನಾಡಲು ಕಾಯುತ್ತಿರುವ ಪ್ರೇಮಿಯ ವ್ಯಥೆಯನ್ನು ಈ ವಿಡಿಯೋ ಸಾಂಗ್ನಲ್ಲಿ ತೋರಿಸಲಾಗಿದೆ.
- " class="align-text-top noRightClick twitterSection" data="">
4:30 ನಿಮಿಷ ಅವಧಿಯ ಈ ಹಾಡಿನ ಪರಿಕಲ್ಪನೆ ಹಾಗೂ ನಿರ್ದೇಶನ ಎನ್. ವಿನಾಯಕ್ ಅವರದ್ದು. ಪ್ರಮೋದ್ ಆಚಾರ್ಯ ಸಾಹಿತ್ಯ ಬರೆದಿರುವ ಈ ಹಾಡನ್ನು ಬಿಗ್ ಬಾಸ್ ಖ್ಯಾತಿಯ ವಾಸುಕಿ ವೈಭವ್ ಹಾಡಿದ್ದಾರೆ. ತೆಲುಗು, ತಮಿಳು ಹಾಗೂ ಹಿಂದಿ ಸೇರಿ ನಾಲ್ಕೂ ಭಾಷೆಗಳಲ್ಲೂ ಈ ಹಾಡು ಬಿಡುಗಡೆಯಾಗಿದೆ. ಬೆಂಗಳೂರು, ಮಂಗಳೂರು ಹಾಗೂ ಇನ್ನಿತರ ಕಡೆಗಳಲ್ಲಿ ಮೂರು ದಿನಗಳಲ್ಲಿ ಈ ಹಾಡಿನ ಚಿತ್ರೀಕರಣ ಮಾಡಲಾಗಿದೆ. ಪ್ರೇಮಿಯೊಬ್ಬ ತನ್ನ ಪ್ರೇಯಸಿಯ ಉತ್ತರಕ್ಕಾಗಿ ಕಾಯುತ್ತಿರುತ್ತಾನೆ. ಆದರೆ ಆಕೆ ಸುಳಿವೇ ಇರುವುದಿಲ್ಲ. ಮೊಬೈಲ್ನಲ್ಲಿ ಹಿಂದಿನ ದಿನ ರಾತ್ರಿ 'ಲಾಸ್ಟ್ ಸೀನ್' ಕಾಣುತ್ತದೆ. ಪ್ರೇಯಸಿಯನ್ನು ನೋಡದೆ ವ್ಯಥೆ ಪಡುವ ಪ್ರೇಮಿಯ ವೇದನೆಯನ್ನು ಈ ವಿಡಿಯೋ ಹಾಡಿನಲ್ಲಿ ತೋರಿಸಲಾಗಿದೆ.
ಎನ್.ವಿನಾಯಕ್ ನಿರ್ದೇಶಕ ಮರಡಿಹಳ್ಳಿ ನಾಗಚಂದ್ರ ಅವರ ಶಿಷ್ಯ. ಈ ಹಾಡನ್ನು ನನ್ನ ಶಿಷ್ಯ ಬಹಳ ರಿಚ್ ಆಗಿ ಚಿತ್ರೀಕರಣ ಮಾಡಿ, ರೈನ್ ಎಫೆಕ್ಟ್, ಡ್ರೋನ್, ಕ್ರೇನ್ ಸಹ ಬಳಕೆ ಮಾಡಿದ್ದಾನೆ. ಐದು ಲಕ್ಷದಲ್ಲಿ ಸಿನಿಮಾವನ್ನೇ ಮುಗಿಸುವ ಈ ಕಾಲದಲ್ಲಿ ವಿನಾಯಕ್ ಐದು ಲಕ್ಷವನ್ನು ಒಂದು ವೀಡಿಯೋ ಹಾಡಿಗೆ ಖರ್ಚು ಮಾಡಿದ್ದಾನೆ. ಸಿನಿಮಾಗೆ ಎಂಟ್ರಿ ಕೊಡಲು ಕೂಡಾ ದಾರಿ ಮಾಡಿಕೊಂಡಿದ್ದಾನೆ ಎಂದು ಶಿಷ್ಯನ ಪ್ರಯತ್ನವನ್ನು ಶ್ಲಾಘಿಸಿದರು.
ಈ ವಿಡಿಯೋ ಹಾಡಿನ ನಾಯಕ ವಾಗೀಶ್ ಆಯುಷ್ ನಾಗತಿಹಳ್ಳಿ ಚಂದ್ರಶೇಖರ್ ಅವರ ಟೆಂಟ್ ಸಿನಿಮಾದ ವಿದ್ಯಾರ್ಥಿ. ಹಾಡಿನಲ್ಲಿ ನಾಯಕಿಯಾಗಿ ಸಂಗೀತ ನಟಿಸಿದ್ದಾರೆ. ಕೃಷ್ಣ ಸುಜಾನ್ ಸಂಕಲನ, ಮೋಹನ್ ಜಾಕ್ಸನ್ ನೃತ್ಯ, ಮನು ಬಿ.ಕೆ. ಛಾಯಾಗ್ರಹಣ, ಜುಬರ್ ಮಹಮ್ಮದ್ ಸಂಗೀತ ಈ ಹಾಡಿಗಿದೆ. ವಿನು ಐಡಿಯಾ ಪ್ರೊಡಕ್ಷನ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣ ಆಗಿರುವ ಈ ವಿಡಿಯೋ ಸಾಂಗ್ ಆನಂದ್ ಆಡಿಯೋ ಯೂಟ್ಯೂಬ್ನಲ್ಲಿ ಲಭ್ಯವಿದೆ.
