ಕೇಂಬ್ರಿಡ್ಜ್( ಲಂಡನ್): ಜಗತ್ತನ್ನು ಇಂದು ಆಳುತ್ತಿರುವ ಕೃತ್ತಕ ಬುದ್ದಿಮತ್ತೆ ಭವಿಷ್ಯದಲ್ಲಿ ತಂದೊಡ್ಡಬಹುದಾದ ಅಪಾಯಗಳ ಕುರಿತು ಎಐ ಗಾಡ್ಫಾದರ್ ಜೆಫ್ರಿ ಹಿಂಟನ್ ಈಗಾಗಲೇ ಎಚ್ಚರಿಸಿದ್ದಾರೆ. ಎಐ ಕ್ಷೇತ್ರದಲ್ಲಿನ ಅಪಾಯ ಅರಿತ ಅವರು ಗೂಗಲ್ ತೊರೆದ ಬಳಿಕ ಮೆಸಚ್ಯೂಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಾಜಿಯಲ್ಲಿ ಇದರ ಕುರಿತು ಮೊದಲ ಬಾರಿಗೆ ಮುಕ್ತವಾಗಿ ಮಾತನಾಡಿದ್ದಾರೆ.
ಮನುಕುಲದ ವಿನಾಶಕ್ಕೆ ದಾರಿ: ಸ್ಮಾರ್ಟ್ ವಿಷಯಗಳು ಔಟ್ಸ್ಮಾರ್ಟ್ ಆದಾಗ ಅದು ಮನುಕುಲದ ಉಳಿಯುವಿಕೆಗೆ ಬೆದರಿಕೆ ಒಡ್ಡಬಹುದು ಎಂದಿದ್ದಾರೆ. ಈ ಎಐಗಳು ವಿದ್ಯುತ್ ಕೇಂದ್ರಗಳನ್ನು ಚಾಲನೆಯಲ್ಲಿಡಲು ನಮ್ಮನ್ನು ಕೆಲ ಕಾಲ ಬದುಕಿಸಬಹುದು. ಆದರೆ, ನಂತರ ಇದಕ್ಕೆ ನಮ್ಮ ಅವಶ್ಯಕತೆ ಇಲ್ಲದಂತೆ ಆಗಬಹುದು ಎನ್ನುವ ಮೂಲಕ ಇವು ಮಾನವ ಕುಲಕ್ಕೆ ಯಾವ ಮಟ್ಟಿನ ಅಪಾಯ ತಂದೊಡ್ಡಲಿದೆ ಎಂದು ಕಳವಳ ವ್ಯಕ್ತಪಡಿಸಿದರು. ತಮ್ಮ ಇಡೀ ಜೀವನವನ್ನು ಕಂಪ್ಯೂಟರ್ ಸಿಸ್ಟಂಗಳ ಸಾಮರ್ಥ್ಯಗಳ ಅಭಿವೃದ್ಧಿಗೆ ಕಳೆದ ಹಿಂಟನ್, ಇದೀಗ ಎಐ ಅಪಾಯ ಅರಿತು ತಮ್ಮ ಅಭಿಪ್ರಾಯವನ್ನು ಬದಲಾಯಿಸಿದ್ದು, ಇದರ ಎಚ್ಚರಿಕೆಯನ್ನು ನೀಡುತ್ತಿದ್ದಾರೆ.
ಈ ಎಐಗಳು ಎಲ್ಲವುಗಳನ್ನು ನಮ್ಮಿಂದ ಕಲಿತಿವೆ. ಮಾಕ್ಸಿಯಾವೆಲ್ಲಿಯ ಕಾದಂಬರಿಯಲ್ಲಿ ಬರೆದ ಎಲ್ಲಾ ವಿಷಯಗಳನ್ನು ಕಲಿತಿದ್ದು, ಜನರನ್ನು ತಿರುಚುವುದನ್ನು ಅವು ತಿಳಿದಿದೆ. ಅದರ ಸನ್ಹೆಗಳನ್ನು ನಮ್ಮನ್ನು ನೇರವಾಗಿ ಎಳೆಯಲು ಸಾಧ್ಯವಾಗದಿದ್ದರೂ, ಅದು ನಿಶ್ಚಿತವಾಗಿ ನಮ್ಮ ಎಳೆಯುತ್ತದೆ. ಈ ಎಐ ಅನ್ನು ತಡೆಯಬಹುದಾದ ಪರಿಹಾರ ನನ್ನ ಬಳಿ ಹೊಂದಿದ್ದೇನೆ. ಅದನ್ನು ತಡೆಯಬೇಕು ಎಂದು ಬಯಸುತ್ತೇನೆ. ಆದರೆ, ಇದಕ್ಕೆ ಖಚಿತ ಪರಿಹಾರ ಇಲ್ಲ ಎಂದು ಇದೇ ವೇಳೆ ಅವರು ತಿಳಿಸಿದ್ದಾರೆ
ಸರ್ಕಾರ, ಸಂಸ್ಥೆಗಳು ಎಚ್ಚರಗೊಳ್ಳಬೇಕಿದೆ: ಹಿಂಟನ್ ಸಹರ್ವತಿ, ಅವರ ಜೊತೆಗೆ ಕಂಪ್ಯೂಟರ್ ಸೈನ್ಸ್ ಪ್ರಶಸ್ತಿ ಪಡೆದ ಹಿರಿಯ ಎಐ ಪರಿಣಿತ ಯೊಶುಹ ಬೆಂಗಿ 'ದಿ ಅಸೋಸಿಯೇಟ್ ಪ್ರೆಸ್' ನೊಂದಿಗೆ ಮಾತನಾಡಿದ್ದು, ಹಿಂಟನ್ ರೀತಿಯ ಕಳವಳವನ್ನು ಇವರೂ ವ್ಯಕ್ತಪಡಿಸಿದ್ದಾರೆ. ಚಾಟ್ಜಿಪಿಟಿಯಂತಹ ಚಾಟ್ಬೂಟ್ಗಳ ಅನೇಕ ತಂತ್ರಜ್ಞಾನಗಳಿಗೆ ನಾವು ಹೊಂದಿಕೊಂಡಿದ್ದು, ಇದು ನಮ್ಮನ್ನು ಅವನತಿಗೆ ಎಳೆಯುತ್ತದೆಯೇ ಹೊರತು ಇದು ಸಹಾಯ ಮಾಡುವುದಿಲ್ಲ.
ಈ ವಿಚಾರದಲ್ಲಿ ನಾವು ನಿರಾಶಾವಾದಿಯಲ್ಲ. ನಾವು ಅವಕಾಶವಾದಿಯಾಗಿದ್ದೇವೆ. ಇದು ದೊಡ್ಡ ವ್ಯತ್ಯಾಸವಾಗಿದೆ. ಇದು ಅಪಾಯಕಾರಿಯಾಗಿದೆ ಎಂದು ನಾನು ಚಿಂತಿಸುತ್ತೇನೆ. ಇದು ಅಲ್ಪಕಾಲ, ದೀರ್ಘಕಾಲ ಗಂಭೀರವಾಗಿರಬಹುದು. ಕೆಲವು ಸಂಶೋಧಕರು, ಸರ್ಕಾರ ಮತ್ತು ಜನರು ಗಂಭೀರವಾಗಿ ತೆಗೆದುಕೊಳ್ಳಬೇಕಿದೆ ಎಂದು ಸಲಹೆ ನೀಡಿದ್ದಾರೆ.
ಈ ಸಂಬಂಧ ಸರ್ಕಾರಗಳು ಕೂಡ ಅದರ ಅಪಾಯ ಅರಿಯಲು ಮುಂದಾಗಿದ್ದು, ಇದೇ ಕಾರಣಕ್ಕೆ ಅಮೆರಿಕದ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್, ಎಐ ಅಭಿವೃದ್ಧಿಗೆ ಮುಂದಾಗಿರುವ ಗೂಗಲ್, ಮೈಕ್ರೋಸಾಫ್ಟ್ ಮತ್ತು ಚಾಟ್ಜಿಪಿಟಿ ಸೃಷ್ಟಿಕರ್ತ ಒಪನ್ಎಐ ಸಂಸ್ಥೆಗಳ ಸಿಇಒಗಳೊಂದಿಗೆ ಸಭೆ ನಡೆಸಿದ್ದಾರೆ. ಈ ವೇಳೆ, ಈ ತಂತ್ರಜ್ಞಾನದಿಂದ ದೀರ್ಘ ಮತ್ತು ಅಲ್ಪಕಾಲದ ಅಪಾಯ ಕುರಿತು ಅವರು ಚರ್ಚೆ ನಡೆಸಲಿದ್ದಾರೆ. ಯುರೋಪಿಯನ್ ಆಡಳಿತಗಾರರು ಇದರ ಅಪಾಯದ ಆಳ ಅರಿತು ಈಗಾಗಲೇ ಹೊಸ ಎಐ ನಿಯಮಗಳನ್ನು ಜಾರಿಗೆ ತರಲು ಕೂಡ ಮುಂದಾಗಿದ್ದಾರೆ.
ಇದನ್ನೂ ಓದಿ: ತಂತ್ರಜ್ಞಾನ ದಿಗ್ಗಜರೊಂದಿಗೆ ಕಮಲಾ ಹ್ಯಾರಿಸ್ ಮಾತುಕತೆ: ಓಪನ್ ಎಐ ಅಪಾಯಗಳ ಬಗ್ಗೆ ಚರ್ಚೆ
