ಸನ್ನಿ ಡಿಯೋಲ್ ಹಾಗೂ ಅಮಿಷಾ ಪಟೇಲ್ ಅಭಿನಯದ ಗದರ್ ಏಕ್ಪ್ರೇಮ್ ಕಥಾ ಹಾಗೂ ಅಮೀರ್ ಖಾನ್ ಅವರ ಲಗಾನ್ ಬಿಡುಗಡೆಯಾಗಿ ಇಂದಿಗೆ 20 ವರ್ಷ. 2001ರಲ್ಲಿ ಅನಿಲ್ ಶರ್ಮಾ ನಿರ್ದೇಶಿಸಿರುವ ಈ ಚಿತ್ರವು ರೊಮ್ಯಾಂಟಿಕ್ ಅಂಡ್ ಆ್ಯಕ್ಷನ್ ಚಿತ್ರವಾಗಿದೆ.
1947ರ ಭಾರತ ಮತ್ತು ಪಾಕ್ ವಿಭಜನೆಯ ಸಂದರ್ಭ ಹಾಗೂ ಬೂಟಾ ಸಿಂಗ್ ಜೀವನವನ್ನು ಆಧರಿಸಿ ಗದರ್ ಸಿನಿಮಾ ತೆಗೆಯಲಾಗಿದೆ. ಈ ಚಿತ್ರದ ಮತ್ತೊಂದು ವಿಶೇಷವೆಂದರೆ, 400 ಹುಡುಗಿಯರ ಪೈಕಿ ಓರ್ವ ನಾಯಕಿಯನ್ನು ಆಯ್ಕೆ ಮಾಡಿದ್ದರಂತೆ ಡೈರೆಕ್ಟರ್.
ಈ ಚಿತ್ರದಲ್ಲಿ ಸನ್ನಿ ಡಿಯೋಲ್ ಮತ್ತು ಅಮಿಶಾ ಪಟೇಲ್ ಜತೆಗೆ ಅಮ್ರಿಶ್ ಪುರಿ ಮತ್ತು ಲಿಲ್ಲೆಟ್ ದುಬೆ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿದ್ದಾರೆ. ಬಾಲ ನಟನಾಗಿ ಶರ್ಮಾ ಪುತ್ರ ಉತ್ಕರ್ಶ್ ಡಿಯೋಲ್ ನಟಿಸಿದ್ದಾನೆ.
ಇದನ್ನೂ ಓದಿ:"ಮರ್ದಾನಿ ಸಿನಿಮಾಗೂ ಮೊದಲು 250 ಬಾರಿ ತಿರಸ್ಕರಿಸಲ್ಪಟ್ಟಿದೆ"... ನಟ ತಾಹಿರ್ ರಾಜ್ ಭಾಸಿನ್
ಇನ್ನು, ಲಗಾನ್ ಚಿತ್ರದ ಬಗ್ಗೆ ಪ್ರತಿಕ್ರಿಯಿಸಿರುವ ಅಮೀರ್ಖಾನ್, ಈ ಚಿತ್ರವು ನನ್ನ ಜೀವನದ ಒಂದು ಅತ್ಯದ್ಭುತ. ಈ ಸಿನಿಮಾದಲ್ಲಿ ಹೊಸ ಹೊಸ ಜನರ ಪರಿಚಯವಾಯಿತು. ಅಂದು ಪರಿಚಯವಾದ ಸ್ನೇಹಿತರು ಇಂದಿಗೂ ನನ್ನೊಂದಿಗಿದ್ದಾರೆ. ಲಗಾನ್ನ ಇಡೀ ಜಗತ್ತಿಗೆ ಪರಿಚಯಿಸಿದ ವಿಭಿನ್ನ ತಂಡಗಳಿಗೆ ನನ್ನ ಹೃತ್ಪೂರ್ವಕ ಧನ್ಯವಾದಗಳು ಎಂದಿದ್ದಾರೆ.
