ಮಂಗಳೂರಿನ ಪ್ರತಿಭೆ ಕೀರ್ತಿ ಶೆಟ್ಟಿ ಟಿ-ಟೌನ್ಗೆ ಹಾರಿದ್ದು, ಚೊಚ್ಚಲ ಚಿತ್ರದಲ್ಲೇ ಮೆಗಾಸ್ಟಾರ್ ಚಿರಂಜೀವಿ ಸಂಬಂಧಿಯೊಬ್ಬರ ಜೊತೆ ಆನ್ಸ್ಕ್ರೀನ್ ರೋಮ್ಯಾನ್ಸ್ ರೆಡಿಯಾಗಿದ್ದಾರೆ.
ಈಗಾಗಲೇ ಟಾಲಿವುಡ್ನಲ್ಲಿ ಕರಾವಳಿಯ ಬೆಡಗಿ ಅನುಷ್ಕಾ ಶೆಟ್ಟಿ ಭದ್ರೆ ನೆಲೆ ಕಂಡುಕೊಂಡಿದ್ದಾರೆ. ಇದೀಗ ಮತ್ತೋರ್ವ ಕನ್ನಡತಿ ಮಂಗಳೂರಿನ ಚೆಲುವೆ ತೆಲುಗು ಚಿತ್ರದಲ್ಲಿ ನಟಿಸುವ ಮೂಲಕ ಅಭಿನಯಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ. ಚೊಚ್ಚಲ ಚಿತ್ರಕ್ಕೇ ಪರಭಾಷೆಗೆ ಜಂಪ್ ಮಾಡಿರುವ ಕೀರ್ತಿ ಶೆಟ್ಟಿ, ಎಲ್ಲರನ್ನು ಹುಬ್ಬೇರಿಸುವಂತೆ ಮಾಡಿದ್ದಾಳೆ.
ಟಾಲಿವುಡ್ನ ಬಿಗ್ ಸ್ಟಾರ್ ಚಿರಂಜೀವಿ ಸೋದರ ಸಂಬಂಧಿ,ಯುವ ನಟ ವೈಷ್ಣವ್ ತೇಜ್ ಜೊತೆ 'ಉಪ್ಪೇನಾ' ಚಿತ್ರದಲ್ಲಿ ತೆರೆ ಹಂಚಿಕೊಳ್ಳಲಿದ್ದಾರೆ. ಖ್ಯಾತ ನಿರ್ದೇಶಕ ಸುಕುಮಾರ್ ಗರಡಿಯಲ್ಲಿ ಬೆಳೆದ ಬುಚ್ಚಿ ಬಾಬು ನಿರ್ದೇಶನದ ಈ ಚಿತ್ರದಲ್ಲಿ ತಮಿಳಿನ ವಿಜಯ್ ಸೇತುಪತಿ ಕೂಡ ನಟಿಸುತ್ತಿದ್ದಾರೆ. ಕೆಲ ದಿನಗಳ ಹಿಂದೆಯಷ್ಟೆ ಈ ಚಿತ್ರ ಸೆಟ್ಟೇರಿದ್ದು, ಮೇ.25 ನಂತರ ಶೂಟಿಂಗ್ ಶುರುವಾಗಲಿದೆ.
