ಡಾ. ರಾಜ್ ಕುಮಾರ್ ಅವರು ಅಭಿಮಾನಿಗಳನ್ನ, ಅಭಿಮಾನಿ ದೇವರುಗಳು ಅಂತಾ ಸುಮ್ಮನೆ ಕರೆದಿಲ್ಲ ಅನಿಸುತ್ತೆ.
ಅಭಿಮಾನಿಗಳು ತಮ್ಮ ಅಚ್ಚುಮೆಚ್ಚಿನ ನಟನಿಗಾಗಿ ಮೈ ಮೇಲೆ, ಕೈ ಮೇಲೆ ಹಚ್ಚೆ ಹಾಕಿಸಿಕೊಳ್ಳುವುದರಿಂದ ಹಿಡಿದು, ಬೈಕ್, ಕಾರು ಹಾಗೂ ಆಟೋಗಳ ಮೇಲೆ ತಮ್ಮ ನಟನ ಫೋಟೋವನ್ನ ಹಾಕಿಕೊಳ್ಳುವ ಮೂಲಕ ಅಭಿಮಾನ ಮೆರೆಯುತ್ತಾರೆ. ಅಣ್ಣಾವ್ರ ಮಾತು ಈಗ ಡಾಲಿ ಧನಂಜಯ್ ವಿಷಯದಲ್ಲಿ ನಿಜವಾಗಿದೆ.
ಹೌದು ಕೆಲ ದಿನಗಳ ಹಿಂದೆ ಡಾಲಿ ಧನಂಜಯ್ ತಮ್ಮ ಹುಟ್ಟು ಹಬ್ಬವನ್ನ ಆಚರಿಸಿಕೊಂಡಿದ್ರು. ಆದರೆ, ಕೊರೊನಾಯಿಂದಾಗಿ ಧನಂಜಯ್ ಈ ವರ್ಷ ಹುಟ್ಟುಹಬ್ಬವನ್ನ ಆಚರಿಸಿಕೊಂಡಿಲ್ಲ. ಹೀಗಾಗಿ ಧನಂಜಯ ಮಹಿಳಾ ಅಭಿಮಾನಿಯೊಬ್ಬರು ಡಾಲಿಗೆ ವಿಶೇಷವಾದ ಉಡುಗೊರೆ ನೀಡಿದ್ದಾರೆ.
ಜ್ಯೋತಿ ಎಂಬವರು ಧನಂಜಯ್ ಅವ್ರ ಅಪ್ಪಟ ಅಭಿಮಾನಿ. ಅದಕ್ಕೆ ಜ್ಯೋತಿಯವರು ಧನಂಜಯ್ ಬಾಲ್ಯದ ಫೋಟೋಗಳ ಜೊತೆಗೆ ಇವತ್ತಿನ ಫೋಟೋಗಳನ್ನ ಕಟ್ ಮಾಡಿ ಬರ್ತ್ ಡೇ ಕಾರ್ಡ್ ಅನ್ನು ಡೈರಿ ಶೈಲಿಯಲ್ಲಿ ಕಳುಹಿಸಿದ್ದಾರೆ. ಇದರ ಜೊತೆ ಒಂದು ಪತ್ರವನ್ನ ಕೂಡ ಬರೆದಿದ್ದಾರೆ. ಇಷ್ಟೇ ಅಲ್ಲ ಒಂದು ಲೈಟಿಂಗ್ ಇರುವ ಗಿಫ್ಟ್ ನ್ನ ಮಾಡಿ ಕಳುಹಿಸಿರೋದು ಆಶ್ಚರ್ಯ ಅನಿಸುತ್ತೆ.
ಈ ವಿಶೇಷ ಉಡುಗೊರೆಯನ್ನ ಧನಂಜಯ್ ತಮ್ಮ ಅಭಿಮಾನಿ ಕಳುಹಿಸಿರುವ ಸ್ಪೆಷಲ್ ಗಿಫ್ಟ್ ನೋಡಿ ಮನಸೋತಿದ್ದಾರೆ. ಅಷ್ಟೇ ಆ ಅಭಿಮಾನಿಗಾಗಿ ಡಾಲಿ ಧನಂಜಯ್ ಕೂಡ ಪ್ರೀತಿಯಿಂದ ಸಲಾಂ ಮಾಡಿದ್ದಾರೆ.
ಸದ್ಯ ಬಡವ ರಾಸ್ಕಲ್, ಹೆಡ್ ಬುಷ್, ಹೆಸರಿಡದ ಚಿತ್ರಗಳಲ್ಲಿ ಡಾಲಿ ಅಭಿನಯಿಸ್ತಾ ಇದ್ದಾರೆ.
