ಲಾಸ್ ಏಂಜಲೀಸ್: ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಕ್ಷಣಕ್ಕೊಂದು, ದಿನಕ್ಕೆ ಹಲವು ಕುತೂಹಲ ಮೂಡಿಸುವ ಮತ್ತು ಅಚ್ಚರಿಗೆ ಕಾರಣವಾಗುವ ಬೆಳವಣಿಗೆಗಳು ನಡೆಯುವುದು ಸಾಮಾನ್ಯ. ಹಲವು ಸಂಶೋಧನೆಗಳು ಪ್ರಪಂಚದ ಎಲ್ಲಾ ಕಡೆಗಳಲ್ಲಿ ನಡೆಯುತ್ತಿರುತ್ತಿವೆ. ಮೆದುಳಿಗೆ ಸಂಬಂಧಿಸಿದಂತೆ ಸಂಶೋಧನೆಯೊಂದು ನಡೆದಿದ್ದು, ವಿಜ್ಞಾನಿಗಳು ಹೊಸ ವಿಚಾರಗಳನ್ನು ಕಂಡುಕೊಂಡಿದ್ದಾರೆ.
ಹೌದು, ಮೆದುಳು ಹಳೆಯ ಭಯದ ನೆನಪುಗಳನ್ನು ಕ್ರೋಢೀಕರಿಸುವ ಮೂಲಭೂತ ಕಾರ್ಯವಿಧಾನಗಳನ್ನು ಸಂಶೋಧಕರು ಕಂಡುಹಿಡಿದಿದ್ದಾರೆ. ಇದು ಪಿಟಿಎಸ್‌ಡಿ ಚಿಕಿತ್ಸೆಯಲ್ಲಿ ಹೆಚ್ಚು ಸಹಾಯಕವಾಗಬಹುದು ಎಂದು ಅಧ್ಯಯನವೊಂದು ತಿಳಿಸಿದೆ. ಅಮೆರಿಕ ರಿವರಸೈಡ್ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾನಿಲಯವು ಇಲಿಯ ಮೇಲೆ ನಡೆಸಿದ ಅಧ್ಯಯನವು, ಹಳೆಯ ಸಮಯದಲ್ಲಿ ರೂಪುಗೊಂಡ ಭಯದ ನೆನಪುಗಳನ್ನು ಪ್ರಿಫ್ರಂಟಲ್ ಕಾರ್ಟೆಕ್ಸ್ ಅಥವಾ ಪಿಎಫ್ಸಿನಲ್ಲಿರುವ ಮೆಮೊರಿ ನ್ಯೂರಾನ್‌ಗಳ ನಡುವಿನ ಸಂಪರ್ಕಗಳಲ್ಲಿ ಶಾಶ್ವತವಾಗಿ ಸಂಗ್ರಹಿಸಲಾಗಿರುತ್ತದೆ ಎಂದು ತೋರಿಸಿದೆ.
ರಿಮೋಟ್ ಭಯದ ಸ್ಮರಣೆಯು ಬಹಳ ಹಿಂದೆ ಗತಕಾಲದಲ್ಲಿ ಸಂಭವಿಸಿದ ಆಘಾತಕಾರಿ ಘಟನೆಗಳ ಸ್ಮರಣೆಯಾಗಿದೆ. ಅಂದರೆ ಕೆಲವು ತಿಂಗಳುಗಳಿಂದ ಕೆಲ ದಶಕಗಳ ಹಿಂದೆ ನಡೆದ ಘಟನೆಯಾಗಿರಬಹುದು. ಈ ಅಧ್ಯಯನವನ್ನು ನೇಚರ್ ನ್ಯೂರೋಸೈನ್ಸ್‌ನಲ್ಲಿ ಪ್ರಕಟಿಸಲಾಗಿದೆ.
ಈ ಸಂಶೋಧನೆಯು ಆಘಾತಕಾರಿ ಘಟನೆಗಳ ನಂತರ ಹಂತಹಂತವಾಗಿ ಬಲಗೊಳ್ಳುವ ಪ್ರಿಫ್ರಂಟಲ್ ಮೆಮೊರಿ ಸರ್ಕ್ಯೂಟ್‌ಗಳು ಮತ್ತು ಶಾಶ್ವತ ಶೇಖರಣೆಗಾಗಿ ಸೆರೆಬ್ರಲ್ ಕಾರ್ಟೆಕ್ಸ್‌ನಲ್ಲಿ ಸ್ಥಿರವಾದ ರೂಪಗಳಿಗೆ ಭಯದ ನೆನಪುಗಳು ಹೇಗೆ ಪ್ರಬುದ್ಧವಾಗುತ್ತವೆ ಎಂಬುದನ್ನು ತಿಳಿಯುವಲ್ಲಿ ನಿರ್ಣಾಯಕ ಪಾತ್ರವನ್ನು ವಹಿಸುತ್ತದೆ ಎಂದು ಪ್ರಮುಖ ಸಂಶೋಧಕ ಜುನ್-ಹ್ಯೊಂಗ್ ಚೋ ಹೇಳಿದರು.
ಇದೇ ರೀತಿಯ ಕಾರ್ಯವಿಧಾನವನ್ನು ಬಳಸಿಕೊಂಡು, ಇತರ ಭಯವಿಲ್ಲದ ರಿಮೋಟ್ ನೆನಪುಗಳನ್ನು ಪಿಏಪ್ಸಿನಲ್ಲಿ ಶಾಶ್ವತವಾಗಿ ಸಂಗ್ರಹಿಸಬಹುದು ಎಂದು ಚೋ ಹೇಳಿದರು. ಅಧ್ಯಯನದ ಪ್ರಕಾರ, ಇತ್ತೀಚಿನ ವರ್ಸಸ್ ರಿಮೋಟ್ ಭಯದ ನೆನಪುಗಳನ್ನು ಸಂಗ್ರಹಿಸಲು ಮೆದುಳು ವಿಭಿನ್ನ ಕಾರ್ಯವಿಧಾನಗಳನ್ನು ಬಳಸುತ್ತದೆ. ಹಿಂದಿನ ಅಧ್ಯಯನಗಳು ಭಯದ ಸ್ಮರಣೆಯ ಆರಂಭಿಕ ರಚನೆಯು ಹಿಪೊಕ್ಯಾಂಪಸ್ ಅನ್ನು ಒಳಗೊಂಡಿರುವಾಗ, ಅದು ಕ್ರಮೇಣವಾಗಿ ಕಾಲಾನಂತರದಲ್ಲಿ ಪಕ್ವವಾಗುತ್ತದೆ ಮತ್ತು ಹಿಪೊಕ್ಯಾಂಪಸ್ ಮೇಲೆ ಕಡಿಮೆ ಅವಲಂಬಿತವಾಗುತ್ತದೆ ಎಂದು ಸೂಚಿಸಿದೆ.
ಇತ್ತೀಚಿನ ಭಯದ ಸ್ಮರಣೆಯನ್ನು ಹೇಗೆ ಸಂಗ್ರಹಿಸಲಾಗಿದೆ ಎಂಬುದನ್ನು ಈಗ ಹೆಚ್ಚಿನ ಸಂಶೋಧನೆಯು ವಿವರಿಸುತ್ತದೆ. ಆದರೆ ಮೆದುಳು ಹೇಗೆ ದೂರಸ್ಥ ಭಯದ ನೆನಪುಗಳನ್ನು ಕ್ರೋಢೀಕರಿಸುತ್ತದೆ ಎಂಬುದನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲಾಗಿಲ್ಲ. ಹಿಂದಿನ ಅಧ್ಯಯನಗಳಲ್ಲಿ ರಿಮೋಟ್ ಮೆಮೊರಿ ಬಲವರ್ಧನೆಯಲ್ಲಿ ತೊಡಗಿಸಿಕೊಂಡಿರುವ ಸೆರೆಬ್ರಲ್ ಕಾರ್ಟೆಕ್ಸ್‌ನ ಒಂದು ಭಾಗವಾದ ಪಿಎಫ್ಸಿ ಮೇಲೆ ಸಂಶೋಧಕರು ಗಮನಹರಿಸಿದ್ದಾರೆ.
ನಾವು ಪಿಎಫ್ಸಿ ಒಳಗೆ ನರ ಕೋಶಗಳು ಅಥವಾ ನ್ಯೂರಾನ್‌ಗಳ ಒಂದು ಸಣ್ಣ ಗುಂಪನ್ನು ಕಂಡುಕೊಂಡಿದ್ದೇವೆ, ಇದನ್ನು ಮೆಮೊರಿ ನ್ಯೂರಾನ್‌ಗಳು ಎಂದು ಕರೆಯಲಾಗುತ್ತದೆ. ಆರಂಭಿಕ ಆಘಾತಕಾರಿ ಘಟನೆಯ ಸಮಯದಲ್ಲಿ ಇದು ಸಕ್ರಿಯವಾಗಿರುತ್ತದೆ ಮತ್ತು ರಿಮೋಟ್ ಭಯದ ಸ್ಮರಣೆಯನ್ನು ಮರುಪಡೆಯುವ ಸಮಯದಲ್ಲಿ ಪುನಃ ಸಕ್ರಿಯಗೊಳ್ಳುತ್ತದೆ ಎಂದು ಚೋ ಈ ಕುರಿತು ಸುದೀರ್ಘ ಮಾಹಿತಿ ಹಂಚಿಕೊಂಡರು.
ಪಿಎಫ್‌ಸಿಯಲ್ಲಿ ಈ ಮೆಮೊರಿ ನ್ಯೂರಾನ್‌ಗಳನ್ನು ಪ್ರತಿಬಂಧಿಸಿದಾಗ, ಇಲಿಗಳು ರಿಮೋಟ್ ಸ್ಮರಣೆಯನ್ನು ಮರುಪಡೆಯುವುದನ್ನು ತಡೆಯುತ್ತದೆ. ಆದರೆ ಇತ್ತೀಚಿನ ಭಯದ ಸ್ಮರಣೆಯನ್ನು ತಡೆಯುವುದಿಲ್ಲ. ಇದು ರಿಮೋಟ್ ಭಯದ ನೆನಪುಗಳ ಮರುಸ್ಥಾಪನೆಯಲ್ಲಿ ಪಿಎಫ್ಸಿ ಮೆಮೊರಿ ನ್ಯೂರಾನ್‌ಗಳ ನಿರ್ಣಾಯಕ ಪಾತ್ರವನ್ನು ಸೂಚಿಸುತ್ತದೆ ಎಂದು ಸಂಶೋಧಕ ಜುನ್-ಹ್ಯೊಂಗ್ ಚೋ ವಿವರಿಸಿದರು.
ಪ್ರಯೋಗಗಳಲ್ಲಿ, ಇಲಿಗಳು ಕಾಂಟೆಕ್ಸ್ಟ್ ಎಂದು ಕರೆಯಲ್ಪಡುವ ಪರಿಸರದಲ್ಲಿ ವಿರೋಧಿ ಪ್ರಚೋದನೆಯನ್ನು ಸ್ವೀಕರಿಸಿದವು. ಅವು ವಿರೋಧಾತ್ಮಕ ಪ್ರಚೋದನೆಯನ್ನು ಸಂದರ್ಭದೊಂದಿಗೆ ಸಂಯೋಜಿಸಲು ಕಲಿತವು. ಒಂದು ತಿಂಗಳ ನಂತರ ಅದೇ ಸಂದರ್ಭಕ್ಕೆ ಒಡ್ಡಿಕೊಂಡಾಗ, ಇಲಿಗಳು ಪ್ರತಿಕ್ರಿಯೆಯಾಗಿ ನಿಶ್ಚಲವಾದವು. ಇದು ಇಲಿಗಳು ದೂರಸ್ಥ ಭಯದ ನೆನಪುಗಳನ್ನು ಹೇಗೆ ನೆನಪಿಸಿಕೊಳ್ಳಬಹುದು ಎಂಬುದನ್ನು ಸೂಚಿಸುತ್ತದೆ.
ಇದನ್ನೂ ಓದಿ: INTERESTING FACTS: 'ನೆನಪು' ಉಳಿಯುವುದು ಹೇಗೆ? ನೆನಪಿಗೂ ನಿದ್ರೆಗೂ ಸಂಬಂಧವಿದೆಯಾ?
