'ತಿಥಿ' ಸಿನಿಮಾ ಕನ್ನಡ ಚಿತ್ರರಂಗ ಮಾತ್ರವಲ್ಲದೆ ಭಾರತೀಯ ಚಿತ್ರರಂಗದಲ್ಲಿ ಗಮನ ಸೆಳೆದ ಸಿನಿಮಾ. ಇದೀಗ 'ತಿಥಿ' ಮಾದರಿಯಲ್ಲೇ ಪಕ್ಕಾ ಮಳವಳ್ಳಿ ಸ್ಲ್ಯಾಂಗ್ ಹೊಂದಿರುವ 'ಫುಲ್ ಟೈಟ್ ಪ್ಯಾತೆ' ಎಂಬ ಸಿನಿಮಾ ಈ ವಾರ ಬಿಡುಗಡೆಯಾಗುತ್ತಿದೆ.
ಟೈಟಲ್ ಕೇಳಿದರೆ ವಿಚಿತ್ರ ಎನಿಸಿದರೂ ಸಿನಿಮಾ ನೋಡಿದರೆ ಶೀರ್ಷಿಕೆ ಬಗ್ಗೆ ಅರ್ಥ ಸಿಗಲಿದೆ. ಹೊಸಬರೇ ಸೇರಿ ತಯಾರಿಸಿರುವ ಈ ಚಿತ್ರವನ್ನು ನಟ ಯೋಗೀಶ್ ಬೆಂಬಲಿಸಿದ್ದಾರೆ. ಚಿತ್ರದ ಟ್ರೇಲರ್ ಹಾಗೂ ಹಾಡುಗಳನ್ನು ನೋಡಿ ಯೋಗಿ ಈ ಸಿನಿಮಾಗೆ ಸಪೋರ್ಟ್ ಮಾಡಿದ್ದಾರೆ. ಚಿತ್ರದ ಟೈಟಲ್ಗೆ ಬೋಲ್ಡ್ ಆಗಿರುವ ಯೋಗೀಶ್ ಇದು ಕೂಡಾ 'ತಿಥಿ' ಮಾದರಿಯ ಸಿನಿಮಾ ಆಗಲಿ ಎಂದು ಹೊಸಬರ ತಂಡಕ್ಕೆ ವಿಶ್ ಮಾಡಿದ್ದಾರೆ.
ಚಿತ್ರದುದ್ದಕ್ಕೂ ಮಳವಳ್ಳಿ ಭಾಷೆಯೇ ಹೈಲೈಟ್‌ ಆಗಿರುವುದು ವಿಶೇಷ. ಅದರಲ್ಲೂ ಇದೊಂದು ನೈಜ ಘಟನೆ ಕುರಿತಾದ ಚಿತ್ರ. ಎಸ್.ಎಲ್.ಜಿ. ಪುಟ್ಟಣ್ಣ ಎಂಬುವವರು ಚಿತ್ರವನ್ನು ನಿರ್ಮಿಸಿ, ನಿರ್ದೇಶಿಸಿ ನಟನೆ ಕೂಡಾ ಮಾಡಿದ್ದಾರೆ. ಹಾಸ್ಯ ನಟ ಬಿರಾದಾರ ತಂದೆ ಪಾತ್ರ ಮಾಡಿದ್ದಾರೆ. ಪುಟ್ಟಣ್ಣನಿಗೆ ನಾಯಕಿಯಾಗಿ ಮಾನಸ ಗೌಡ ನಟಿಸಿದ್ದಾರೆ. ಚಿತ್ರಕ್ಕೆ ಮಹೇಶ್ ಶ್ರೀಧರ್ ಕ್ಯಾಮರಾ ವರ್ಕ್ ಇದೆ. ಸಿನಿಮಾ ಜುಲೈ 12ರಂದು ಬಿಡುಗಡೆಯಾಗುತ್ತಿದೆ.
