ಹುಬ್ಬಳ್ಳಿ: ಪ್ರಜ್ವಲ್ ದೇವರಾಜ ಅಭಿನಯದ ಮೂವತ್ತನೇ ಚಿತ್ರ ಇನ್ಸ್ ಪೆಕ್ಟರ್ ವಿಕ್ರಂ ಸಿನಿಮಾದ ಧ್ವನಿ ಸುರುಳಿ ಬಿಡುಗಡೆಯನ್ನು ಸಚಿವ ಜಗದೀಶ ಶೆಟ್ಟರ್ ಹಾಗೂ ವಿ. ಪ ಸದಸ್ಯ ಪ್ರದೀಪ ಶೆಟ್ಟರ್ ಬಿಡುಗಡೆಗೊಳಿಸಿದರು.
ನಗರದ ನೆಹರೂ ಮೈದಾನದಲ್ಲಿ ಆಯೋಜಿಸಲಾಗಿದ್ದ, ಕಾರ್ಯಕ್ರಮದಲ್ಲಿ ದ್ವನಿ ಸುರುಳಿ ಲೋಕಾರ್ಪಣೆಗೊಳಿಸಿ ಮಾತನಾಡಿ ಶೆಟ್ಟರ, ಡೈನಾಮಿಕ್ ಸ್ಟಾರ್ ದೇವರಾಜ ಅವರ ಪುತ್ರ ಪ್ರಜ್ವಲ್ ಅಭಿನಯಿಸಿರುವ ಚಿತ್ರ ಉತ್ತಮವಾಗಿ ತೆರೆ ಕಂಡು ಶತದಿನ ಪೂರೈಸಲಿ ಎಂದು ಹಾರೈಸಿದರು. ಅಲ್ಲದೆ ಮುಂಬರುವ ದಿನಗಳಲ್ಲಿ ಇನ್ನೂ ಹೆಚ್ಚಿನ ಸಾಮಾಜಿಕ ಕಾಳಜಿ ಹಾಗೂ ಸಾರ್ವಜನಿಕ ಕರ್ತವ್ಯ ನಿಭಾಯಿಸುವ ಚಿತ್ರಗಳತ್ತ ಅವರು ಗಮನ ಹರಿಸಲಿ ಎಂದು ಶುಭಹಾರೈಸಿದರು.
ಇನ್ಸ್ ಪೆಕ್ಟರ್ ವಿಕ್ರಂ ಸಿನಿಮಾದ ಧ್ವನಿ ಸುರುಳಿ ಬಿಡುಗಡೆಯನ್ನು ನಟ ದರ್ಶನ್ ಬಿಡುಗಡೆ ಮಾಡಬಹುದು ಎಂಬ ನಿರೀಕ್ಷೆಯಲ್ಲಿದ್ದ ನೂರಾರು ಅಭಿಮಾನಿಗಳು, ದರ್ಶನ ಬಾರದ ಹಿನ್ನೆಲೆ ಹೆಸರು ಕೂಗಿ ಅಭಿಮಾನ ತೋರಿದರು ನಂತರ ನಿರೂಪಕಿ ಅನುಶ್ರೀ ಅಭಿಮಾನಿಗಳನ್ನು ಸಮಾದಾನ ಪಡಿಸಿದರು.
ಪ್ರಜ್ವಲ್ ದೇವರಾಜ್ ಅಭಿನಯದ 30 ನೇ ಸಿನಿಮಾ ಇನ್ಸ್ ಪೆಕ್ಟರ್ ವಿಕ್ರಂಗೆ ನರಸಿಂಹ ನಿರ್ದೇಶನ ಮಾಡಿದ್ದು, ಪ್ರಜ್ವಲಗೆ ನಾಯಕಿಯಾಗಿ ಭಾವನಾ ಅಭಿನಯಿಸಿದ್ದಾರೆ. ಕಾರ್ಯಕ್ರಮದಲ್ಲಿ ಅನುಪಮ ಭಟ್ ಧ್ವನಿ ಪ್ರೇಕ್ಷಕರನ್ನು ಮೋಡಿ ಮಾಡಿತು. ಕಾರ್ಯಕ್ರಮಕ್ಕೆ ಡೈನಾಮಿಕ್ ಸ್ಟಾರ್ ದೇವರಾಜ್ ಹಾಗೂ ಕುಟುಂಬದ ಸದಸ್ಯರು, ನಟಿ ಆಶಿಕಾ ರಂಗನಾಥ್, ದೀಪಿಕಾ ದಾಸ್, ನಟ ಡಾಲಿ ಧನಂಜಯ್, ಅನೂಪ್ ಸಿನಿನ್ ಸೇರಿದಂತೆ ಇತರರು ಇದ್ದರು.
