ಇನ್ಫೋಸಿಸ್​​ ನಾರಾಯಣ ಮೂರ್ತಿ ಅಳಿಯ ಇಂಗ್ಲೆಂಡ್​​ನ ಹಣಕಾಸು ಇಲಾಖೆ ಮಂತ್ರಿ

ಇನ್ಫೋಸಿಸ್​​ ಸಂಸ್ಥಾಪಕ ನಾರಾಯಣ ಮೂರ್ತಿ ಅಳಿಯ ರಿಷಿ ಸುನಕ್​​ ಅವರು ಇಂಗ್ಲೆಂಡ್​​ನ ಹಣಕಾಸು ಇಲಾಖೆ ಮಂತ್ರಿ​​ ಸ್ಥಾನಕ್ಕೆ ನೇಮಕವಾಗಿದ್ದಾರೆ.

ಲಂಡನ್​​​: ಇಂಗ್ಲೆಂಡ್​​ನ ಹಣಕಾಸು ಇಲಾಖೆ ಮಂತ್ರಿ​​ ಸ್ಥಾನಕ್ಕೆ ಸಜ್ಜಿದ್​ ಜಾವೇದ್​​ ರಾಜೀನಾಮೆ ನೀಡಿದ ಬಳಿಕ, ಈ ಸ್ಥಾನಕ್ಕೆ ಇನ್ಫೋಸಿಸ್​​ ಸಂಸ್ಥಾಪಕ ನಾರಾಯಣ ಮೂರ್ತಿ ಅಳಿಯ ರಿಷಿ ಸುನಕ್​​ ನೇಮಕವಾಗಿದ್ದಾರೆ.

ಇವರು 2015ರಲ್ಲಿ ರಿಚ್ಮಂಡ್​ನಿಂದ ಸಂಸತ್ ಸದಸ್ಯರಾಗಿ ಆಯ್ಕೆಯಾಗಿದ್ದರು. ಸೌತ್ ಆ್ಯಂಪ್ಟನ್ ಹ್ಯಾಂಮ್ಶೀಯರ್​​ನಲ್ಲಿ ಸುನಾಕ್ ಜನಿಸಿದ್ದು, ಆಕ್ಸ್ ಫೋರ್ಡ್ ವಿವಿಯಲ್ಲಿ ರಾಜಕೀಯ ಮತ್ತು ಅರ್ಥಶಾಸ್ತ್ರ, ಹಾಗೂ ತತ್ವಶಾಸ್ತ್ರದಲ್ಲಿ ಪದವಿ ಪಡೆದಿದ್ದರು. ನಂತರ ಸ್ಟ್ಯಾನ್ ಫೋರ್ಡ್ ವಿವಿಯಲ್ಲಿ ಎಂಬಿಎ ಪದವಿ ಪಡೆದಿದ್ದರು.

ಸುನಾಕ್ ದಂಪತಿಗೆ ಇಬ್ಬರು ಪುತ್ರಿಯರು. ಎರಡು ಬಾರಿ ಬ್ರಿಟನ್ ಸಂಸತ್ ಸದಸ್ಯರಾಗಿರುವ ರಿಷಿ ಸುನಕ್ , ಈ ಹಿಂದೆ ಖಜಾನೆ ಇಲಾಖೆ ಮುಖ್ಯ ಕಾರ್ಯದರ್ಶಿಯಾಗಿ ಕಾರ್ಯನಿರ್ವಹಿಸಿದ್ದರು

ಪ್ರಧಾನಿ ಬೋರಿಸ್​ ಜಾನ್ಸ್​ನ್​ರಿಗೆ ರಿಷಿ ಅತ್ಯಂತ ನಂಬಿಕಸ್ತ. ಈ ಹಿಂದಿನ ಸರ್ಕಾರದಲ್ಲಿ ರಿಷಿ ಸುನಕ್​ ಅವರು ಉಪ ಹಣಕಾಸು ಸಚಿವರಾಗಿ ಕಾರ್ಯ ನಿರ್ವಹಿಸಿದ್ದರು.