ಕನ್ನಡ ಚಿತ್ರರಂಗದಲ್ಲಿ ಅಭಿನಯ ಚಕ್ರವರ್ತಿ ಅಂತಾ ಕರೆಯಿಸಿಕೊಂಡಿರುವ ಕಿಚ್ಚ ಸುದೀಪ್ ಸಿನಿಮಾ ಜೊತೆಗೆ ತಮ್ಮ ಕಿಚ್ಚ ಸುದೀಪ್ ಚಾರಿಟಬಲ್ ಸೊಸೈಟಿಯಿಂದ ಸಾಕಷ್ಟು ಜನರ ಕಷ್ಟಗಳಿಗೆ ಸ್ಪಂದಿಸುತ್ತಿದ್ದಾರೆ. ಇದೀಗ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿಮಾನಿಯಾಗಿರೋ ಬೆನಕ ಅಪ್ಪುನ ಕಷ್ಟಕ್ಕೆ ಕಿಚ್ಚ ಸುದೀಪ್ ಸ್ಪಂದಿಸಿದ್ದಾರೆ.
ಕೆಲವು ದಿನಗಳ ಹಿಂದೆ, ಬೆನಕ ಅಪ್ಪು ತಾಯಿ ರಸ್ತೆ ಅಪಘಾತದಲ್ಲಿ ಗಾಯಗೊಂಡಿದ್ದರು. ಅಮ್ಮನಿಗೆ ಚಿಕಿತ್ಸೆ ಕೊಡಿಸಲು ಹಣ ಇಲ್ಲದೆ ಅಪ್ಪು ಅಭಿಮಾನಿ ಬೆನಕ ಅಪ್ಪು ಪರದಾಡುತ್ತಿದ್ದರು.
ಸದ್ಯ ಬೆನಕ ಅಪ್ಪುವಿನ ತಾಯಿ ಆಸ್ಪತ್ರೆಯಲ್ಲಿ ಐಸಿಯುನಲ್ಲಿದ್ದಾರೆ. ಪುನೀತ್ ರಾಜ್ ಕುಮಾರ್ ಇದ್ದಾಗ, ಬೆನಕ ಅಪ್ಪು ಕುಟುಂಬಕ್ಕೆ ಯಾವಾಗಲು ಸಹಾಯ ಮಾಡುತ್ತಿದ್ದರು.
ಆದರೆ, ಅಭಿಮಾನಿಯ ಕಷ್ಟಕ್ಕೆ ಸಹಾಯ ಮಾಡಬೇಕಿರುವ ಪುನೀತ್ ರಾಜ್ ಕುಮಾರ್ ಇಂದು ಇಲ್ಲವಾಗಿದ್ದಾರೆ. ಮತ್ತೊಂದು ಕಡೆ ಅಮ್ಮನ ಚಿಕಿತ್ಸೆಗೆ ಹಣ ಇಲ್ಲದೆ, ದಾರಿ ಕಾಣದೆ ಸಂಕಷ್ಟಕ್ಕೆ ಸಿಲುಕಿದ್ದ ಬೆನಕ ಅಪ್ಪು ಕೊನೆಗೆ ಕಿಚ್ಚ ಸುದೀಪ್ ಚಾರಿಟಬಲ್ ಸೊಸೈಟಿಯನ್ನ ಸಂಪರ್ಕ ಮಾಡಿದ್ದರು. ಬಳಿಕ ಬೆನಕ ಅಪ್ಪುವಿಗೆ ಸಹಾಯ ಹಸ್ತ ಸಿಕ್ಕಿದೆ.
ಪುನೀತ್ ಅಭಿಮಾನಿಗೆ ಕಿಚ್ಚ ಸುದೀಪ್ ಚಾರಿಟಬಲ್ ಸೊಸೈಟಿಯಿಂದ ಸಹಾಯ ಮಾಡಲಾಗಿದೆ. ಬೆನಕ ಅಪ್ಪು ಅವರ ತಾಯಿ ಇರೋ ಆಸ್ಪತ್ರೆಗೆ ತೆರಳಿ, ಅಪ್ಪು ಅಭಿಮಾನಿ ಅಮ್ಮನ ಸಂಪೂರ್ಣ ಚಿಕಿತ್ಸೆ ಹೊಣೆಯನ್ನ ಕಿಚ್ಚ ಸುದೀಪ್ ಚಾರಿಟಬಲ್ ಸೊಸೈಟಿ ವಹಿಸಿಕೊಂಡಿದೆ. ಈ ಮೂಲಕ ಸ್ನೇಹಿತ ಪುನೀತ್ ರಾಜ್ ಕುಮಾರ್ ಅಭಿಮಾನಿಯ ಕಷ್ಟಕ್ಕೆ ಕಿಚ್ಚ ಸುದೀಪ್ ಸಹಾಯ ಮಾಡಿದ್ದಾರೆ.
