ವಾಷಿಂಗ್ಟನ್(ಅಮೆರಿಕ): ಅಮೆರಿಕ ಸುಪ್ರೀಂಕೋರ್ಟ್ ಶುಕ್ರವಾರ ವ್ಯಾಪಕವಾಗಿ ಬಳಸಲಾಗುವ ಗರ್ಭಪಾತ ಮಾತ್ರೆಗಳ ನಿಷೇಧಕ್ಕೆ ತಾತ್ಕಾಲಿಕ ತಡೆ ನೀಡಿದೆ. ನ್ಯಾಯಾಲಯವು ತೀರ್ಪಿನಲ್ಲಿ 'ಮೈಫೆಪ್ರಿಸ್ಟೋನ್' ಮೇಲಿನ ಕೆಳ ನ್ಯಾಯಾಲಯದ ನಿರ್ಬಂಧಗಳಿಗೆ "ಆಡಳಿತಾತ್ಮಕ ತಡೆ" ನೀಡಿತು. ಗರ್ಭಾವಸ್ಥೆಯ ಮೊದಲ 10 ವಾರಗಳವರೆಗೆ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಬಳಸಬಹುದಾದ ಎರಡು - ಔಷಧದಗಳಲ್ಲಿ ಮೈಫೆಪ್ರಿಸ್ಟೋನ್ ಒಂದು. ಇದು ದೀರ್ಘವಾದ ಸುರಕ್ಷತಾ ದಾಖಲೆ ಹೊಂದಿದೆ ಮತ್ತು ಫುಡ್ ಅಂಡ್ ಡ್ರಗ್ ಅಡ್ಮಿನಿಸ್ಟ್ರೇಷನ್(FDA) ಅಂದಾಜಿನ ಪ್ರಕಾರ 5.6 ಮಿಲಿಯನ್ ಅಮೆರಿಕನ್ನರು ಇದನ್ನು ಅಂಗೀಕರಿಸಿದಾಗಿನಿಂದ ಗರ್ಭಪಾತಕ್ಕೆ ಬಳಸಿದ್ದಾರೆ ಎಂದು ತಿಳಿದು ಬಂದಿದೆ.
ಗರ್ಭಪಾತ ಮಾತ್ರೆಗಳನ್ನು ಕಾನೂನುಬದ್ಧಗೊಳಿಸಿರುವ ನಿರ್ಣಯ ತೆಗೆದುಹಾಕುವಂತೆ ಅಮೆರಿಕದಲ್ಲಿ ನಡೆಯುತ್ತಿದ್ದ ಹೋರಾಟದ ವಿವರವನ್ನು ನ್ಯಾಯಮಂಡಳಿಗೆ ಸಲ್ಲಿಸಲು ಅವಕಾಶ ನೀಡಲಾಗಿದೆ. ಕೆಳ ನ್ಯಾಯಾಲಯದ ತೀರ್ಪುಗಳನ್ನು ನಿರ್ಬಂಧಿಸಲು ಸುಪ್ರೀಂಕೋರ್ಟ್‌ಗೆ ಮನವಿ ಮಾಡಿದ ಕಾರಣ ಮೈಫೆಪ್ರಿಸ್ಟೋನ್‌ಗೆ ನಿಷೇಧಕ್ಕೆ 'ತಾತ್ಕಾಲಿಕವಾಗಿ' ತಡೆ ನೀಡಿದೆ. ಈ ಬಗ್ಗೆ ಯೋಚಿಸಲು ನ್ಯಾಯಮೂರ್ತಿಗಳಿಗೆ ಕಾಲಾವಕಾಶ ನೀಡುವ ಸಲುವಾಗಿ, ನ್ಯಾಯಮೂರ್ತಿ ಸ್ಯಾಮ್ಯುಯೆಲ್ ಅಲಿಟೊ ಅವರು ತುರ್ತು ತಡೆಗಾಗಿ ಸರ್ಕಾರದ ಮನವಿಯನ್ನು ಪುರಸ್ಕರಿಸಿದರು ಮತ್ತು ನ್ಯಾಯಾಲಯವು ಬುಧವಾರದೊಳಗೆ ತೀರ್ಪು ನೀಡಲಿದೆ ಎಂದು ಅಂತಾರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿವೆ. ಗಮನಾರ್ಹವಾಗಿ, ಸರ್ವೋಚ್ಚ ನ್ಯಾಯಾಲಯವು ಕೆಳ ನ್ಯಾಯಾಲಯದ ತೀರ್ಪನ್ನು ತಡೆಹಿಡಿದಿದೆ.
ಅಮೆರಿಕದ ಫುಡ್ ಅಂಡ್ ಡ್ರಗ್ ಅಡ್ಮಿನಿಸ್ಟ್ರೇಷನ್ (FDA) ಇತ್ತೀಚೆಗೆ ಗರ್ಭಾವಸ್ಥೆಯ ಏಳು ಮತ್ತು ಹತ್ತು ವಾರಗಳ ನಡುವಿನ ರೋಗಿಗಳಿಗೆ ಮೈಫೆಪ್ರಿಸ್ಟೋನ್ ಬಳಕೆಯನ್ನು ಅನುಮತಿಸಿದೆ. ಆದರೆ, ಮೇಲ್ಮನವಿ ನ್ಯಾಯಾಲಯವು ಅದರ ಬಳಕೆಯ ಮೇಲೆ ಹಲವಾರು ನಿರ್ಬಂಧಗಳನ್ನು ವಿಧಿಸಿತು. ಇತ್ತ ಗರ್ಭಪಾತದ ಹಕ್ಕುಗಳ ವಿರೋಧಿ ಸಂಘಟನೆಗಳು ಮೈಫೆಪ್ರಿಸ್ಟೋನ್‌ನಂತಹ ಗರ್ಭಪಾತ ಔಷಧಗಳ ಲಭ್ಯತೆಯತ್ತ ಗಮನ ಹರಿಸಿವೆ. ಅಂದಿನಿಂದ, ರಿಪಬ್ಲಿಕನ್ ಆಡಳಿತದಲ್ಲಿರುವ ಇತರ ರಾಜ್ಯಗಳು ವ್ಯಾಪಕವಾದ ಗರ್ಭಪಾತ ನಿರ್ಬಂಧಗಳನ್ನು ವಿಧಿಸಿವೆ.
ಎಫ್‌ಡಿಎ ಅನುಮೋದನೆ ಸ್ಥಗಿತಗೊಳಿಸಿ ಆದೇಶ: ಕಳೆದ ಶುಕ್ರವಾರ, ಟೆಕ್ಸಾಸ್‌ನ ಫೆಡರಲ್ ನ್ಯಾಯಾಧೀಶರು ಔಷಧಗಳ ಲಭ್ಯತೆಯ ಬಗ್ಗೆ ಕಾನೂನು ವಾದಗಳನ್ನು ಪರಿಶೀಲಿಸುವಾಗ ಮೈಫೆಪ್ರಿಸ್ಟೋನ್‌ನ ಎಫ್‌ಡಿಎ ಅನುಮೋದನೆಯನ್ನು ಕ್ಷಣಾರ್ಧದಲ್ಲಿ ಸ್ಥಗಿತಗೊಳಿಸಿ ಆದೇಶ ನೀಡಿದರು. ಆದಾಗ್ಯೂ, ಫೆಡರಲ್ ಸರ್ಕಾರ ಮೇಲ್ಮನವಿ ಸಲ್ಲಿಸಲು ಅನುವು ಮಾಡಿಕೊಟ್ಟಿದ್ದಾರೆ. ಅಲ್ಲದೇ ನ್ಯಾಯಾಧೀಶರು ವಿಚಾರಣೆಯನ್ನು ಏಳು ದಿನಗಳವರೆಗೆ ಮುಂದೂಡಿದರು.
ಗರ್ಭಾವಸ್ಥೆಯ ಮೊದಲ 10 ವಾರಗಳಲ್ಲಿ ಬಳಸಬಹುದಾದ ಎರಡು - ಔಷಧಗಳಲ್ಲಿ ಮೈಫೆಪ್ರಿಸ್ಟೋನ್ ಒಂದು. ಇತ್ತೀಚಿನ ಬೆಳವಣಿಗೆಯಲ್ಲಿ, ಫ್ಲೋರಿಡಾ ಗವರ್ನರ್ ರಾನ್ ಡಿಸಾಂಟಿಸ್ ಅವರು ಆರು ವಾರಗಳ ನಂತರ ದಕ್ಷಿಣ ರಾಜ್ಯದಲ್ಲಿ ಹೆಚ್ಚಿನ ಗರ್ಭಪಾತ ನಿಷೇಧಿಸುವ ಮಸೂದೆಗೆ ಸಹಿ ಹಾಕಿದರು. ಗರ್ಭಪಾತ ಮಾತ್ರೆಗಳನ್ನು ಕಾನೂನುಬದ್ಧಗೊಳಿಸಿರುವ ನಿರ್ಣಯವನ್ನು ತೆಗೆದುಹಾಕುವಂತೆ ಅಮೆರಿಕದಲ್ಲಿ ನಡೆಯುತ್ತಿದ್ದ ಹೋರಾಟದ ಫ‌ಲವಾಗಿ ವ್ಯೋಮಿಂಗ್‌ ಪ್ರಾಂತ್ಯದಲ್ಲಿ ಗರ್ಭಪಾತ ಮಾತ್ರೆಗಳನ್ನು ನಿಷೇಧಿಸಲಾಗಿದೆ. ಈ ಮೂಲಕ ಗರ್ಭಪಾತದ ವಿರುದ್ಧದ ಗೆಲುವು ಸಾಧಿಸಿದ ದೇಶದ ಮೊದಲ ಪ್ರಾಂತ್ಯವೆಂಬ ಖ್ಯಾತಿಗೆ ವ್ಯೋಮಿಂಗ್‌ ಪಾತ್ರವಾಗಿದೆ.
ದೇಶದಲ್ಲಿ ಗರ್ಭಪಾತ ಪ್ರಕರಣಗಳ ಸಂಖ್ಯೆ ಹೆಚ್ಚಿರುವ ಹಿನ್ನೆಲೆ ಸಂಪೂರ್ಣ ಗರ್ಭಪಾತ ನಿಷೇಧಕ್ಕೆ ಆಗ್ರಹಿಸಿ ಹೋರಾಗಳು ನಡೆಯುತ್ತಿವೆ. ಅದರ ಮೊದಲ ಹಂತವಾಗಿ ಪ್ರಾಂತ್ಯದಲ್ಲಿ ಗರ್ಭಪಾತ ಮಾತ್ರೆಗಳನ್ನು ನಿಷೇಧಿಸಲಾಗಿದೆ. ಸಂಪೂರ್ಣ ಗರ್ಭಪಾತ ನಿಷೇಧ ನಿರ್ಣಯಕ್ಕೆ ಜನರಿಂದಲೇ ಮತಪಡೆದು, ಆ ನಿರ್ಣಯವನ್ನೂ ಶೀಘ್ರವೇ ಜಾರಿಗೊಳಿಸಲಾಗುತ್ತದೆ ಎಂದು ವ್ಯೋಮಿಂಗ್‌ನ ರಿಪಬ್ಲಿಕನ್ ಗವರ್ನರ್ ಮಾರ್ಕ್‌ ಗಾರ್ಡನ್‌ ಹೇಳಿದ್ದಾರೆ.
ಇದನ್ನೂ ಓದಿ: ಅವಿವಾಹಿತ ಯುವತಿ 29 ವಾರಗಳ ಗರ್ಭಪಾತ ಸುರಕ್ಷಿತವಾಗಿ ನಡೆಸಬಹುದೇ?: ವರದಿ ನೀಡುವಂತೆ ಏಮ್ಸ್ಗೆ ಸುಪ್ರೀಂ ನಿರ್ದೇಶನ
