ಬೆಂಗಳೂರು: ಆ ದಿನಗಳು ಚಿತ್ರದ ನಂತರ ಅಗ್ನಿ ಶ್ರೀಧರ್ ಬತ್ತಳಿಕೆಯಿಂದ ಮತ್ತೊಂದು ಭೂಗತ ಲೋಕದ ಚಿತ್ರ ತೆರೆ ಮೇಲೆ ಬರುತ್ತಿದೆ. ಇನ್ನೂ ಈ ಚಿತ್ರದಲ್ಲಿ ಭೂಗತ ಲೋಕದ ದೊರೆ ಎಂ.ಪಿ.ಜಯರಾಜ್ ಕಥೆಯನ್ನು ತೆರೆ ಮೇಲೆ ತರಲು ಅಗ್ನಿಶ್ರೀಧರ್ ಸಿದ್ಧರಾಗಿದ್ದಾರೆ. ಎಂ.ಪಿ.ಜಯರಾಜ್ ಪಾತ್ರಕ್ಕೆ ಡಾಲಿ ಧನಂಜಯ್ ಜೀವ ತುಂಬಲಿದ್ದಾರೆ.
ಅಗ್ನಿ ಶ್ರೀಧರ್ ಅವರ ‘ದಾದಾಗಿರಿಯ ದಿನಗಳು’ ಆಧಾರಿತ ಈ ಚಿತ್ರಕ್ಕೆ ಚಿತ್ರತಂಡ ಟೈಟಲ್ ಫೈನಲ್ ಮಾಡದೇ, ಫ್ರೀ ಪ್ರೊಡಕ್ಷನ್ ವರ್ಕ್ನಲ್ಲಿ ಬ್ಯುಸಿಯಾಗಿತ್ತು. ಈಗ ಈ ಸಿನಿಮಾಗೆ ಟೈಟಲ್ ಫೈನಲ್ ಆಗಿದ್ದು, ಸಿನಿಮಾದ ಶೀರ್ಷಿಕೆಯನ್ನು ಇದೇ ಆಗಸ್ಟ್ 15 ರಂದು ಪವರ್ಸ್ಟಾರ್ ಪುನೀತ್ ರಾಜಕುಮಾರ್ ಬಿಡುಗಡೆಗೊಳಿಸಲಿದ್ದಾರೆ.
ಚಿತ್ರ ತಂಡ ವಿಶೇಷ ಆಮಂತ್ರಣ ಪತ್ರಿಕೆ ಸಿದ್ಧಗೊಳಿಸಿದೆ. ಜಯರಾಜ್ ಇದ್ದ ಪೋಸ್ಟ್, ಟೆಲಿಗ್ರಾಮ್ ಸ್ಟೈಲ್ನಲ್ಲಿ ಕರೆಯೋಲೆ ರೆಡಿ ಮಾಡುವ ಮೂಲಕ ಸಿನಿರಸಿಕರಿಗೆ ಮಾಹಿತಿ ಹಂಚಿದ್ದಾರೆ.
ಇನ್ನೂಈ ಚಿತ್ರವನ್ನುಅಶು ಬೆದ್ರ ನಿರ್ಮಾಣ ಮಾಡುತ್ತಿದ್ದಾರೆ. ಕಳೆದ 11 ವರ್ಷಗಳಿಂದ ಹಲವಾರು ಸಿನಿಮಾಗಳಿಗೆ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ. ಪ್ರಥಮ ಬಾರಿಗೆ ನಿರ್ದೇಶಕನಾಗಿ ಈ ಚಿತ್ರಕ್ಕೆ ಸಿನಿಕಟ್ ಹೇಳಲಿದ್ದಾರೆ. ಚಿತ್ರದ ಟೈಟಲ್ ಬಗ್ಗೆ ಕಲಾರಸಿಕರಲ್ಲಿ ಕುತೂಹಲ ಮೂಡಿದೆ.
