ಮೆಚ್ಚಿನ ಕುದುರೆ ಏರಿ ವೀಕೆಂಡ್​​​​​ ಎಂಜಾಯ್ ಮಾಡುತ್ತಿರುವ ಸಾರಥಿ!

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸದ್ಯಕ್ಕೆ 'ಕುರುಕ್ಷೇತ್ರ' ಸಿನಿಮಾ ಸಕ್ಸಸ್​​​​​ ಖುಷಿಯಲ್ಲಿದ್ದಾರೆ. ಜೊತೆಗೆ 'ರಾಬರ್ಟ್' ಸಿನಿಮಾದಲ್ಲಿ ಬ್ಯುಸಿ ಇರುವ ದಚ್ಚು ಸ್ವಲ್ಪ ದಿನಗಳ ಕಾಲ ಶೂಟಿಂಗ್​​ನಿಂದ ಬ್ರೇಕ್ ಪಡೆದು ಕುದುರೆ ಸವಾರಿ ಮಾಡುವ ಮೂಲಕ ರಿಲ್ಯಾಕ್ಸ್ ಮೂಡ್​​​ನಲ್ಲಿದ್ದಾರೆ.

ಬಾಕ್ಸ್ ಆಫೀಸ್ ಸುಲ್ತಾನ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ 50ನೇ ಸಿನಿಮಾ 'ಕುರುಕ್ಷೇತ್ರ' ಈಗಾಗಲೇ 50 ಕೋಟಿ ಗಳಿಸಿ ಮುನ್ನುಗ್ಗುತ್ತಿದೆ. ದುರ್ಯೋಧನನ ಆರ್ಭಟ ನೋಡಿದ ಪ್ರೇಕ್ಷಕರು ಸಾಹೋರೆ ಸುಯೋಧನ ಅಂತಿದ್ದಾರೆ. ಒಟ್ಟಿನಲ್ಲಿ ಸ್ಯಾಂಡಲ್​​ವುಡ್​​ನಲ್ಲಿ ಸದ್ಯಕ್ಕೆ ದುರ್ಯೋಧನನ ದರ್ಬಾರ್ ಜೋರಾಗಿದೆ ಎನ್ನಬಹುದು.

ಚಾಲೆಂಜಿಂಗ್ ಸ್ಟಾರ್ ದರ್ಶನ್

'ಕುರುಕ್ಷೇತ್ರ' ಚಿತ್ರದ ಸಕ್ಸಸ್​​ನಿಂದ ದರ್ಶನ್ ಕೂಡಾ ಖುಷಿಯಲ್ಲಿದ್ದಾರೆ. ಸ್ವಲ್ಪ ದಿನಗಳ ಕಾಲ ಶೂಟಿಂಗ್ ಬ್ರೇಕ್ ನೀಡಿ ತಮ್ಮ ಫಾರ್ಮ್ ಹೌಸ್​​ನಲ್ಲಿ ವೀಕೆಂಡ್ ಎಂಜಾಯ್ ಮಾಡುತ್ತಿದ್ದಾರೆ. ರಿಲ್ಯಾಕ್ಸ್ ಮೂಡ್​​ನಲ್ಲಿರುವ ದಚ್ಚು ಸ್ನೇಹಿತರೊಂದಿಗೆ ಕಾಲ ಕಳೆಯುತ್ತಿದ್ದಾರೆ. ವಿಶ್ರಾಂತಿ ಪಡೆಯುವುದರ ಜೊತೆಗೆ ತಮ್ಮ ಮೆಚ್ಚಿನ ಕುದುರೆ ಸವಾರಿ ಕೂಡಾ ಮಾಡುತ್ತಿದ್ದಾರೆ ಈ ಸಾರಥಿ. ದರ್ಶನ್​ಗೆ ಹಾರ್ಸ್ ರೈಡಿಂಗ್ ಅಂದ್ರೆ ಅಚ್ಚುಮೆಚ್ಚು. ತಮ್ಮ ಮೆಚ್ಚಿನ ಅಶ್ವವನ್ನೇರಿ ಸವಾರಿ ಮಾಡೋದು ಅಂದ್ರೆ ಚಕ್ರವರ್ತಿಗೆ ತುಂಬಾನೇ ಇಷ್ಟ. ಸದ್ಯಕ್ಕೆ ಈ ಫೋಟೋಗಳು ವೈರಲ್ ಆಗಿದ್ದು, ದರ್ಶನ್ ಕೌ ಬಾಯ್ ಗೆಟಪ್​ನಲ್ಲಿ ಸ್ನೇಹಿತರ ಜತೆ ಕಾಣಿಸಿಕೊಂಡಿದ್ದಾರೆ. ದರ್ಶನ್ ಕುದುರೆ ಸವಾರಿ ಮಾಡುವ ಫೋಟೋ, ವಿಡಿಯೋವನ್ನು ಡಿಬಾಸ್ ಅಭಿಮಾನಿ ಸಂಘ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದೆ.

ಕುದುರೆ ಸವಾರಿ ಮಾಡುತ್ತಿರುವ ದರ್ಶನ್

ಮತ್ತೊಂದು ಬದಲಾವಣೆ ಏನೆಂದರೆ ದರ್ಶನ್ 'ರಾಬರ್ಟ್' ಸಿನಿಮಾಗಾಗಿ ಗಡ್ಡ ಬಿಟ್ಟಿದ್ದರು. ಆದರೆ ಇದೀಗ ಅದು ಮಾಯವಾಗಿದೆ. ಅಲ್ಲಿಗೆ ಗಡ್ಡದ ಗೆಟಪ್ ಶೂಟಿಂಗ್ ಮುಗಿದಿದೆ ಎಂದೇ ಅರ್ಥ ಮಾಡಿಕೊಳ್ಳಬಹುದು. ನಿನ್ನೆ ಕುದುರೆ ಸವಾರಿ ಮಾಡಿದ್ದು, ಇಂದು ಚಾಮುಂಡಿ ಬೆಟ್ಟಕ್ಕೆ ತೆರಳಿ ಅಮ್ಮನ ದರ್ಶನ ಮಾಡಿದ್ದಾರೆ ದರ್ಶನ್.

ಸ್ನೇಹಿತರೊಂದಿಗೆ ದರ್ಶನ್