ಆಲಿಯಾ ಭಟ್ ಮತ್ತು ರಣ್ಬೀರ್ ಜೋಡಿ ಕಳೆದ ಎರಡು ವರ್ಷಗಳಿಂದ ಜೊತೆಯಲ್ಲಿ ಸುತ್ತಾಟ ನಡೆಸುತ್ತಿದ್ದು, ಇದರ ಬಗ್ಗೆ ಹಲವು ಉಹಾಪೋಹಗಳು ಕೇಳಿ ಬರುತ್ತಿವೆ. ಈ ಜೋಡಿ ಮದುವೆಯಾಗುತ್ತೆ ಎಂಬ ವದಂತಿಯನ್ನೂ ಕೆಲವರು ಹಬ್ಬಿಸುತ್ತಿದ್ದಾರೆ. ಸದ್ಯ ಈ ಬಗ್ಗೆ ರಣಬೀರ್ ಕಪೂರ್ ಸಹೋದರಿ ಕರೀನಾ ಕಪೂರ್ ಹೊಸ ಸುದ್ದಿ ಕೊಟ್ಟಿದ್ದಾರೆ.
ಸದ್ಯ ನಡೆಯುತ್ತಿರುವ ಜಿಯೋ ಮಮಿ ಮೂವಿ ಮೇಳ-2019 ಫಿಲ್ಮ್ ಫೆಸ್ಟ್ನಲ್ಲಿ ಭಾಗಿಯಾಗಿದ್ದ ಕರೀನಾ ಕಪೂರ್, ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಜೋಡಿಯ ಬಗ್ಗೆ ತಮ್ಮ ಅನಿಸಿಕೆ ವ್ಯಕ್ತಪಡಿಸಿದ್ದಾರೆ.
ಇದೇ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ನಿರ್ದೇಶಕ ಕರಣ್ ಜೋಹರ್, ಆಲಿಯಾ ಭಟ್ ಅತ್ತಿಗೆಯಾದರೆ ನಿಮಗೆ ಏನನ್ನಿಸುತ್ತದೆ ಎಂದು ಕೇಳಿದ್ದಾರೆ. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಕರೀನಾ, 'ಅಲಿಯಾ ಭಟ್ ನನ್ನ ಅತ್ತಿಗೆಯಾದರೆ, ಈ ಪ್ರಪಂಚದಲ್ಲಿ ಅತೀ ಹೆಚ್ಚು ಸಂತೋಷ ಪಡುವವಳು ನಾನೆ' ಎಂದು ಹೇಳಿದ್ದಾರೆ.
ಈ ಬಗ್ಗೆ ಆಲಿಯಾ ಭಟ್ರನ್ನು ಕೇಳಿದಾಗ ಅವರೂ ಕೂಡ ಪ್ರತಿಕ್ರಿಯೆ ನೀಡಿದ್ದು, ನಾನು ಈ ಬಗ್ಗೆ ಯಾವ ರೀತಿಯಲ್ಲೂ ಯೋಚಿಸಿಲ್ಲ. ಸದ್ಯ ನಮ್ಮ ಮದುವೆ ಬಗ್ಗೆ ಯೋಚಿಸುವುದು ಅವಶ್ಯಕತೆಯೂ ಇಲ್ಲ. ಅಂತಹ ಸಂದರ್ಭ ಬಂದರೆ ನಾವು ಅದನ್ನು ಎದುರಿಸುತ್ತೇವೆ ಎಂದಿದ್ದಾರೆ.
ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಮದುವೆಯಾದರೆ ಕರೀನಾ ಕಪೂರ್ ರೀತಿಯಲ್ಲಿಯೇ ಜೀನವ ಸಾಗಿಸುತ್ತಾರೆ. ಆಲಿಯಾ ಭಟ್ ಕರೀನಾ ಕಪೂರ್ ಅವರ ಅಭಿಮಾನಿ. ಅವರಿಂದ ಹಲವು ಅಂಶಗಳನ್ನು ಕಲಿತಿದ್ದಾರೆ ಎಂದು ನಿರ್ದೇಶಕ ಕರಣ್ ಜೋಹರ್ ಹೇಳಿದ್ದಾರೆ.
