ನಿಯಾಮಿ(ನೈಜರ್) : ಶಂಕಿತ ಉಗ್ರರು ಚಲಿಸುತ್ತಿದ್ದ ಬಸ್ ಅಡ್ಡಗಟ್ಟಿ, ಗುಂಡಿನ ದಾಳಿ ನಡೆಸಿ ಬಳಿಕ ಆ ಬಸ್ಗೆ ಬೆಂಕಿ ಹಚ್ಚಿ ಅಟ್ಟಹಾಸ ಮೆರೆದಿರುವ ಘಟನೆ ಪಶ್ಚಿಮ ನೈಜರ್ ಮತ್ತು ಬುರ್ಕಿನಾ ಫಾಸೊ ಗಡಿಯ ಸಮೀಪದಲ್ಲಿ ನಡೆದಿದೆ.
ಬುರ್ಕಿನಾ ಫಾಸೊದ ರಾಜಧಾನಿ ಔಗಾಡೌಗೌದಿಂದ ನೈಜರ್‌ನ ರಾಜಧಾನಿ ನಿಯಾಮಿಗೆ ಬಸ್ ತೆರಳುತ್ತಿತ್ತು. ಈ ವೇಳೆ, ಬೈಕ್ಗಳಲ್ಲಿ ಬಂದ ಅನೇಕ ಶಂಕಿತ ಜಿಹಾದಿಗಳು ಫೋನೊ ಗ್ರಾಮದ ಬಳಿ ಬಸ್ ಅಡ್ಡಗಟ್ಟಿದ್ದಾರೆ. ಬಳಿಕ ಮನಬಂದಂತೆ ಗುಂಡಿನ ದಾಳಿ ನಡೆಸಿದ್ದಾರೆ. ಈ ವೇಳೆ, ಕೆಲ ಪ್ರಯಾಣಿಕರು ದಾಳಿಯಿಂದ ತಪ್ಪಿಸಿಕೊಂಡು ಹೋಗಿದ್ದಾರೆ.
ಓದಿ: ಉಕ್ರೇನ್ ಶಾಲೆ ಮೇಲೆ ರಷ್ಯಾ ಬಾಂಬ್ ದಾಳಿ: 21 ಸಾವು, 25ಕ್ಕೂ ಅಧಿಕ ಮಂದಿ ಗಾಯ
ಗುಂಡಿನ ದಾಳಿ ಬಳಿಕ ಉಗ್ರರು ಬಸ್ಗೆ ಬೆಂಕಿ ಹಚ್ಚಿದ್ದಾರೆ. ಈ ಘಟನೆಯಲ್ಲಿ ಇಬ್ಬರು ಪೊಲೀಸರು ಸೇರಿದಂತೆ 19 ಅಮಾಯಕರು ಪ್ರಾಣ ಕಳೆದುಕೊಂಡಿದ್ದಾರೆ ಎಂದು ಪ್ರಯಾಣಿಕರ ಸಾರಿಗೆ ಕಂಪನಿಗಳ ಸಂಘ ತಿಳಿಸಿದೆ. ಶಸ್ತ್ರಸಜ್ಜಿತ ಶಂಕಿತ ಜಿಹಾದಿಗಳು ಬಸ್ ಮೇಲೆ ಅಲ್ಲದೇ ಕೆಲ ಟ್ರಕ್ಗಳಿಗೂ ಬೆಂಕಿ ಹಚ್ಚಿದ್ದಾರೆ. ಸುದ್ದಿ ತಿಳಿದ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದಾಗ ಬಸ್ ಮತ್ತು ಟ್ರಕ್ಗಳು ಬೆಂಕಿಯಿಂದ ಉರಿಯುತ್ತಿರುವುದು ಕಂಡು ಬಂದಿದೆ ಎಂದು ಸಾರಿಗೆ ಕಂಪನಿಗಳು ಹೇಳಿವೆ.
ಯಾವುದೇ ಗುಂಪು ಈ ದಾಳಿ ಹೊಣೆ ಹೊತ್ತುಕೊಂಡಿಲ್ಲ. ಆದರೆ, ಅಲ್-ಖೈದಾ ಮತ್ತು ಇಸ್ಲಾಮಿಕ್ ಸ್ಟೇಟ್ ಗ್ರೂಪ್ ಎರಡಕ್ಕೂ ಸಂಬಂಧ ಹೊಂದಿರುವ ಜಿಹಾದಿಸ್ಟ್ ಗುಂಪುಗಳಿಂದ ಬುರ್ಕಿನಾ ಫಾಸೊ ಗಡಿಯ ಸಮೀಪವಿರುವ ತಿಲ್ಲಾಬೆರಿ ಪ್ರದೇಶದಲ್ಲಿ ಇದೇ ರೀತಿಯ ದಾಳಿಗಳು ಈ ಹಿಂದೆ ನಡೆದಿದ್ದಾವೆ. ಹೀಗಾಗಿ ಈ ದಾಳಿಗಳು ಈ ಎರಡು ಗುಂಪಗಳಲ್ಲೊಂದು ನಡೆಸಿದೆ ಎಂಬ ಅನುಮಾನ ಪೊಲೀಸರಿಗೆ ಮೂಡಿದೆ.
