ಷರತ್ತುಗಳ ಮೇಲೆ ಹೆಣ್ಣುಮಕ್ಕಳು ಶಾಲೆಗೆ ಹೋಗಬಹುದು: ತಾಲಿಬಾನ್ ಅಧಿಕಾರಿ

ಹೆಲ್ಮಂಡ್ ಪ್ರಾಂತ್ಯದಲ್ಲಿ ಇಸ್ಲಾಂ ಮತ್ತು ಷರಿಯಾ ಕಾನೂನನ್ನು ಅಳವಡಿಸಿಕೊಳ್ಳಲಾಗುತ್ತಿದೆ. ಆದರೆ ವಿದೇಶಿ ಶಿಕ್ಷಣ ಇರುವುದಿಲ್ಲ ಎಂದು ರಾಜ್ಯಪಾಲ ಅಬ್ದುಲ್ ಅಹದ್ ಸ್ಪಷ್ಟಪಡಿಸಿದ್ದಾರೆ.

ಕಾಬೂಲ್(ಅಫ್ಘಾನಿಸ್ತಾನ): ತಾಲಿಬಾನಿಗಳ ದಾಳಿ ನಂತರ ಅಫ್ಘಾನಿಸ್ತಾನದಲ್ಲಿ ಜನ ಜೀವನ ಸಂಪೂರ್ಣವಾಗಿ ಅಸ್ತವ್ಯಸ್ತವಾಗಿತ್ತು. ಆಫ್ಘನ್​ ದಕ್ಷಿಣ ಪ್ರಾಂತ್ಯವಾದ ಹೆಲ್ಮಂಡ್​​ ಕೂಡಾ ತೀವ್ರ ದುಷ್ಪರಿಣಾಮಗಳಿಗೆ ಒಳಗಾಗಿತ್ತು. ಆದರೆ ಈಗ ಅಲ್ಲಿನ ಜನಜೀವನ ತಹಬದಿಗೆ ಬರುತ್ತಿದೆ.

ಆಗಸ್ಟ್ 13ರಂದೇ ತಾಲಿಬಾನಿಗಳ ವಶವಾಗಿದ್ದ ಹೆಲ್ಮಂಡ್ ಪ್ರಾಂತ್ಯಕ್ಕೆ ಈಗ ಹೊಸ ರಾಜ್ಯಪಾಲರು ನೇಮಕವಾಗಿದ್ದಾರೆ. ತಾಲಿಬಾನ್ ಸರ್ಕಾರ ಅಬ್ದುಲ್ ಅಹದ್ ಎಂಬಾತನನ್ನು ರಾಜ್ಯಪಾಲನನ್ನಾಗಿ ನೇಮಿಸಿದೆ.

ಹಿಂದಿನ ಸರ್ಕಾರಿ ಪಡೆಗಳ ವಿರುದ್ಧ ಹೋರಾಡಿದ್ದ ಅಹದ್ ಬ್ರಿಟಿಷ್ ಮತ್ತು ಅಮೆರಿಕನ್ ಪಡೆಗಳು ಅಫ್ಘಾನಿಸ್ತಾನದಲ್ಲಿ ಇದ್ದ ವೇಳೆ ಕೆಲ ಕಾಲ ಅಡಗಿ ಕುಳಿತಿದ್ದನು. ಈಗ ತಾಲಿಬಾನ್ ಸರ್ಕಾರ ಅಸ್ತಿತ್ವಕ್ಕೆ ಬಂದ ನಂತರ ಆತನನ್ನು ರಾಜ್ಯಪಾಲನನ್ನಾಗಿ ನೇಮಿಸಲಾಗಿದೆ.