ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ಬಹುತಾರಾಗಣ ನಟಿಸಿರೋ ಪೌರಾಣಿಕ ಸಿನಿಮಾ ಕುರುಕ್ಷೇತ್ರ ರಿಲೀಸ್ಗೆ ಇನ್ನೇನು ಕೆಲವೇ ದಿನಗಳು ಮಾತ್ರ ಬಾಕಿ ಇದೆ. ಈ ಸಿನಿಮಾ ವಿಶ್ವದಾದ್ಯಂತ ತೆರೆ ಕಾಣ್ತಿದ್ದು ದುರ್ಯೋಧನ ಪಾತ್ರದ ದರ್ಶನ್ರನ್ನು ಬಿಗ್ ಸ್ಕ್ರೀನ್ನಲ್ಲಿ ಕಣ್ತುಂಬಿಕೊಳ್ಳೋಕೆ ಅಭಿಮಾನಿಗಳು ಕಾತರದಿಂದ ಕಾಯ್ತಿದ್ದಾರೆ.
ಒಂದೆಡೆ ಥಿಯೇಟರ್ಗಳ ಮುಂದೆ ಬೃಹತ್ ಕಟೌಟ್ಗಳು ನಿಂತಿದ್ರೆ, ಇನ್ನೊಂದೆಡೆ ಅಭಿಮಾನಿಗಳು ಬೃಹತ್ ಹೂವಿನ ಮಾಲೆ ಹಾಕಿ ದುರ್ಯೋಧನ ಹಾಗೂ ತಂಡಕ್ಕೆ ಅದ್ಧೂರಿಯಾಗಿ ಸ್ವಾಗತ ಕೋರ್ತಿದ್ದಾರೆ. ಶುಕ್ರವಾರ ತೆರೆಕಾಣಲಿರುವ ಚಿತ್ರವನ್ನು ಇದೀಗ ಸ್ಪೆಷಲ್ ಶೋ ಮೂಲಕ ದರ್ಶನ್ ಕುಟುಂಬ ವೀಕ್ಷಣೆ ಮಾಡಿದೆ.
ಅಪ್ಪನ ಅಭಿನಯಕ್ಕೆ ವಿನೀಶ್ ಫಿದಾ ಆಗಿದ್ದಾನೆ. ಇದೇ ಆಗಸ್ಟ್ 9 ವರಮಹಾಲಕ್ಷ್ಮಿ ಹಬ್ಬದಂದು ರಿಲೀಸ್ ಆಗಲಿರುವ ದರ್ಶನ್ರ ಕುರುಕ್ಷೇತ್ರ ಸಿನಿಮಾದ ಸ್ಪೆಷಲ್ ಶೋವನ್ನು ನಿನ್ನೆ ಏರ್ಪಡಿಸಲಾಗಿತ್ತು. ಈ ವೇಳೆ, ದರ್ಶನ್ ಕುಟುಂಬ ಸಮೇತರಾಗಿ ಬಂದು ಚಿತ್ರ ವೀಕ್ಷಿಸಿದ್ದಾರೆ.
ಅಪ್ಪನ ಕೌರವ ಪಾತ್ರದ ಅವತಾರ ಕಂಡು ದರ್ಶನ್ ಪುತ್ರ ವಿನೀಶ್ ಪುಲ್ ಫಿದಾ ಆಗಿದ್ದಾನೆ. ಜೊತೆಗೆ ಅಪ್ಪನ ಕಟೌಟ್ ಮುಂದೆ ನಿಂತು ಫೋಟೋ ತೆಗೆಸಿಕೊಳ್ಳೋ ಮೂಲಕ ಸಂಭ್ರಮಿಸಿದ್ದಾನೆ.
ಇನ್ನು ಸಿನಿಮಾವನ್ನು ನೋಡಿದ ಚಿತ್ರತಂಡ ಕೂಡ ದರ್ಶನ್ ಅಭಿನಯಕ್ಕೆ ಹ್ಯಾಟ್ಸಾಫ್ ಹೇಳಿದೆ. ಚಿತ್ರದಲ್ಲಿ ಶಶಿಕುಮಾರ್, ಅರ್ಜುನ್ ಸರ್ಜಾ, ಅಂಬರೀಶ್, ಹರಿಪ್ರಿಯಾ, ಮೇಘನಾರಾಜ್, ಭಾರತಿ ವಿಷ್ಣುವರ್ಧನ್ ಸೇರಿದಂತೆ ಹಲವರು ನಟಿಸಿದ್ದಾರೆ.
