ಹೈದರಾಬಾದ್: ವಿಶ್ವದ ಶ್ರೀಮಂತ ಕ್ರೀಡೆಗಳಲ್ಲಿ ಒಂದು ಎನಿಸಿಕೊಂಡಿರುವ ಕ್ರಿಕೆಟ್ನಲ್ಲಿ ಆಟಗಾರರು ಬಳಸುವ ಬ್ಯಾಟ್ನಿಂದ ಹಿಡಿದು ಇದರಲ್ಲಿ ಬಳಕೆಯಾಗುವ ಪ್ರತಿಯೊಂದು ವಸ್ತುಗಳು ಬಲು ದುಬಾರಿ ಬೆಲೆಯದ್ದಾಗಿವೆ. ಅದರಲ್ಲೂ ಅಂಪೈರ್ಗೆ ಸರಿಯಾದ ನಿರ್ಧಾರ ತೆಗೆದುಕೊಳ್ಳಲು ಸಹಾಯ ಮಾಡವ ಮತ್ತು ಹಲವಾರು ವೈಶಿಷ್ಟ್ಯಗಳನ್ನು ಒಳಗೊಂಡಿರುವ ಎಲ್ಇಡಿ ಸ್ಟಂಪ್ಸ್ಗಳು ಕೂಡ ಹೆಚ್ಚಿನ ಬೆಲೆಯದ್ದಾಗಿವೆ. ಹಾಗಾದ್ರೆ ಕ್ರಿಕೆಟ್ನಲ್ಲಿ ಬಳಕೆಯಾಗುವ ಸ್ಟಂಪ್ಸ್ ಬೆಲೆ ಎಷ್ಟು ಎಂಬುದರ ಮಾಹಿತಿಯನ್ನು ಈ ಸುದ್ದಿಯಲ್ಲಿ ತಿಳಿದುಕೊಳ್ಳೋಣ.
ವಿಕೆಟ್ ಬಳಕೆ: ಆರಂಭದಲ್ಲಿ ಕ್ರಿಕೆಟ್ನಲ್ಲಿ ಕೇವಲ ಎರಡು ವಿಕೆಟ್ಗಳನ್ನು ಮಾತ್ರ ಬಳಕೆ ಮಾಡಲಾಗುತ್ತಿತ್ತು. ಆದರೆ ಎರಡು ವಿಕೆಟ್ಗಳ ಮಧ್ಯ ಹೆಚ್ಚಿನ ಸ್ಥಳವಿರುವುದರಿಂದ ಬೌಲ್ ವಿಕೆಟ್ಗೆ ತಾಗದೇ ಹಿಂದೆ ಹೋಗುತ್ತಿತ್ತು. ಇದು ಬ್ಯಾಟರ್ಗಳಿಗೆ ಹೆಚ್ಚಿನ ಅನುಕೂಲಕರವಾಗಿತ್ತು. ಆದ್ರೆ 1775 ರಲ್ಲಿ, ಲಂಪಿ ಸ್ಟೀವನ್ಸನ್ ಎಂಬ ವ್ಯಕ್ತಿ ಮೊದಲ ಬಾರಿಗೆ ಕ್ರಿಕೆಟ್‌ಗೆ 3 ಸ್ಟಂಪ್ಗಳನ್ನು ಪರಿಚಯಿಸಿದರು. ನಂತರ ಆ ನಿಯಮವು ಆಟದಲ್ಲಿ ಮುಂದುವರೆಸಲಾಯಿತು ಎಂದು ಹೇಳಲಾಗುತ್ತದೆ. ಮೊದಲಿಗೆ ಕ್ರಿಕೆಟ್ನಲ್ಲಿ ಮರದ ಕಟ್ಟಿಗೆಯಿಂದ ಮಾಡಲಾದ ಸ್ಟಂಪ್ಸ್ಗಳನ್ನು ಬಳಕೆ ಮಾಡಲಾಗುತ್ತಿತ್ತು.
ಆದರೇ ಕೆಲವೊಮ್ಮೆ ಚೆಂಡು ಬ್ಯಾಟ್ಗೆ ತಾಗಿ ವಿಕೆಟ್ ಕೀಪರ್ ಕೈ ಸೇರಿದರೇ ಸರಿಯಾದ ನಿರ್ಧಾರ ಘೋಷಿಸಲು ಅಂಪೈರ್ಗೆ ಕಷ್ಟವಾಗುತ್ತಿತ್ತು. ನಂತರ ಆಟ ಹೆಚ್ಚು ಪ್ರಸಿದ್ಧಿ ಪಡೆಯುತ್ತ ಹೋದಂತೆ ಹಲವಾರು ಬದಲಾವಣೆಗಳು ಆದವು. ನಂತರ 2008ರಲ್ಲಿ ಆಸ್ಟ್ರೇಲಿಯಾದ BBG ಕಂಪನಿ ಕ್ಯಾಮೆರಾಗಳನ್ನು ಹೊಂದಿದ ಸ್ಟಂಪ್ಗಳನ್ನು ಪರಿಚಯಿಸಿತು. ಬಳಿಕ ಸ್ಟಂಪ್ಸ್ ಕಾಮಿ ಲಿಮಿಟೆಡ್ ಇದನ್ನು ಖರೀದಿ ಮಾಡಿತು. ಅದೇ ವರ್ಷ ಮಾರ್ಚ್ ತಿಂಗಳಲ್ಲಿ ನಡೆದ ಆಸ್ಟ್ರೇಲಿಯಾ-ದಕ್ಷಿಣ ಆಫ್ರಿಕಾ ಪಂದ್ಯದಲ್ಲಿ ಮೊದಲ ಬಾರಿಗೆ ಇವುಗಳನ್ನು ಬಳಕೆ ಮಾಡಲಾಯಿತು.
ನಂತರ ಬ್ರಾಂಟೆ ಎಕೆರ್ಮನ್ ಎಂಬ ಮಾಜಿ ಆಸ್ಟ್ರೇಲಿಯನ್ ಗ್ರೇಡ್ ಕ್ರಿಕೆಟಿಗ ಮತ್ತು ಇಂಜಿನಿಯರ್ 2012ರಲ್ಲಿ ಎಲ್ಇಡಿ ಸ್ಟಂಪ್ಗಳಲ್ಲಿ ಮೈಕ್ರೊಪ್ರೊಸೆಸರ್ ಮೈಕ್ಗಳನ್ನು ಹೊಂದಿರುವ ಸ್ಟಂಪ್ ಸಿದ್ಧಪಡಿಸಿದರು. ಇದರಿಂದ ಬೌಲ್ ಟ್ರ್ಯಾಕಿಂಗ್ ತುಂಬಾ ಸುಲಭವಾಯಿತು. ನಂತರ ಜಿಂಗ್ ಕಂಪನಿ ಈ ವಿಕೆಟ್ಗಳನ್ನು ತಯಾರಿಸಲು ಪ್ರಾರಂಭಿಸಿತು.
2012ರಲ್ಲಿ ನಡೆದ ಬಿಗ್ಬ್ಯಾಷ್ ಲೀಗ್ನಲ್ಲಿ ಮೊದಲ ಬಾರಿಗೆ ಎಲ್ಲಾ ವೈಶಿಷ್ಟ್ಯಗಳನ್ನು ಹೊಂದಿರುವ ಎಲ್ಇಡಿ ಸ್ಟಂಪ್ಸ್ಅನ್ನು ಬಳಸಲಾಯಿತು. ಬಳಿಕ 2014ರಲ್ಲಿ ಮೊದಲ ಬಾರಿಗೆ ಐಸಿಸಿ ಆಯೋಜಿತ ಅಂಡರ್-19 ವಿಶ್ವಕಪ್ ಕ್ರಿಕೆಟ್ನಲ್ಲೂ ಇವುಗಳ ಬಳಕೆ ಮಾಡಲಾಯಿತು. 2016ರ ಐಪಿಎಲ್ನಿಂದಲೂ ಇವುಗಳನ್ನು ಬಳಕೆ ಮಾಡಲಾಗುತ್ತಿದೆ. ಸದ್ಯ ಐಸಿಸಿ ಆಯೋಜಿತ ಪ್ರತಿ ಪಂದ್ಯಗಳಲ್ಲಿ ಈ ಸ್ಟಂಪ್ಸ್ಅನ್ನು ಬಳಕೆ ಮಾಡಲಾಗುತ್ತಿದೆ.
ಸ್ಟಂಪ್ಸ್ ಬೆಲೆ ಎಷ್ಟು: ಜಿಂಗ್ ಇಂಟರ್‌ನ್ಯಾಷನಲ್‌ನಿಂದ ತಯಾರಿಸಲ್ಪಟ್ಟ ಬೈಲ್‌ಗಳನ್ನು ಒಳಗೊಂಡಿರುವ ಎಲ್ಇಡಿ ಸ್ಟಂಪ್‌ಗಳ ಬೆಲೆ ಸುಮಾರು 40,000 ಡಾಲರ್ ಆಗಿದೆ. ಭಾರತೀಯ ರೂಪಾಯಿಯಲ್ಲಿ ₹30 ಲಕ್ಷದಿಂದ ₹35 ಲಕ್ಷ ಆಗಿದೆ.
