ಬಾಲಿವುಡ್ ಸಿನಿಮಾ ರಂಗದಲ್ಲಿ ಮಿಂಚಿದ ಹಾಗೂ ಸಾಧನೆ ಮಾಡಿದವರಿಗೆ ಭಾರತದ ಸಿನಿಮಾ ರಂಗದಲ್ಲಿ ನೀಡುವ ಉನ್ನತ ಪ್ರಶಸ್ತಿಗಳಲ್ಲಿ ಒಂದಾದ ಐಫಾ(ಇಂಟರ್ನ್ಯಾಷನಲ್ ಇಂಡಿಯನ್ ಫಿಲ್ಮ್ ಅಕಾಡೆಮಿ ಅವಾರ್ಡ್) ಪ್ರಶಸ್ತಿಯನ್ನು ನಿನ್ನೆ ರಾತ್ರಿ ನೀಡಲಾಯಿತು.
ಇದು 20ನೇ ಆವೃತ್ತಿಯ ಐಫಾ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮವಾಗಿದ್ದು ಬಾಲಿವುಡ್ನ ತಾರೆಯರು ಕಾರ್ಯಕ್ರಮದಲ್ಲಿ ಮಿಂಚಿದ್ದಾರೆ. ಬುಧವಾರ ರಾತ್ರಿ ಮುಂಬೈನಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ಸಲ್ಮಾನ್ ಖಾನ್, ರಣವೀರ್ ಸಿಂಗ್, ಕತ್ರಿನಾ ಕೈಫ್, ದೀಪಿಕಾ ಪಡುಕೋಣೆ, ಮಾಧುರಿ ದೀಕ್ಷತ್, ಸಾರಾ ಅಲಿ ಖಾನ್, ಅದಿತಿ ರಾವ್ ಹೈದರಿ, ರಾಧಿಕ ಅಪ್ಟೆ, ವಿಕ್ಕಿ ಕೌಶಲ್ ಸೇರಿದಂತೆ ಹಲವು ತಾರೆಯರು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.
ಯಾರ್ಯಾರಿಗೆ ಪ್ರಶಸ್ತಿ
ರಾಜಿ ಸಿನಿಮಾ(ಉತ್ತಮ ಸಿನಿಮಾ)
ರಣವೀರ್ ಸಿಂಗ್, ಪದ್ಮಾವತ್ ಸಿನಿಮಾ(ಉತ್ತಮ ನಟ)
ಆಲಿಯಾ ಭಟ್, ರಾಜಿ ಸಿನಿಮಾ (ಉತ್ತಮ ನಟಿ)
ಶ್ರೀರಾಮ್ ರಾಘವನ್(ಉತ್ತಮ ನಿರ್ದೇಶಕ)
ಅದಿತಿ ರಾವ್ ಹೈದರಿ(ಉತ್ತಮ ಪೋಷಕ ನಟಿ)
ವಿಕ್ಕಿ ಕೌಶಲ್(ಉತ್ತಮ ಪೋಷಕ ನಟ)
ಸಾರಾ ಅಲಿಖಾನ್(ಚೊಚ್ಚಲ ಉತ್ತಮ ನಟಿ)
ಇಶಾನ್ ಖಟ್ಟರ್ ( ಚೊಚ್ಚಲ ಉತ್ತಮ ನಟ)
ಇಷ್ಷೇ ಅಲ್ಲದೆ ದೀಪಿಕಾ ಪಡುಕೋಣೆ, ರಣಬೀರ್ ಕಪೂರ್, ರಾಜ್ ಕುಮಾರ್ ಹಿರಾಣಿ ಮತ್ತು ಸರೋಜ್ ಖಾನ್ಗೆ ವಿಶೇಷ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
ಇನ್ನು ಕಾರ್ಯಕ್ರಮದಲ್ಲಿ ಗ್ರೀನ್ ಕಾರ್ಪೇಟ್ ಮೇಲೆ ತಾರೆಯರ ವೈಯಾರದ ನಡಿಗೆ ನೋಡುಗರ ಗಮನ ಸೆಳೆಯಿತು. ಮಾಧುರಿ ದೀಕ್ಷಿತ್ ರೆಡ್ ಗೌನ್ ಧರಿಸಿ ಗ್ರೀನ್ ಕಾರ್ಪೇಟ್ ಮೇಲೆ ಮಿಂಚಿದರೆ, ಸಾರಾ ಅಲಿ ಖಾನ್ ಬಿಳಿ ಗೌನಿನಲ್ಲಿ ನೆರೆದಿದ್ದವರ ಹೃದಯಕ್ಕೆ ಲಗ್ಗೆ ಇಟ್ಟರು. ಇನ್ನು ರಾಧಿಕಾ ಆಪ್ಟೆ ಕ್ರೀಂ ಗೌನ್ ಧರಿಸಿ ವಿಶೇಷ ಲುಕ್ ನೀಡಿದ್ರು. ಇನ್ನು ಪ್ರೀತಿ ಜಿಂಟಾ ಗೋಲ್ಡನ್ ಬಣ್ಣದ ಗೌನ್ ತೊಟ್ಟ ಗಮನ ಸೆಳೆದ್ರು.