'ಜಾಲಿಡೇಸ್' ಹಾಗೂ 'ಟೈಗರ್' ಸಿನಿಮಾ ಮೂಲಕ ಸ್ಯಾಂಡಲ್ವುಡ್ನಲ್ಲಿ ಗುರುತಿಸಿಕೊಂಡಿರುವ ನಟ ಪ್ರದೀಪ್ ಸದ್ಯಕ್ಕೆ 'Yellow ಬೋರ್ಡ್' ಚಿತ್ರದ ಮೂಲಕ ಮತ್ತೆ ಪ್ರೇಕ್ಷಕರ ಮುಂದೆ ಬರುತ್ತಿದ್ದಾರೆ. ಈಗಾಗಲೇ ಗಾಂಧಿನಗರದಲ್ಲಿ ಓಲಾ, ಊಬರ್ ಹೆಸರಿನ ಮೇಲೆ ಹಲವಾರು ಸಿನಿಮಾಗಳು ಬಂದಿದೆ. ಒಂದೊಂದು ಸಿನಿಮಾಗಳಲ್ಲಿ ನಾನಾ ರೀತಿಯ ಮನಮುಟ್ಟುವ ಕಥೆಗಳಿವೆ.ಇದೇ ಕಾನ್ಸೆಪ್ಟ್ ಮೇಲೆ ಪ್ರದೀಪ್ ಈ ಬಾರಿ 'Yellow ಬೋರ್ಡ್' ಕ್ಯಾಬ್ ಏರಿದ್ದಾರೆ.
- " class="align-text-top noRightClick twitterSection" data="">
ಇದನ್ನೂ ಓದಿ: ಕೊಲ್ಲಾಪುರದ ಅಂಬಾಬಾಯಿ ತಾಯಿಯ ಆಶೀರ್ವಾದ ಪಡೆದ ಪವರ್ ಸ್ಟಾರ್
ಈಗ 'Yellow ಬೋರ್ಡ್' ಸಿನಿಮಾದ ರೊಮ್ಯಾಂಟಿಕ್ ಹಾಡೊಂದು ಬಿಡುಗಡೆ ಆಗಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಹಲ್ ಚಲ್ ಎಬ್ಬಿಸುತ್ತಿದೆ.ಈ ಹಿಂದೆ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರಿಂದ ಸೊಗಸಾದ ಹಾಡೊಂದನ್ನು ಹಾಡಿಸುವ ಮೂಲಕ 'Yellow ಬೋರ್ಡ್' ತಂಡ ಸಾಕಷ್ಟು ಪ್ರಚಾರ ಮಾಡಿತ್ತು. ಈಗ ಮತ್ತೊಂದು ಮೆಲೋಡಿ ಹಾಡಿನ ಮೂಲಕ ಚಿತ್ರತಂಡ ಸಿನಿಪ್ರಿಯರನ್ನು ಇಂಪ್ರೆಸ್ ಮಾಡುತ್ತಿದೆ. ಅದ್ವಿಕ್ ಸಂಗೀತ ಸಂಯೋಜನೆಯಲ್ಲಿ ಮೂಡಿಬಂದಿರುವ ಒಮ್ಮೆ ನೋಡಿದರೆ... ಎಂಬ ಹಾಡನ್ನು ಸಂಜಿತ್ ಹೆಗ್ಡೆ ಹಾಡಿದ್ದಾರೆ. ಈ ಚಿತ್ರ ಬೆಂಗಳೂರಿನ ಕ್ಯಾಬ್ ಡ್ರೈವರ್ ಒಬ್ಬರ ಕಥೆಯನ್ನು ಒಳಗೊಂಡಿದೆ. ಬೆಂಗಳೂರಿನ ರಸ್ತೆಯಲ್ಲಿ ಅತಿ ಹೆಚ್ಚು ಕಾಣಿಸುವ ಕ್ಯಾಬ್ ಚಾಲಕರ ಬಗ್ಗೆ ಮಾಡಿರುವ ಸಿನಿಮಾ ಇದು. ಯುವ ನಿರ್ದೇಶಕ ತ್ರಿಲೋಕ್ ರೆಡ್ಡಿ ಕಲ್ಪನೆಯಲ್ಲಿ ಈ ಸಿನಿಮಾ ಮೂಡಿಬಂದಿದೆ. ಕ್ಯಾಬ್ ಡ್ರೈವರ್ ಆಗಿ ನಟಿಸಿರುವ ಪ್ರದೀಪ್ ಜೋಡಿಯಾಗಿ ಅಹಲ್ಯಾ ಸುರೇಶ್ ಮಿಂಚಿದ್ದಾರೆ. ಸದ್ಯ ಹಾಡುಗಳಿಂದಲೇ ಗಮನ ಸೆಳೆಯುತ್ತಿರುವ 'Yellow ಬೋರ್ಡ್' ಸದ್ಯದಲ್ಲೇ ಬಿಡುಗಡೆಯಾಗಲಿದೆ.
