ಇತ್ತೀಚಿನ ದಿನಗಳಲ್ಲಿ ಬಾಲಿವುಡ್ ಕಿಂಗ್ ಖಾನ್ ಶಾರುಖ್ ತಮ್ಮ ಮುಂಬರುವ ಚಿತ್ರ 'ಡಂಕಿ' ಸಲುವಾಗಿ ಸುದ್ದಿಯಲ್ಲಿದ್ದಾರೆ. ಸಿನಿಮಾ ಪ್ರಚಾರದಲ್ಲಿ ಎಸ್ಆರ್ಕೆ ಬ್ಯುಸಿಯಾಗಿದ್ದಾರೆ. ಡಿಸೆಂಬರ್ 21 ಡಂಕಿ ಚಿತ್ರಮಂದಿರ ಪ್ರವೇಶಿಸಲಿದ್ದು, ಪ್ರೇಕ್ಷಕರ ನಿರೀಕ್ಷೆ ಗರಿಗೆದರಿದೆ. ಇಂದು ಮುಂಜಾನೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಸೂಪರ್ ಸ್ಟಾರ್ ಕಾಣಿಸಿಕೊಂಡಿದ್ದು, ವಿಡಿಯೋಗಳು ವೈರಲ್ ಆಗಿವೆ. ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಕೂಡ ಏರ್ಪೋರ್ಟ್ನಲ್ಲಿ ಕಾಣಿಸಿಕೊಂಡಿದ್ದು, ಇಬ್ಬರ ವಿಡಿಯೋಗಳು ಆನ್ಲೈನ್ನಲ್ಲಿ ವೈರಲ್ ಆಗುತ್ತಿವೆ.
ಎಸ್ಆರ್ಕೆ, ಅನುಷ್ಕಾ ವಿಡಿಯೋ ವೈರಲ್: ಶಾರುಖ್ ಖಾನ್ ಮತ್ತು ಅನುಷ್ಕಾ ಶರ್ಮಾ ಅವರ ವಿಡಿಯೋಗಳನ್ನು ಪಾಪರಾಜಿಗಳು ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇಂದು ಬೆಳಗ್ಗೆ ಮುಂಬೈ ವಿಮಾನ ನಿಲ್ದಾಣದತ್ತ ಆಗಮಿಸುತ್ತಿರೋದನ್ನು ಈ ವಿಡಿಯೋಗಳಲ್ಲಿ ಕಾಣಬಹುದು.
ಕಿಂಗ್ ಖಾನ್ ಹೆಚ್ಚಿನ ಭದ್ರತೆಯ ನಡುವೆ ತಮ್ಮ ಕಾರಿನಿಂದ ಇಳಿಯುವುದನ್ನು ವೈರಲ್ ವಿಡಿಯೋಗಳಲ್ಲಿ ಕಾಣಬಹುದು. ಎಂದಿನಂತೆ ಕ್ಯಾಶುವಲ್ ಏರ್ಪೋರ್ಟ್ ಲುಕ್ನಲ್ಲಿ ಕಾಣಿಸಿಕೊಂಡರು. ಡಾರ್ಕ್ ಬ್ಲ್ಯೂ ಟೀ ಶರ್ಟ್, ಜಾಕೆಟ್, ಕಾರ್ಗೋ ಪ್ಯಾಂಟ್ ಧರಿಸಿದ್ದರು. ಬ್ಲ್ಯಾಕ್ ಸನ್ ಗ್ಲಾಸ್ನಲ್ಲಿ ತಮ್ಮ ಕ್ಯಾಶುವಲ್ ಲುಕ್ ಪೂರ್ಣಗೊಳಿಸಿಕೊಂಡಿದ್ದರು.
'ರಬ್ ನೆ ಬನಾ ದಿ ಜೋಡಿ' ಸಿನಿಮಾದಲ್ಲಿ ಶಾರುಖ್ ಖಾನ್ ಜೊತೆ ತೆರೆ ಹಂಚಿಕೊಂಡಿದ್ದ ನಟಿ ಅನುಷ್ಕಾ ಶರ್ಮಾ ಕೂಡ ಮುಂಬೈ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡರು. ವಿಂಟರ್ ಕಲೆಕ್ಷನ್ನಿಂದ ಆಯ್ದ ಉಡುಗೆ ಧರಿಸಿದ್ದರು. ವೈಟ್ ಪ್ಯಾಂಟ್, ಬ್ಲ್ಯಾಕ್ ಕೋಟ್, ಮ್ಯಾಚಿಂಗ್ ಶೂಗಳನ್ನು ಧರಿಸಿದ್ದರು. ಕೋಟ್ ಮೂಲಕ ಬೇಬಿ ಬಂಪ್ ಕಾಣದಂತೆ ಜಾಗ್ರತೆ ವಹಿಸಿದ್ದರು. ವಿಮಾನ ನಿಲ್ದಾಣ ಪ್ರವೇಶಿಸುವ ಮೊದಲು, ಅನುಷ್ಕಾ ಪಾಪರಾಜಿಗಳಿಗೆ ಕೈ ಬೀಸಿ ಮುನ್ನಡೆದರು.
ಇದನ್ನೂ ಓದಿ: 'ಜನರಲ್ ಹಾಸ್ಪಿಟಲ್' ಖ್ಯಾತಿಯ ನಟ ಜಾಕ್ ಆಕ್ಸೆಲ್ರೋಡ್ ವಿಧಿವಶ
ಇತ್ತೀಚಿನ ದಿನಗಳಲ್ಲಿ ನಟಿ ತಮ್ಮ ಗರ್ಭಾವಸ್ಥೆಯ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ. ಆದರೆ, ಈವರೆಗೆ ಅಧಿಕೃತ ಹೇಳಿಕೆ ಕೊಟ್ಟಿಲ್ಲ. ಬೇಬಿ ಬಂಪ್ನಂತೆ ಗೋಚರಿಸುವ ಹಲವು ವಿಡಿಯೋಗಳು ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ. ವಿರುಷ್ಕಾ ಜೋಡಿ ಎರಡನೇ ಮಗು ನಿರೀಕ್ಷಿಸುತ್ತಿದ್ದಾರೆ ಎಂದು ಹೇಳಲಾಗಿದೆ. ಇನ್ನೂ, ನಟಿಯ ಸಿನಿಮಾ ಗಮನಿಸುವುದಾದರೆ, ಸ್ಪೋರ್ಟ್ಸ್ ಬಯೋಪಿಕ್ 'ಚಕ್ಡಾ ಎಕ್ಸ್‌ಪ್ರೆಸ್'ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಪ್ರೋಸಿತ್ ರಾಯ್ ನಿರ್ದೇಶನದ ಈ ಚಿತ್ರ ಜೂಲನ್ ಗೋಸ್ವಾಮಿ ಜೀವನವನ್ನು ಆಧರಿಸಿದೆ. ನಟಿ ಕೊನೆ ಬಾರಿಗೆ ಕಾಲಾ ಚಿತ್ರದ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.
ಇದನ್ನೂ ಓದಿ: ಶ್ರೀಮುರಳಿ ಬರ್ತ್ಡೇಗೆ 'ಬಘೀರ' ಟೀಸರ್ ಗಿಫ್ಟ್: ತೆರೆಮೇಲೆ ಅಬ್ಬರಿಸಲು ಸಜ್ಜಾದ ರೋರಿಂಗ್ ಸ್ಟಾರ್
