ಸುಶಾಂತ್​ ಸಿಂಗ್, ದಿಶಾ ಸಾವಿನ ಹಿಂದಿದೆಯಾ ಜಯ​ ಶಾ ಕೈವಾಡ..? ತನಿಖೆಗಿಳಿದ ಸಿಬಿಐ

ಸುಶಾಂತ್​ ಸಿಂಗ್ ಸಾವಿನ ಪ್ರಕರಣದ ತನಿಖೆ ನಡೆಸುತ್ತಿರುವ ಸಿಬಿಐ ತಂಡ, ಸುಶಾಂತ್​ ಮಾಜಿ ಮ್ಯಾನೇಜರ್​ ದಿಶಾ ಸಾಲಿಯಾನ್​ ಸಾವಿನ ಹಿನ್ನೆಲೆಯನ್ನು ಕೆದಕುತ್ತಿದೆ.

ಮುಂಬೈ : ಬಾಲಿವುಡ್​ ನಟ ಸುಶಾಂತ್​ ಸಿಂಗ್ ರಜಪೂತ್​ ಸಾವಿನ ಪ್ರಕರಣದ ತನಿಖೆಯನ್ನು ಸಿಬಿಐ ಚುರುಕುಗೊಳಿಸಿದ್ದು, ದಿನಕ್ಕೊಬ್ಬರನ್ನು ವಿಚಾರಣೆ ಮಾಡಿ ಮಾಹಿತಿ ಕಲೆ ಹಾಕುತ್ತಿದೆ.

ಇದೀಗ ಸುಶಾಂತ್​ ಸಿಂಗ್ ಮತ್ತು ಅವರ ಮಾಜಿ ಮ್ಯಾನೇಜರ್ ದಿಶಾ ಸಾಲಿಯಾನ್​ ಸಾವಿನಲ್ಲಿ ದಿಶಾ ಕೆಲಸ ಮಾಡುತ್ತಿದ್ದ ಕ್ವಾನ್​ ಟ್ಯಾಲೆಂಟ್​ ಕಂಪನಿಯ ಸಹ ವ್ಯವಸ್ಥಾಪಕ ಜಯ ಶಾ ಪಾತ್ರವಿರಬಹುದು ಎಂದು ಹೇಳಲಾಗ್ತಿದೆ. ಜಯ ಶಾ ಮತ್ತು ದಿಶಾ ಸಾಲಿಯಾನ್​ ಕ್ವಾನ್ ಟ್ಯಾಲೆಂಟ್​​ ಕಂಪನಿಯಲ್ಲಿ ಒಟ್ಟಿಗೆ ಕೆಲಸ ಮಾಡುತ್ತಿದ್ದರು.

ಜಯ ಶಾ 2009 ರಲ್ಲಿ ಕ್ವಾನ್​ ಕಂಪನಿಗೆ ಸೇರಿದ್ದರು, ದಿಶಾ 2008ರಲ್ಲಿ ಕ್ವಾನ್​ ಕಂಪನಿಯಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದ್ದರು. 2019 ರಲ್ಲಿ ದಿಶಾ ಕ್ವಾನ್ ಕಂಪನಿ ತೊರೆದು ಕಾರ್ನರ್ ಸ್ಟೋನ್ ಸ್ಪೋರ್ಟ್ಸ್ ಮತ್ತು ಎಂಟರ್​ಟೈನ್​ಮೆಂಟ್​ ಪ್ರೈವೇಟ್​ ಲಿಮಿಟೆಡ್​ನಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದ್ದರು.