ವಾಷಿಂಗ್ಟನ್: ಜೋ ಬೈಡನ್ ಘೋಷಿಸಿದ 1.9 ಟ್ರಿಲಿಯನ್ ಯುಎಸ್ ಡಾಲರ್ ಕೋವಿಡ್ ರಿಲೀಫ್ ಪ್ಯಾಕೇಜ್ನಿಂದ ಲಕ್ಷಾಂತರ ಕುಟುಂಬಗಳಿಗೆ ಅನುಕೂಲವಾಗಲಿದ್ದು, ಕುಟುಂಬದ ಪ್ರತೀ ಮಗುವಿಗೆ ನಿರ್ದಿಷ್ಟ ಮೊತ್ತದ ಹಣ ನೀಡುವ ಅಮೆರಿಕನ್ ಫ್ಯಾಮಿಲಿ ಆಕ್ಟ್ ಅನ್ನು ಅನುಮೋದನೆಗೊಳಿಸಲಿದ್ದಾರೆ.
22 ಪುಟಗಳ ಮಸೂದೆಯ ಪ್ರಕಾರ, ಈ ಶಾಸನವು ಆರು ವರ್ಷದೊಳಗಿನ ಪ್ರತಿ ಮಗುವಿಗೆ 3,600 ಯುಎಸ್ ಡಾಲರ್ ಮತ್ತು ಆರು ವರ್ಷದಿಂದ 17 ವರ್ಷದೊಳಗಿನ ಪ್ರತಿ ಮಗುವಿಗೆ 3,000 ಡಾಲರ್ಗಳನ್ನು ಒಂದೇ ವರ್ಷಕ್ಕೆ ಒದಗಿಸುತ್ತದೆ.
ಕೋವಿಡ್ ಸಾಂಕ್ರಾಮಿಕ ರೋಗವು ಕುಟುಂಬಗಳನ್ನು ಬಡತನದ ಆಳಕ್ಕೆ ತಳ್ಳಿದ್ದು, ಇದು ವಿನಾಶಕಾರಿಯಾಗಿದೆ. ಹೀಗಾಗಿ ನಾವು ಮಕ್ಕಳ ತೆರಿಗೆ ಸಾಲವನ್ನು ಹೆಚ್ಚು ಉದಾರವಾಗಿ ನೀಡುತ್ತಿದ್ದು, ಮಾಸಿಕ ಪಾವತಿಸುವ ಯೋಜನೆ ರೂಪಿಸಿದ್ದೇವೆ ಎಂದು ವೇಸ್ ಅಂಡ್ ಮೀನ್ಸ್ ಸಮಿತಿಯ ಅಧ್ಯಕ್ಷ ರಿಚರ್ಡ್ ನೀಲ್ ತಿಳಿಸಿದ್ದಾರೆ. ಕುಟುಂಬಗಳು ಮಾಸಿಕ ಆಧಾರದ ಮೇಲೆ ಮಕ್ಕಳ ತೆರಿಗೆ ಕ್ರೆಡಿಟ್ ಪಾವತಿಗಳನ್ನು ಸ್ವೀಕರಿಸಬಹುದು, ವಾರ್ಷಿಕವಾಗಿ 75,000 ಯುಎಸ್ ಡಾಲರ್ ಗಳಿಸುವ ಸಿಂಗಲ್ ಪೋಷಕರಿಗೆ ಮತ್ತು 1,50,000 ಯುಎಸ್ ಡಾಲರ್ ವರೆಗೆ ಗಳಿಸುವ ದಂಪತಿಗೆ ಇದರ ಸಂಪೂರ್ಣ ಲಾಭ ಲಭ್ಯವಿದೆ.
ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರ ಈ ಮಸೂದೆ ಪ್ರಸ್ತಾಪವು ಕಡಿಮೆ ಆದಾಯದ ಕಾರ್ಮಿಕರಿಗೆ ಗಳಿಸಿದ ಆದಾಯ ತೆರಿಗೆ ಸಾಲವನ್ನು ವಿಸ್ತರಿಸುವುದರ ಜೊತೆಗೆ ನಿರುದ್ಯೋಗ ನಿವಾರಣೆ ಮತ್ತು ವಸತಿ ನೆರವು ಇತರ ಕ್ರಮಗಳನ್ನೂ ಒಳಗೊಂಡಿದೆ.
