ಬಾಗಲಕೋಟೆ : ಗ್ರಾಮ ಪಂಚಾಯಿತಿ ಚುನಾವಣೆ ಪ್ರಚಾರಕ್ಕೂ ತಾರಾ ಮೆರಗು ಬಂದಿದ್ದು, ಕಿರುತೆರೆಯ ಪುಟ್ಟಗೌರಿ ಖ್ಯಾತಿಯ ರಂಜಿನಿ ರಾಘವನ್ ಪ್ರಚಾರ ಮಾಡುವ ಮೂಲಕ ಗಮನ ಸೆಳೆದಿದ್ದಾರೆ.
ಬೀಳಗಿ ತಾಲೂಕಿನ ಗಿರಿಸಾಗರ ಗ್ರಾಮದಲ್ಲಿ ಕಿರುತೆರೆ ತಾರೆ ರಂಜನಿ ರಾಘವನ್ ವಾರ್ಡ್ ನಂಬರ್ 3 ರ ಅಭ್ಯರ್ಥಿಗಳಾದ ವಿಜಯಲಕ್ಷ್ಮೀ ಹೂಗಾರ, ದುರಗವ್ವ ಮೇತ್ರಿ, ಯಂಕಪ್ಪ ನುಚ್ಚಿನ ಪರವಾಗಿ ಪ್ರಚಾರ ಮಾಡಿದ್ದಾರೆ.
ಗ್ರಾಮಕ್ಕೆ ಪುಟ್ಟಗೌರಿ ಬಂದಿದ್ದಾಳೆ ಅಂತ ಸಾವಿರಾರು ಜನರು ಸೇರಿದ್ದು, ಎಂಎಲ್ಎ, ಎಂಪಿ ಚುನಾವಣೆಯ ಅಬ್ಬರ ಮೀರಿಸುವ ರೀತಿಯಲ್ಲಿ ಪ್ರಚಾರ ನಡೆದಿದ್ದು, ಗಮನ ಸೆಳೆದಿದೆ.