ಬಾಹುಬಲಿ ನಂತರ ಸ್ಟಾರ್ ನಿರ್ದೇಶಕ ಎಸ್ಎಸ್ ರಾಜಮೌಳಿ ಹೊಸ ಚಿತ್ರವನ್ನು ಅನೌನ್ಸ್ ಮಾಡಿದ್ದೇ ಮಾಡಿದ್ದು. ಆ ಸಿನಿಮಾಗೆ ಸಂಬಂಧಿಸಿದ ಪ್ರತಿ ಚಿಕ್ಕ ವಿಷಯವನ್ನೂ ಕೂಡಾ ಅಭಿಮಾನಿಗಳು ತಿಳಿದುಕೊಳ್ಳಲು ಬಹಳ ಕ್ಯೂರಿಯಾಸಿಟಿ ತೋರುತ್ತಿದ್ದಾರೆ.
ರಾಮ್ಚರಣ್ ತೇಜ ಹಾಗೂ ಜ್ಯೂನಿಯರ್ ಎನ್ಟಿಆರ್ ಈ ಚಿತ್ರದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ. ಇನ್ನು ಈ ಚಿತ್ರಕ್ಕೆ ಸಂಬಂಧಿಸಿದ ಹೊಸ ವಿಷಯವೊಂದು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. 'ಆರ್ಆರ್ಆರ್' ಹೆಸರಿನ ಬಗ್ಗೆ ಸಿನಿಪ್ರಿಯರಿಗೆ ಸಾಕಷ್ಟು ಕುತೂಹಲ ಇತ್ತು. ಈ ಪದಗಳ ಅರ್ಥ ಏನಿರಬಹುದು ಎಂದು ತಲೆಗೆ ಹುಳು ಬಿಟ್ಟುಕೊಂಡು ಯೋಚಿಸುತ್ತಿದ್ದರು. ಆದರೆ ಈಗ ಅನುಮಾನಕ್ಕೆ ರಾಜಮೌಳಿ ತೆರೆ ಎಳೆದಿದ್ದಾರೆ. ಆರ್ಆರ್ಆರ್ ಅಕ್ಷರಗಳಿಗೆ ತಕ್ಕಂತೆ ಸೂಕ್ತ ಹೆಸರನ್ನು ಇಡುವಂತೆ ಅಭಿಮಾನಿಗಳಿಗೆ ರಾಜಮೌಳಿ ಮನವಿ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿ ಬಹಳಷ್ಟು ಅಭಿಮಾನಿಗಳು ಟ್ವಿಟ್ಟರ್ನಲ್ಲಿ ಹೆಸರು ಪೋಸ್ಟ್ ಮಾಡಿದ್ದರು. ಈ ಟ್ವೀಟ್ಗಳಲ್ಲಿ ಚಿತ್ರತಂಡ ಅಭಿಮಾನಿಯೊಬ್ಬರು ಸೂಚಿಸಿದ್ದ 'ರಾಮ ರೌದ್ರ ರುಷಿತಂ' ಎಂಬ ಹೆಸರನ್ನು ಫೈನಲ್ ಮಾಡಿದ್ದು, ತೆಲುಗು ಬಿಟ್ಟು ಇನ್ನುಳಿದ ಭಾಷೆಗಳಲ್ಲಿ 'ರೈಜ್ ರಿವೋಲ್ಟ್ ರಿವೇಂಜ್' ಹೆಸರಿನಲ್ಲಿ ಚಿತ್ರ ಬಿಡುಗಡೆ ಮಾಡುವುದಾಗಿ ತಿಳಿದುಬಂದಿದೆ. ಆದರೆ, ಇದಕ್ಕೆ ಸಂಬಂಧಿಸಿದಂತೆ ಚಿತ್ರತಂಡ ಅಧಿಕೃತವಾಗಿ ಹೇಳಬೇಕಿದೆಯಷ್ಟೇ.
