ಅಣ್ಣಾವ್ರಂತೆ ಕನ್ನಡ ಹೋರಾಟದ ಅಖಾಡಕ್ಕೆ ಇಳಿದ ಗೋಲ್ಡನ್ ಸ್ಟಾರ್...'ಗೀತಾ' ಟ್ರೇಲರ್ ಬಿಡುಗಡೆ

ಗೋಲ್ಡನ್ ಸ್ಟಾರ್ ಗಣೇಶ್ ಎರಡು ಶೇಡ್​​ಗಳಲ್ಲಿ ನಟಿಸಿರುವ 'ಗೀತಾ' ಸಿನಿಮಾ ಟ್ರೇಲರ್ ಬಿಡುಗಡೆಯಾಗಿದೆ. ಲವರ್ ಬಾಯ್ ಹಾಗೂ ಕನ್ನಡ ಹೋರಾಟಗಾರನಾಗಿ ಗಣೇಶ್ ಕಾಣಿಸಿಕೊಂಡಿದ್ದಾರೆ. ಶಿಲ್ಪಾ ಗಣೇಶ್ ಹಾಗೂ ಸಯ್ಯದ್ ಸಲಾಮ್ ಈ ಸಿನಿಮಾಗೆ ಬಂಡವಾಳ ಹೂಡಿದ್ದಾರೆ.

'ಗೀತಾ' ಕರಾಟೆ ಕಿಂಗ್ ಶಂಕರ್ ನಾಗ್ ಅಭಿನಯದ ಸೂಪರ್ ಹಿಟ್ ಚಿತ್ರದ ಹೆಸರು. ಇದೇ ಹೆಸರಿನಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಹೊಸ ಸಿನಿಮಾ ತಯಾರಾಗಿದೆ. ಇದೀಗ ಈ ಚಿತ್ರದ ಟ್ರೇಲರ್ ಕೂಡಾ ಬಿಡುಗಡೆಯಾಗಿದೆ.

• " class="align-text-top noRightClick twitterSection" data="">

ಟೀಸರ್ ಹಾಗೂ ಪೋಸ್ಟರ್ನಿಂದ ಸೆನ್ಸೇಷನ್ ಹುಟ್ಟುಹಾಕಿರುವ ಸಿನಿಮಾ 'ಗೀತಾ'. ಕ್ಯೂಟ್ ಲವ್ ಸ್ಟೋರಿ ಜೊತೆಗೆ ಕನ್ನಡ ಅಭಿಮಾನ ಸಾರುವ ಅಂಶಗಳು ಟ್ರೇಲರ್​​​​​ನಲ್ಲಿ ಕಾಣುತ್ತಿವೆ. ಗೋಲ್ಡನ್ ಸ್ಟಾರ್ ಗಣೇಶ್ ಪಾರ್ವತಿ ಅರುಣ್, ಶಾನ್ವಿ ಶ್ರೀವಾತ್ಸವ್​​​​​​​​​ ಹಾಗೂ ಪ್ರಯಾಗಾ ಮಾರ್ಟಿನ್ ಹೀಗೆ ಮೂವರು ನಾಯಕಿಯರೊಂದಿಗೆ ಕಾಣಿಸಿಕೊಂಡಿದ್ದಾರೆ. ಆದ್ರೆ ಈ ಮೂವರು ಹೀರೋಯಿನ್​​​ಗಳಲ್ಲಿ ಗೀತಾ ಯಾರು ಅನ್ನೋದು ಮಾತ್ರ ರಿವೀಲ್ ಆಗಿಲ್ಲ. ಲವರ್ ಬಾಯ್ ಜೊತೆಗೆ ಕನ್ನಡ ಹೋರಾಟಗಾರನಾಗಿ ಗಣೇಶ್ ಆರ್ಭಟಿಸಿದ್ದಾರೆ. 'ಅಣ್ಣಾವ್ರೇ ಅಖಾಡಕ್ಕೆ ಇಳಿದ ಮೇಲೆ..ಅಖಾಡ ನಮ್ಮದೇ' ಅಂತಾ ಗಣೇಶ್ ಬೊಂಬಾಟ್ ಡೈಲಾಗ್ ಕೂಡಾ ಹೊಡೆದಿದ್ದಾರೆ.

ಈ ಸಿನಿಮಾ ಗೋಕಾಕ್ ಚಳವಳಿಯ ಕಥೆ ಒಳಗೊಂಡಿದೆ. ಸುಧಾರಾಣಿ ಗಣೇಶ್ ತಾಯಿಯಾಗಿ ಕಾಣಿಸಿಕೊಂಡಿದ್ದಾರೆ. ರಂಗಾಯಣ ರಘು, ರವಿಶಂಕರ್ ಗೌಡ, ಅಚ್ಯುತ್ ಕುಮಾರ್ ,ದೇವರಾಜ್ ಸೇರಿದಂತೆ ಹಲವು ಕಲಾವಿದರು ಈ ಚಿತ್ರದಲ್ಲಿದ್ದಾರೆ. 'ಮಿಸ್ಟರ್ ಅಂಡ್ ಮಿಸೆಸ್ ರಾಮಾಚಾರಿ' ಹಾಗೂ 'ರಾಜಕುಮಾರ' ಸಿನಿಮಾಗಳಿಗೆ ಸಹ ನಿರ್ದೇಶಕನಾಗಿ ಕೆಲಸ ಮಾಡಿದ್ದ, ವಿಜಯ್ ನಾಗೇಂದ್ರ 'ಗೀತಾ' ಚಿತ್ರವನ್ನು ನಿರ್ದೇಶಿಸಿದ್ದಾರೆ‌. ‌ಶಿಲ್ಪಾ ಗಣೇಶ್ ಹಾಗೂ ಸಯ್ಯದ್ ಸಲಾಂ‌ಮ್​​ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಇದೇ ಸೆಪ್ಟೆಂಬರ್ 27ಕ್ಕೆ 'ಗೀತಾ' ಸಿನಿಮಾ ಬಿಡುಗಡೆಯಾಗುತ್ತಿದೆ. ಬ್ರೇಕ್​​​​ಗಾಗಿ ಕಾಯುತ್ತಿರುವ ಗಣೇಶ್ ಅವರ ಎರಡು ಶೇಡ್ ಪ್ರೇಕ್ಷಕರಿಗೆ ಎಷ್ಟು ಕಿಕ್ ಕೊಡಲಿದೆ ಈ ತಿಂಗಳ ಕೊನೆಯಲ್ಲಿ ತಿಳಿಯಲಿದೆ.