ಮುಂಬೈ: ಬಾಲಿವುಡ್ ನಟ ರಣವೀರ್ ಸಿಂಗ್ ಅಭಿನಯದ ಆ್ಯಕ್ಷನ್ ಕಾಮಿಡಿ ಚಿತ್ರ 'ಸರ್ಕಸ್'ನ ಮೊದಲ ಮೋಷನ್ ಪೋಸ್ಟರ್ ಅನ್ನು ಸಿನಿ ತಂಡ ಹಂಚಿಕೊಂಡಿದ್ದು, ಚಿತ್ರದ ಪಾತ್ರಗಳನ್ನು ಕೂಡ ಪರಿಚಯಿಸಲಾಗಿದೆ. ತಮ್ಮ ಇನ್ಸ್ಟಾಗ್ರಾಂನಲ್ಲಿ ಈ ಮೋಷನ್ ಪೋಸ್ಟರ್ ಹಂಚಿಕೊಂಡಿದ್ದು, ಮುಂದಿನ ವಾರ ಚಿತ್ರದ ಟ್ರೈಲರ್ ಬಿಡುಗಡೆಗೆ ಮುನ್ನ, ನಮ್ಮ ಸರ್ಕಸ್ ಕುಟುಂಬ ಪರಿಚಯಿಸುತ್ತಿರುವುದಾಗಿ ತಿಳಿಸಿದ್ದಾರೆ.
ಇನ್ನು ಈ ಚಿತ್ರದಲ್ಲಿ ರಣವೀರ್ ಸಿಂಗ್ ಎರಡು ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರದಲ್ಲಿ ಪೂಜಾ ಹೆಗ್ಡೆ, ಜಾಕ್ವೆಲಿನ್ ಫರ್ನಾಂಡಿಸ್ ಮತ್ತು ವರುಣ್ ದವನ್ ಕೂಡ ಪ್ರಮುಖ ಪಾತ್ರದಲ್ಲಿದ್ದಾರೆ.
ತಮ್ಮ ಈ ಹಿಂದಿನ ಬ್ಲಾಕ್ ಬಸ್ಟರ್ ಹಿಟ್ ಸಿನಿಮಾದಲ್ಲಿ ಗೋಲ್ಮಾಲ್ನಲ್ಲಿ ಅಭಿನಯಿಸಿದ್ದ ಪೋಷಕ ಕಲಾವಿದರಾದ ಸಿದ್ದಾರ್ಥ್ ಜಾಧವ್, ಸಂಜಯ್ ಮಿಶ್ರಾ, ಮುಕೇಶ್ ತಿವಾರಿ, ವ್ರಜೇಶ್ ಹಿರ್ಜೆ ಮತ್ತು ಅಶ್ವಿನ್ ಕಲ್ಸೆಕರ್ ಸೇರಿದಂತೆ ಹಲವು ಮಂದಿಗೂ ತಮ್ಮ ಈ ಚಿತ್ರದಲ್ಲೂ ಅವಕಾಶ ನೀಡಿದ್ದಾರೆ ನಿರ್ದೇಶಕ ರೋಹಿತ್ ಶೆಟ್ಟಿ.
- " class="align-text-top noRightClick twitterSection" data="
">
ವಿಲಿಯಂ ಶೇಕ್ಸ್ಪಿಯರ್ ಅವರ ಅದ್ಭುತ ನಾಟಕಗಳಲ್ಲಿ ಒಂದಾಗಿರುವ ದಿ ಕಾಮಿಡಿ ಆಫ್ ಎರರ್ಸ್ನ ಕಥೆಯನ್ನು ಈ ಸಿನಿಮಾ ಒಳಗೊಂಡಿದೆ. ಚಿತ್ರದಲ್ಲಿ ಎರಡು ಪಾತ್ರದಲ್ಲಿ ರಣವೀರ್ ಕಾಣಿಸಿಕೊಳ್ಳಲಿದ್ದಾರೆ. ಇದೇ ಮೊದಲ ಬಾರಿಗೆ ಅವರು ಅವಳಿ - ಜವಳಿ ಸಹೋದರರು ಪಾತ್ರದಲ್ಲಿ ತೆರೆ ಮೆಲೆ ಮಿಂಚು ಹರಿಸಲಿದ್ದಾರೆ.
ಇದನ್ನೂ ಓದಿ: ಬಿಕಿನಿ ಧರಿಸಿ ಸಾರಾ ಅಲಿ ಖಾನ್ ಸೈಕಲ್ ಸವಾರಿ
