'ಅನಿಮಲ್' ಯಶಸ್ಸಿನಲೆಯಲ್ಲಿ ತೇಲುತ್ತಿರುವ ನ್ಯಾಷನಲ್ ಕ್ರಶ್ ಖ್ಯಾತಿಯ ರಶ್ಮಿಕಾ ಮಂದಣ್ಣ ಅವರೀಗ ತಮ್ಮ ಮುಂದಿನ ಪ್ರಾಜೆಕ್ಟ್ಗಳೆಡೆ ಗಮನ ಹರಿಸಿದ್ದಾರೆ. ಮುಂದಿನ ಬಹುನಿರೀಕ್ಷಿತ ತೆಲುಗು ಸಿನಿಮಾ 'ದಿ ಗರ್ಲ್ಫ್ರೆಂಡ್'ನ ಶೂಟಿಂಗ್ ಅನ್ನು ಈಗಾಗಲೇ ಹೈದರಾಬಾದ್‌ನಲ್ಲಿ ಪ್ರಾರಂಭಿಸಿದ್ದಾರೆ.
ಶೂಟಿಂಗ್ನಲ್ಲಿ ಭಾಗಿಯಾಗಿರುವ ಬಗ್ಗೆ ಇನ್ಸ್ಟಾಗ್ರಾಮ್ ಸ್ಟೋರಿಸ್ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಸೆಟ್‌ನಲ್ಲಿನ ತಮ್ಮ ಮೊದಲ ದಿನದ ಉತ್ಸಾಹವನ್ನು ಹಂಚಿಕೊಂಡಿದ್ದಾರೆ. ಅಭಿಮಾನಿಗಳಿಗಾಗಿ ತೆರೆಮರೆಯ ಒಂದು ನೋಟವನ್ನು ಬಹಿರಂಗಪಡಿಸಿದ್ದಾರೆ. ಸಿನಿಮಾದ ಹಿಂದಿರುವ ನಿರ್ಮಾಣ ಸಂಸ್ಥೆ ಗೀತಾ ಆರ್ಟ್ಸ್ ಕೂಡ ದಿ ಗರ್ಲ್‌ಫ್ರೆಂಡ್‌ನ ಒಂದು ಸಣ್ಣ ನೋಟ ಹಂಚಿಕೊಂಡಿದೆ.
ಇನ್ಸ್ಟಾಗ್ರಾಮ್ ಸ್ಟೋರಿಸ್ನಲ್ಲಿ ಹೂಗುಚ್ಛದ ಫೋಟೋ ಹಂಚಿಕೊಂಡಿರುವ ಅನಿಮಲ್ ಬೆಡಗಿ, "ಇಂತಹ ಉಡುಗೊರೆಗಳು.. ನನ್ನ ಪ್ರೀತಿಪಾತ್ರರೇ, ನಿಮಗಾಗಿ ನನ್ನ ಮುಮದಿನ ಸಿನಿಮಾದ ಸಣ್ಣ ಅಪ್ಡೇಟ್ಸ್, 'ದಿ ಗರ್ಲ್ಫ್ರೆಂಡ್'ನ ಮೊದಲ ದಿನ. ಶೂಟಿಂಗ್ನಲ್ಲಿ ಸಂಪೂರ್ಣ ತೊಡಗಿಕೊಂಡಿದ್ದೇನೆ. ನಿಮ್ಮೆಲ್ಲರಿಗೂ ಪಾಸಿಟಿವ್ ವೈಬ್ಸ್ ಕಳುಹಿಸುತ್ತಿದ್ದೇನೆ" ಎಂದು ಬರೆದುಕೊಂಡಿದ್ದಾರೆ.
ಚಲನಚಿತ್ರ ನಿರ್ಮಾಣ ಸಂಸ್ಥೆ ಗೀತಾ ಆರ್ಟ್ಸ್ ಕೂಡ ಸೆಟ್‌ನ ಇಂಟ್ರೆಸ್ಟಿಂಗ್ ವಿಡಿಯೋವನ್ನು ಹಂಚಿಕೊಂಡಿದೆ. ಈ ಮೂಲಕ ಅಭಿಮಾನಿಗಳ ಕುತೂಹಲ, ಉತ್ಸಾಹ ಮತ್ತಷ್ಟು ಹೆಚ್ಚಿದೆ. ಗೀತಾ ಆರ್ಟ್ಸ್‌ನ ಹಿರಿಯ ನಿರ್ಮಾಪಕ ಅಲ್ಲು ಅರವಿಂದ್ ಅವರು ಸೆಟ್‌ಗೆ ಆಗಮಿಸಿದ ದೃಶ್ಯಾವಳಿಗಳು, ನಿರ್ದೇಶಕ ರಾಹುಲ್ ರವೀಂದ್ರನ್ ಮತ್ತು ರಶ್ಮಿಕಾ ಮಂದಣ್ಣ ಅವರ ಶೂಟಿಂಗ್ ಕ್ಷಣಗಳನ್ನು ಈ ವಿಡಿಯೋ ಒಳಗೊಂಡಿದೆ.
'ದಿ ಗರ್ಲ್ಫ್ರೆಂಡ್' ಸಿನಿಮಾ ಸಂಬಂಧಗಳಲ್ಲಿನ ಪೊಸೆಸಿವ್ನೆಸ್, ಅವರ ಪರಿಣಾಮದ ಮೇಲೆ ಬೆಳಕು ಚೆಲ್ಲಲಿದೆ ಎಂಬುದನ್ನು ಈಗಾಗಲೇ ಅನಾವರಣಗೊಂಡಿರುವ ಗ್ಲಿಂಪ್ಸ್ ಸೂಚಿಸಿದೆ. ಅಕ್ಟೋಬರ್‌ನಲ್ಲಿ ಸಿನಿಮಾದ ಮೊದಲ ನೋಟ ಅನಾವರಣಗೊಂಡಿತ್ತು.
ಇದನ್ನೂ ಓದಿ: ರಶ್ಮಿಕಾ ಮಂದಣ್ಣ ನಟನೆಯ 'ದಿ ಗರ್ಲ್ಫ್ರೆಂಡ್' ಶೂಟಿಂಗ್ ಶುರು
ರಶ್ಮಿಕಾ ಮಂದಣ್ಣ ನೀರಿನಲ್ಲಿ ಮುಳುಗಿರುವ ದೃಶ್ಯಗಳನ್ನು ಫಸ್ಟ್ ಲುಕ್ ಟೀಸರ್ ಒಳಗೊಂಡಿತ್ತು. ಉಸಿರುಗಟ್ಟುವಿಕೆಯ ಭಾವನೆ ಬಹಿರಂಗವಾಗಿತ್ತು. ತೆಲುಗಿನಲ್ಲಿ ಹಿನ್ನೆಲೆ ದನಿಯಿತ್ತು. ಅದು, ಪ್ರತೀ ಕ್ಷಣವೂ ತಾವು ಪ್ರೀತಿಸುವಾಕೆಯೊಂದಿಗೆ ಇರಲು ಬಯಸಿದ ನಾಯಕನನ್ನು ಚಿತ್ರಿಸಿತ್ತು. ಈ ಒಂದು ಸಣ್ಣ ದೃಶ್ಯ ಪ್ರೀತಿ ಮತ್ತು ಸಂಬಂಧಗಳ ಕರಾಳ ಮುಖದ ಸುಳಿವು ನೀಡಿತ್ತು.
ಇದನ್ನೂ ಓದಿ: 'ದಿ ಆರ್ಚೀಸ್' ಈವೆಂಟ್ನಲ್ಲಿ ಬಚ್ಚನ್, ಖಾನ್ ಫ್ಯಾಮಿಲಿ; ಬಾಲಿವುಡ್ ಖ್ಯಾತನಾಮರ ಸಮಾಗಮ
ವಿಭಿನ್ನ ಪ್ರೇಮಕಥೆಯ ಸಿನಿಮಾಗೆ ರಾಹುಲ್ ರವೀಂದ್ರನ್ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಬರಹಗಾರರಾಗಿಯೂ ಜವಾಬ್ದಾರಿ ಹೊತ್ತುಕೊಂಡಿದ್ದಾರೆ. ಗೀತಾ ಆರ್ಟ್ಸ್ ಬ್ಯಾನರ್ ಅಡಿ ಅಲ್ಲು ಅರವಿಂದ್ ದಿ ಗರ್ಲ್ಫ್ರೆಂಡ್ ಸಿನಿಮಾವನ್ನು ಪ್ರಸ್ತುತಪಡಿಸಲಿದ್ದಾರೆ. ಶ್ರೀನಿವಾಸ ಕುಮಾರ್ ನಾಯ್ಡು, ವಿದ್ಯಾ ಕೊಪ್ಪಿನೀಡಿ ಮತ್ತು ಧೀರಜ್ ಮೊಗಿಲಿನೇನಿ ಈ ಚಿತ್ರದ ನಿರ್ಮಾಪಕರು. ಹೇಶಮ್ ಅಬ್ದುಲ್ ವಹಾಬ್ ಅವರ ಸಂಗೀತವಿರಲಿದೆ. ರಶ್ಮಿಕಾ ಮಂದಣ್ಣ ಸದ್ಯ ಅನಿಮಲ್ ಸಿನಿಮಾ ಸಲುವಾಗಿ ಸುದ್ದಿಯಲ್ಲಿದ್ದಾರೆ. ಪುಷ್ಪಾ: ದಿ ರೂಲ್, ರೈನ್‌ಬೋ ನಟಿಯ ಮುಂದಿನ ಚಿತ್ರಗಳು. ವಿಜಯ್ ದೇವರಕೊಂಡ ಜೊತೆ ಹೆಸರಿಡದ ಸಿನಿಮಾವೊಂದರಲ್ಲಿ ನಟಿಸಲು ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.
