ಕೆನಡಾ: ಇಲ್ಲಿನ ಬ್ರಿಟಿಷ್ ಕೊಲಂಬಿಯಾದಲ್ಲಿ ದಾಖಲೆಯ ಮಟ್ಟಕ್ಕೆ ತಾಪಮಾನ ಏರಿಕೆಯಾಗಿದೆ. ಸೂರ್ಯನ ಪ್ರಕೋಪಕ್ಕೆ 230ಕ್ಕೂ ಅಧಿಕ ಜನರು ಮೃತಪಟ್ಟಿದ್ದಾರೆ.
ಮಂಗಳವಾರ ಸತತ ಮೂರನೇ ದಿನ ಸಾರ್ವಕಾಲಿಕ ಅಧಿಕ ತಾಪಮಾನದ ದಾಖಲಾಗಿ ಅಪಾರ ಪ್ರಮಾಣದಲ್ಲಿ ಸಾವುನೋವು ಸಂಭವಿಸಿವೆ. ವ್ಯಾಂಕೋವರ್‌ನ ಪೂರ್ವಕ್ಕೆ 155 ಮೈಲಿ (250 ಕಿಲೋಮೀಟರ್) ದೂರದ ಬ್ರಿಟಿಷ್ ಕೊಲಂಬಿಯಾದ ಲಿಟ್ಟನ್‌ನಲ್ಲಿ 121 ಡಿಗ್ರಿ ಫ್ಯಾರನ್‌ ಹೀಟ್ (49.5 ಡಿಗ್ರಿ ಸೆಲ್ಸಿಯಸ್) ತಾಪಮಾನ ದಾಖಲಾಗಿತ್ತು ಎಂದು ಕೆನಡಾದ ಹವಾಮಾನ ಇಲಾಖೆ ತಿಳಿಸಿದೆ.
ಇದನ್ನೂ ಓದಿ: 84 ವರ್ಷಗಳ ದಾಖಲೆ ಮುರಿದ ಶಾಖ: ಉಷ್ಣ ತರಂಗಕ್ಕೆ ಉತ್ತರ ಅಮೆರಿಕ ತತ್ತರ
ಸೂರ್ಯರಶ್ಮಿಯ ಪ್ರಕೋಪ ತಾಳಲಾರದೆ ಕವ್ಯಾಂಕೋವರ್ ಪ್ರದೇಶದಲ್ಲಿ ಕನಿಷ್ಠ 69 ಜನರು ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ. ದೇಶದ ಪಶ್ಚಿಮ ಮತ್ತು ಯುಎಸ್ ಪೆಸಿಫಿಕ್ ವಾಯುವ್ಯ ಪ್ರದೇಶದಲ್ಲಿ ದಾಖಲಾದ ಅತೀ ಹೆಚ್ಚಿನ ತಾಪಮಾನ ಇದಾಗಿದೆ. ಮೃತಪಟ್ಟವರಲ್ಲಿ ಹೆಚ್ಚಿನವರು ವಯಸ್ಸಾದವರು ಮತ್ತು ಅನಾರೋಗ್ಯದಿಂದ ಬಳಲುತ್ತಿದ್ದವರು ಎಂದು ಸರ್ಕಾರ ಮಾಹಿತಿ ನೀಡಿದೆ.
