ನವದೆಹಲಿ: ಬುಧವಾರ ಪ್ರಕಟಗೊಂಡಿರುವ ಅಧ್ಯಯನವೊಂದರ ಪ್ರಕಾರ ಪ್ರಾಚೀನ ಮಾನವರು ಅಚ್ಯುಲಿಯನ್ ಕಲ್ಲಿನ ಟೂಲ್ಕಿಟ್ ಬಳಕೆ ಮಾಡ್ತಿದ್ದರು. ಭಾರತದಲ್ಲಿ ಸುಮಾರು 177,000 ವರ್ಷಗಳ ಹಿಂದೆ ಏಷ್ಯಾದಾದ್ಯಂತ ಈ ಜನಾಂಗ ಇತ್ತು ಎಂದು ತಿಳಿಸಿದೆ.
ಅಧ್ಯಯನದ ಪ್ರಕಾರ ಅಚ್ಯುಲಿಯನ್ ಕಲ್ಲಿನ ಟೂಲ್ಕಿಟ್ ಬಳಸಿದ ಪ್ರಾಚೀನ ಮಾನವ ಜನಾಂಗ ಭಾರತದಲ್ಲಿ ಸುಮಾರು 177,000 ವರ್ಷಗಳ ಹಿಂದಿನವರೆಗೂ ಇತ್ತು. ಏಷ್ಯಾದಾದ್ಯಂತ ಸುದೀರ್ಘ ಬಾಳಿಕೆ ಬರುವ ಉಪಕರಣ ತಯಾರಿಕೆ ಸಂಪ್ರದಾಯ ಜಾರಿಯಲ್ಲಿತ್ತು ಎಂದಿದೆ.
ಜರ್ಮನಿಯ ಮ್ಯಾಕ್ಸ್ ಪ್ಲಾಂಕ್ ಇನ್ಸ್ಟಿಟ್ಯೂಟ್ ಫಾರ್ ಸೈನ್ಸ್ ಆಫ್ ಹ್ಯೂಮನ್ ಹಿಸ್ಟರಿ ನೇತೃತ್ವದಲ್ಲಿ ಇತ್ತೀಚಿಗೆ ರಾಜಸ್ಥಾನ ಥಾರ್ ಮರಭೂಮಿಯಲ್ಲಿ ಸಂಶೋಧನೆ ನಡೆಸಲಾಗಿದ್ದು, ಅಲ್ಲಿ ಲಭ್ಯವಾಗಿರುವ ಮಾಹಿತಿ ಪ್ರಕಾರ ಈ ಮಾಹಿತಿ ಹಂಚಿಕೊಂಡಿದೆ.
ಈ ಅಚ್ಯುಲಿಯನ್ ಸಂಪ್ರದಾಯ ಆಫ್ರಿಕಾದ ಆಚೆಗೆ ವಿಸ್ತರಣೆ ಮಾಡಲು ಆ ಸಂದರ್ಭದಲ್ಲಿ ಕ್ರಮ ಕೈಗೊಳ್ಳಲಾಗಿತ್ತು ಎನ್ನಲಾಗಿದೆ. ದಕ್ಷಿಣ ಏಷ್ಯಾದಲ್ಲಿ ಪುರಾತನ ಮಾನವ ಜನಸಂಖ್ಯೆಯ ಪಳೆಯುಳಿಕೆಗಳು ಅತ್ಯಂತ ವಿರಳವಾಗಿದ್ದು, ಕಲ್ಲಿನ ಟೂಲ್ ಕಿಟ್ಗಳು ಬದಲಾವಣೆಯ ಪ್ರತೀಕವಾಗಿದ್ದವು ಎನ್ನಲಾಗಿದೆ.
ಇದನ್ನೂ ಓದಿರಿ: ಪತ್ನಿ ಮೇಲಿನ ಕೋಪ.. ಆತ್ಮಾಹುತಿ ಬಾಂಬ್ನಿಂದ ಹೆಂಡತಿ ಕೊಲೆ ಮಾಡಿದ ಗಂಡ!
ಮಾಹಿತಿ ಪ್ರಕಾರ ಆಫ್ರಿಕಾದಲ್ಲಿ 241,000 ವರ್ಷಗಳ ಹಿಂದೆ ಮತ್ತು 190,000 ವರ್ಷಗಳ ಹಿಂದೆ ಅರೇಬಿಯಾದಲ್ಲಿ ಕಣ್ಮರೆಯಾದ ನಂತರ ಥಾರ್ ಮರಭೂಮಿಯಲ್ಲಿ ಅಚ್ಯುಲಿಯನ್ ಜನಸಂಖ್ಯೆ ಇತ್ತು ಎಂದು ಅಧ್ಯಯನ ತಿಳಿಸಿದೆ.
