ನವದೆಹಲಿ : ತಂತ್ರಜ್ಞಾನ ಬ್ರಾಂಡ್ ಐಕ್ಯೂ ಭಾರತದಲ್ಲಿ ಸ್ನ್ಯಾಪ್ ಡ್ರ್ಯಾಗನ್ 8 ಜೆನ್ 3 ಚಿಪ್ ಸೆಟ್ ಹೊಂದಿರುವ ಐಕ್ಯೂ 12 ಎಂಬ ಹೊಸ ಸ್ಮಾರ್ಟ್ ಫೋನ್ ಬಿಡುಗಡೆ ಮಾಡಿದೆ. 12 ಜಿಬಿ + 256 ಜಿಬಿಗೆ 52,999 ರೂ. (ಪರಿಣಾಮಕಾರಿ ಬೆಲೆ: 49,999 ರೂ.) ಮತ್ತು 16 ಜಿಬಿ + 512 ಜಿಬಿ ಮಾದರಿಗೆ 57,999 ರೂ (ಪರಿಣಾಮಕಾರಿ ಬೆಲೆ: 54,999 ರೂ.) ಬೆಲೆಯ ಹೊಸ ಸ್ಮಾರ್ಟ್ಫೋನ್ಗಳು ಐಕ್ಯೂ ಇ-ಸ್ಟೋರ್ನಲ್ಲಿ ಡಿಸೆಂಬರ್ 14 ರಿಂದ ಲಭ್ಯವಾಗಲಿವೆ. ಲೆಜೆಂಡ್ ಮತ್ತು ಆಲ್ಫಾ ಎಂಬ ಎರಡು ಕಲರ್ ಆಯ್ಕೆಗಳು ಇದರಲ್ಲಿ ಇರಲಿವೆ.
ಈ ಸ್ಮಾರ್ಟ್ಫೋನ್ ಹೈ-ಡೆಫಿನಿಷನ್ 144 ಹರ್ಟ್ಸ್ ಅಮೋಲೆಡ್ ಡಿಸ್ಪ್ಲೇ, 50 ಎಂಪಿ + 50 ಎಂಪಿ + 64 ಎಂಪಿ ಟ್ರಿಪಲ್ ರಿಯರ್ ಕ್ಯಾಮೆರಾ ಸಿಸ್ಟಮ್ ಮತ್ತು 3000 ನಿಟ್ಸ್ ಪೀಕ್ ಬ್ರೈಟ್ನೆಸ್ ಡಿಸ್ಪ್ಲೇ ಮತ್ತು ಇಮ್ಮರ್ಸಿವ್ ಗೇಮಿಂಗ್ ವೈಶಿಷ್ಟ್ಯಗಳನ್ನು ಹೊಂದಿದೆ. ಈ ಫೋನ್ ವಿಸ್ತರಿಸಬಹುದಾದ ರ್ಯಾಮ್ ವೈಶಿಷ್ಟ್ಯವನ್ನು ಸಹ ಹೊಂದಿದೆ.
"ಭಾರತದ ಮೊದಲ ಸ್ನ್ಯಾಪ್ ಡ್ರಾಗನ್ 8 ಜೆನ್ 3, ಸೂಪರ್ ಕಂಪ್ಯೂಟಿಂಗ್ ಚಿಪ್ ಕ್ಯೂ 1 ಮತ್ತು ಸೊಗಸಾದ ವಿನ್ಯಾಸದಲ್ಲಿ ಅತ್ಯುತ್ತಮ ಕ್ಯಾಮೆರಾ ಸಿಸ್ಟಮ್ ಸಾಮರ್ಥ್ಯಗಳ ಐಕ್ಯೂ 12 ನೊಂದಿಗೆ ಹೆಚ್ಚಿನ ಕಾರ್ಯಕ್ಷಮತೆಯ ಉತ್ಪನ್ನಗಳನ್ನು ಗ್ರಾಹಕರಿಗೆ ನೀಡುವುದು ನಮ್ಮ ಗುರಿ" ಎಂದು ಐಕ್ಯೂ ಇಂಡಿಯಾದ ಸಿಇಒ ನಿಪುನ್ ಮರ್ಯಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. ಇದಲ್ಲದೇ, ಐಕ್ಯೂ 12 ಆಲ್ಫಾ ಆವೃತ್ತಿಯು ಇತ್ತೀಚಿನ ಫ್ಲೋರೈಟ್ ಎಜಿ ಗ್ಲಾಸ್ ಹೊಂದಿರುವುದು ವಿಶೇಷವಾಗಿದೆ ಎಂದು ಕಂಪನಿ ಹೇಳಿದೆ.
ಐಕ್ಯೂ 12 ಫನ್ ಟಚ್ ಓಎಸ್ ಆಧಾರಿತ ಹೊಸ ಆಂಡ್ರಾಯ್ಡ್ 14 ಆಪರೇಟಿಂಗ್ ಸಿಸ್ಟಮ್ ಅನ್ನು ಹೊಂದಿದೆ. ಇದು ಹೊಸ ಆಂಡ್ರಾಯ್ಡ್ ಆವೃತ್ತಿಯಲ್ಲಿನ ಎಲ್ಲ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ. ಇದಲ್ಲದೆ ಐಕ್ಯೂಒ 12 ಸ್ಮಾರ್ಟ್ಪೋನ್ ಗ್ರಾಹಕರಿಗೆ 3 + 4 ವರ್ಷಗಳ ಆಂಡ್ರಾಯ್ಡ್ ಮತ್ತು ಸೆಕ್ಯೂರಿಟಿ ಅಪ್ಡೇಟ್ಸ್ ಸಿಗಲಿವೆ. ಬೇರೆ ಬ್ರಾಂಡ್ಗಳಿಗೆ ಹೋಲಿಸಿದರೆ ಐಕ್ಯೂ ಹೊಸ ಕಂಪನಿಯಾಗಿದೆ. ಇದನ್ನು ಫೆಬ್ರವರಿ 2019 ರಲ್ಲಿ ಸ್ಥಾಪಿಸಲಾಯಿತು. ಇದು ಚೀನಾದ ಮತ್ತೊಂದು ಪ್ರಮುಖ ಸ್ಮಾರ್ಟ್ಫೋನ್ ಕಂಪನಿ ವಿವೋದ ಉಪ -ಬ್ರಾಂಡ್ ಆಗಿದೆ.
ಇದನ್ನೂ ಓದಿ : ಚಂದ್ರಯಾನ್-3: ಈ ವರ್ಷದ ಟಾಪ್ ಟ್ರೆಂಡಿಂಗ್ ಯೂಟ್ಯೂಬ್ ವೀಡಿಯೊ
