ವಾಷಿಂಗ್ಟನ್: ನಾಸಾ, ಯುರೋಪ್ ಬಾಹ್ಯಾಕಾಶ ಸಂಸ್ಥೆ ಮತ್ತು ದಕ್ಷಿಣ ಕೊರಿಯಾವು ಪ್ರತಿ ಗಂಟೆಗೆ ಜಾಗತಿಕ ವಾಯು ಗುಣಮಟ್ಟವನ್ನು ಪತ್ತೆಹಚ್ಚುವ ಬಾಹ್ಯಾಕಾಶ ಉಪಕರಣಗಳ 'ವರ್ಚುವಲ್ ನಕ್ಷತ್ರಪುಂಜ(virtual constellation)'ವನ್ನು ಸ್ಥಾಪಿಸಲು ಕೈ ಜೋಡಿಸಿವೆ.
ಇದರ ಸಹಯೋಗದ ಭಾಗವಾಗಿ ಪ್ರಾರಂಭಿಸಲಾದ ಮೊದಲ ಬಾಹ್ಯಾಕಾಶ ಸಾಧನವಾದ ದಕ್ಷಿಣ ಕೊರಿಯಾದ ಜಿಯೋಸ್ಟೇಷನರಿ ಎನ್ವಿರಾನ್ಮೆಂಟ್ ಮಾನಿಟರಿಂಗ್ ಸ್ಪೆಕ್ಟ್ರೋಮೀಟರ್ಅನ್ನು ಫೆಬ್ರವರಿ 18 ರಂದು ಭೂಸ್ಥಾಯಿ ಕಕ್ಷೆಗೆ ಸೇರಿಸಲಾಯಿತು. ಈ ಉಪಕರಣವನ್ನು ಕೊರಿಯಾಗೆ ಸೇರಿದ ಉಪಗ್ರಹದಲ್ಲಿ ಅಳವಡಿಸಲಾಗಿದ್ದು, ಇದಕ್ಕೆ ಸಮುದ್ರದ ಮೇಲ್ಮೈ ಮೇಲ್ಮೈ ಚಟುವಟಿಕೆ ಪರಿಶೀಲಿಸುವ ಕೆಲಸವನ್ನು ವಹಿಸಲಾಗಿದೆ.
ವರದಿಯ ಪ್ರಕಾರ, ನಾಸಾ ಇತ್ತೀಚೆಗೆ ನೀಡಿರುವ ಮಾಹಿತಿಯಲ್ಲಿ, 2022 ರಲ್ಲಿ ಬಿಡುಗಡೆ ಮಾಡಲಿರುವ ಈ ಸಂವಹನ ಉಪಗ್ರಹದಲ್ಲಿ, ಒಂದೇ ರೀತಿಯ ಸಾಧನವನ್ನು ಜೋಡಿಸಲಾಗುತ್ತದೆ ಎಂಬ ಮಾಹಿತಿಯನ್ನು ಬಹಿರಂಗಪಡಿಸಿದೆ.
ತನ್ನ ಗೆಳೆಯರನ್ನು ಅನುಸರಿಸಿಕೊಂಡು, ESA(ಯುರೋಪ್ ಬಾಹ್ಯಾಕಾಶ ಸಂಸ್ಥೆ) ಎರಡು ಉಪಕರಣಗಳನ್ನು ಬಾಹ್ಯಾಕಾಶಕ್ಕೆ ಕಳುಹಿಸಲು ಸಿದ್ಧವಾಗಿದೆ. ಅದು ಮೊದಲೇ ಅಸ್ತಿತ್ವದಲ್ಲಿರುವ ವಾಯು ಗುಣಮಟ್ಟದ ಟ್ರ್ಯಾಕಿಂಗ್ ಉಪಗ್ರಹಗಳಿಗೆ ಸೇರುತ್ತದೆ. ಇದರ ಮೊದಲ ಉಡಾವಣೆಯನ್ನು 2023 ಕ್ಕೆ ನಿಗದಿಪಡಿಸಲಾಗಿದೆ.
ನಕ್ಷತ್ರಪುಂಜವು ಸಂಗ್ರಹಿಸಿದ ಮಾಹಿತಿಯು ವಿಜ್ಞಾನಿಗಳಿಗೆ ಫಾರ್ಮಾಲ್ಡಿಹೈಡ್, ಹೊಗೆ, ಏರೋಸಾಲ್ ಮತ್ತು ಸಾರಜನಕ ಡೈ ಆಕ್ಸೈಡ್ನಂತಹ ವಾಯು ಮಾಲಿನ್ಯಕಾರಕಗಳನ್ನು ಮೇಲ್ವಿಚಾರಣೆ ಮಾಡಲು ಸಾಧ್ಯವಾಗುತ್ತದೆ.
