ಟೋಕಿಯೊ: ಹೊಸ ಪರಿಧಮನಿಯ ಕೊರೊನಾವೈರಸ್‌ನಿಂದ ಉಂಟಾದ ನ್ಯುಮೋನಿಯಾ ತರಹದ ಅನಾರೋಗ್ಯದ ಮೊದಲ ಪ್ರಕರಣ ಜಪಾನ್‌ನಲ್ಲಿ ಪತ್ತೆಯಾಗಿದೆ ಎಂದು ಆ ರಾಷ್ಟ್ರದ ಆರೋಗ್ಯ ಸಚಿವಾಲಯ ಗುರುವಾರ ದೃಢಪಡಿಸಿದೆ.
ಚೀನಾದಲ್ಲಿ ಇತ್ತೀಚೆಗೆ ಈ ವೈರಸ್ ಪತ್ತೆಯಾಗಿದ್ದು, ಅಲ್ಲಿ 40 ಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿದ್ದು, ಒಂದು ಸಾವೂ ಕೂಡಾ ಸಂಭವಿಸಿತ್ತು. ಈ ವೈರಸ್ ಪೀಡಿತ ರೋಗಿಯು ಜಪಾನ್‌ನ ಕನಗಾವಾ ಪ್ರಾಂತ್ಯದಲ್ಲಿ ವಾಸಿಸುತ್ತಿದ್ದು, ಆತ ಚೀನಾ ಮೂಲದ ವ್ಯಕ್ತಿಯಾಗಿದ್ದಾನೆ ಎಂದು ತಿಳಿದು ಬಂದಿದೆ. ಈ ತಿಂಗಳ ಆರಂಭದಲ್ಲಿ ವೈರಸ್ ಪೀಡಿತ ವ್ಯಕ್ತಿ ಚೀನಾದ ಹುಬೈ ಪ್ರಾಂತ್ಯದ ವುಹಾನ್‌ಗೆ ಭೇಟಿ ನೀಡಿದ್ದರು. ಈ ವೇಳೆ ಈ ವ್ಯಕ್ತಿಗೆ ಕೊರೋನಾ ವೈರಸ್ ಹರಡಿ ಸೋಂಕು ಕಂಡು ಬಂದಿದೆ ಎಂದು ಜಪಾನ್ ಸಚಿವರು ಸ್ಪಷ್ಟ ಪಡಿಸಿದ್ದಾರೆ.
ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಇನ್ಫೆಕ್ಷಕ್ಸ್ ಡಿಸೀಸಸ್ ನಡೆಸಿದ ಪರೀಕ್ಷೆಗಳು ಈ ವೈರಸ್ ಇರುವುದನ್ನು ದೃಢ ಪಡಿಸಿವೆ.
ಈ ರೋಗ ಹರಡಿದ್ದು ಹೇಗೆ? : ರೋಗಿಯು ವುಹಾನ್ ಮೀನು ಹಾಗೂ ಸಮುದ್ರಾಹಾರ ಮಾರುಕಟ್ಟೆಗಳಿಗೆ ಭೇಟಿ ನೀಡಿದ ವೇಳೆ ಈ ವೈರಸ್ ಸೇರಿಕೊಂಡಿರಬಹುದು ಎಂದು ಶಂಕಿಸಲಾಗಿದೆ. ಆದರೆ ರೋಗಿಯು ತಾವು ಯಾವುದೇ ಕಾರಣಕ್ಕೂ ಮಾರುಕಟ್ಟೆಗೆ ಭೇಟಿ ನೀಡಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಈ ವಾರದ ಆರಂಭದಲ್ಲಿ ಥಾಯ್ಲೆಂಡ್ನಲ್ಲಿ ಚೀನಾ ಹೊರತಾಗಿ ಮೊದಲ ಪ್ರಕರಣ ವರದಿಯಾಗಿತ್ತು. ಈ ಪ್ರಕರಣದ ಬಳಿಕ ಜಪಾನ್ನಲ್ಲೂ ಈ ಭಯಾನಕ ವೈರಸ್ ಪತ್ತೆಯಾಗಿದೆ. ಇನ್ನು ದಕ್ಷಿಣ ಕೊರಿಯಾ ಕೂಡ ಅನುಮಾನಾಸ್ಪದ ವೈರಸ್ ಹರಡುವಿಕೆಯನ್ನ ವರದಿ ಮಾಡಿದೆ.
ಮುನ್ನೆಚ್ಚರಿಕೆ ನೀಡಿದ ಸರ್ಕಾರ: ಅನುಮಾನಾಸ್ಪದ ಲಕ್ಷಣಗಳು ಕಂಡುಬಂದರೆ ತಕ್ಷಣ ವೈದ್ಯರನ್ನು ಕಾಣುವಂತೆ ಹಾಗೂ ಸ್ವಚ್ಛತೆ ಕಾಪಾಡಿಕೊಳ್ಳುವಂತೆ ಜಪಾನ್ ಸರ್ಕಾರ ತನ್ನ ಪ್ರಜೆಗಳಿಗೆ ಮನವಿ ಮಾಡಿದೆ.
ಈ ವೈರಸ್ ಹೇಗೆ ಹರಡುತ್ತೆ:
ಕರೋನವೈರಸ್ಗಳು ಸಾಮಾನ್ಯವಾಗಿ ಶೀತ-ರೀತಿಯ ರೋಗಲಕ್ಷಣಗಳನ್ನು ಉಂಟುಮಾಡುತ್ತವೆ ಮತ್ತು ಸೀನುವಿಕೆ, ಕೆಮ್ಮು ಅಥವಾ ನೇರ ಸಂಪರ್ಕದ ಮೂಲಕ ಹರಡುತ್ತವೆ.
