ಪೃಥ್ವಿರಾಜ್​ ಸುಕುಮಾರನ್​ ನಿರ್ದೇಶನ, ಮೋಹನ್​ಲಾಲ್​ ನಟನೆಯ 'L2E - ಎಂಪುರಾನ್' ಫಸ್ಟ್​ ಲುಕ್​ ಔಟ್

L2E - Empuraan first look out: ಪೃಥ್ವಿರಾಜ್​ ಸುಕುಮಾರನ್​ ನಿರ್ದೇಶನದ, ಮೋಹನ್​ಲಾಲ್​ ನಟಿಸಿರುವ ​'L2E - ಎಂಪುರಾನ್' ಚಿತ್ರದ ಫಸ್ಟ್​ ಲುಕ್​ ಬಿಡುಗಡೆಯಾಗಿದೆ.

ಭಾರತೀಯ ಚಿತ್ರರಂಗದಲ್ಲಿ ನಟನಾಗಿ ಮಾತ್ರವಲ್ಲದೇ, ನಿರ್ದೇಶಕರಾಗಿಯೂ ಗುರುತಿಸಿಕೊಂಡವರು ಪೃಥ್ವಿರಾಜ್​ ಸುಕುಮಾರನ್​. ಇವರು ಆ್ಯಕ್ಷನ್​ ಕಟ್ ಹೇಳುತ್ತಿರುವ ಮುಂಬರುವ ಬಹುನಿರೀಕ್ಷಿತ ಚಿತ್ರ 'L2E - ಎಂಪುರಾನ್'. ಪೃಥ್ವಿ ಡೈರೆಕ್ಷನ್​ನಲ್ಲಿ ಮೂಡಿಬರುತ್ತಿರುವ ಮೂರನೇ ಸಿನಿಮಾ ಇದಾಗಿದ್ದು, ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿದೆ. ಮಾಲಿವುಡ್​ ಸೂಪರ್​ಸ್ಟಾರ್​ ಮೋಹನ್​ಲಾಲ್​ ಮುಖ್ಯಭೂಮಿಕೆಯಲ್ಲಿ ನಟಿಸುತ್ತಿರುವ ಈ ಚಿತ್ರದ ಫಸ್ಟ್​ ಲುಕ್​ ಅನ್ನು ಚಿತ್ರತಂಡ ಇದೀಗ ಬಿಡುಗಡೆಗೊಳಿಸಿದೆ.

• 3rd directorial. 2nd part of the franchise. 1st look.#L2E #Empuraan #Firstlook
  
  Malayalam | Tamil | Telugu | Kannada | Hindi@mohanlal #MuraliGopy @LycaProductions #Subaskaran @gkmtamilkumaran @antonypbvr @aashirvadcine @prithvirajprod #SureshBalaje #GeorgePius @ManjuWarrier4… pic.twitter.com/3D5DupUyif

  — Prithviraj Sukumaran (@PrithviOfficial) November 11, 2023 " class="align-text-top noRightClick twitterSection" data="

  3rd directorial. 2nd part of the franchise. 1st look.#L2E #Empuraan #Firstlook
  
  Malayalam | Tamil | Telugu | Kannada | Hindi@mohanlal #MuraliGopy @LycaProductions #Subaskaran @gkmtamilkumaran @antonypbvr @aashirvadcine @prithvirajprod #SureshBalaje #GeorgePius @ManjuWarrier4… pic.twitter.com/3D5DupUyif

  — Prithviraj Sukumaran (@PrithviOfficial) November 11, 2023

  ">

  3rd directorial. 2nd part of the franchise. 1st look.#L2E #Empuraan #Firstlook
  
  Malayalam | Tamil | Telugu | Kannada | Hindi@mohanlal #MuraliGopy @LycaProductions #Subaskaran @gkmtamilkumaran @antonypbvr @aashirvadcine @prithvirajprod #SureshBalaje #GeorgePius @ManjuWarrier4… pic.twitter.com/3D5DupUyif

  — Prithviraj Sukumaran (@PrithviOfficial) November 11, 2023

2019ರಲ್ಲಿ ತೆರೆಕಂಡ ಪೊಲಿಟಿಕಲ್​ ಆ್ಯಕ್ಷನ್​ ಥ್ರಿಲ್ಲರ್​ ಲೂಸಿಫರ್​ನ ಮುಂದುವರೆದ ಭಾಗವೇ 'L2E - ಎಂಪುರಾನ್'. ಈ ಸಿನಿಮಾ ಮೂಲಕ ತಮ್ಮ ನಿರ್ದೇಶನದ ಕೌಶಲ್ಯವನ್ನು ಪ್ರದರ್ಶಿಸಿದ ಪೃಥ್ವಿರಾಜ್​ ಸುಕುಮಾರನ್​ ಅವರ ಮೂರನೆಯ ಸಿನಿಮಾವಿದು. ಇದಲ್ಲದೇ, 2022ರ ಬ್ಲಾಕ್​ಬಸ್ಟರ್​ ಹಿಟ್​ 'ಬ್ರೋ ಡ್ಯಾಡಿ' ಚಿತ್ರವನ್ನು ಕೂಡ ಇವರೇ ನಿರ್ದೇಶನ ಮಾಡಿದ್ದರು. ಉತ್ತಮ ಕಥೆಗಳನ್ನು ಆಯ್ದು ಪ್ರೇಕ್ಷಕರಿಗೆ ನೀಡುವಲ್ಲಿ ಪೃಥ್ವಿ ಮುಂದಿದ್ದಾರೆ. ಹೀಗಾಗಿ 'L2E - ಎಂಪುರಾನ್' ಮೇಲೆ ಮುಗಿಲೆತ್ತರದ ನಿರೀಕ್ಷೆಗಳನ್ನು ಇಟ್ಟುಕೊಳ್ಳಲಾಗಿದೆ.

ಫಸ್ಟ್​ ಲುಕ್​ ಅನ್ನು ಹಂಚಿಕೊಳ್ಳಲು ಪೃಥ್ವಿರಾಜ್​ ಸುಕುಮಾರನ್​ ಸೋಷಿಯಲ್​ ಮೀಡಿಯಾವನ್ನು ವೇದಿಕೆಯನ್ನಾಗಿ ಬಳಸಿಕೊಂಡರು. "3 ನೇ ನಿರ್ದೇಶನ. ಫ್ರ್ಯಾಂಚೈಸಿಯ 2 ನೇ ಭಾಗ. ಫಸ್ಟ್​ ಲುಕ್​" ಎಂದು ಬರೆದುಕೊಂಡಿದ್ದಾರೆ. ಪೋಸ್ಟರ್​ನಲ್ಲಿ, ಮೋಹನ್​ಲಾಲ್​ ಗನ್​ ಹಿಡಿದುಕೊಂಡು ಕ್ಯಾಮರಾಗೆ ಬೆನ್ನು ಹಾಕಿ ನಿಂತಿದ್ದಾರೆ. ಆ್ಯಕ್ಷನ್​ ಮೂಡ್​ನಲ್ಲಿರುವಂತೆ ಕಾಣಿಸುತ್ತಿದ್ದಾರೆ. ಬ್ಲಾಕ್​ಬಸ್ಟರ್​ 'ಲೂಸಿಫರ್​'ನ ಮುಂದುವರೆದ ಭಾಗವಾದ್ದರಿಂದ ಪೋಸ್ಟರ್​ ಸಖತ್​ ವೈರಲ್​ ಆಗುತ್ತಿದೆ.

ಇದನ್ನೂ ಓದಿ: ಮಲಯಾಳಂ ಸ್ಟಾರ್​ ಜೊತೆ ಹೊಂಬಾಳೆ ಸಂಸ್ಥೆ ಹೊಸ ಸಿನಿಮಾ; ಕುತೂಹಲಕಾರಿ ಪೋಸ್ಟರ್​ ರಿಲೀಸ್​!

ಆಶೀರ್ವಾದ್​ ಸಿನಿಮಾಸ್​ ಮತ್ತು ಲೈಕಾ ಪ್ರೊಡಕ್ಷನ್ಸ್​ ಜಂಟಿಯಾಗಿ 'L2E - ಎಂಪುರಾನ್' ಚಿತ್ರವನ್ನು ನಿರ್ಮಾಣ ಮಾಡುತ್ತಿದೆ. ಈ ಸೀಕ್ವೆಲ್​ ಲೈಕಾ ಪ್ರೊಡಕ್ಷನ್ಸ್​ಗೆ ಮೊದಲ ಮಲಯಾಳಂ ಸಿನಿಮಾವಾಗಿದೆ. ಈ ಮೂಲಕ ನಿರ್ಮಾಣ ಸಂಸ್ಥೆ ಮಾಲಿವುಡ್​ಗೆ ಕಾಲಿಡುತ್ತಿದೆ. 'L2E - ಎಂಪುರಾನ್' ಸಿನಿಮಾ ಮಲಯಾಳಂ, ತಮಿಳು, ತೆಲುಗು, ಕನ್ನಡ ಮತ್ತು ಹಿಂದಿ ಸೇರಿದಂತೆ ಬಹುಭಾಷೆಗಳಲ್ಲಿ ಪ್ರೇಕ್ಷಕರನ್ನು ತಲುಪಲು ಸಿದ್ಧವಾಗುತ್ತಿದೆ. ಪೃಥ್ವಿರಾಜ್​ ಸುಕುಮಾರನ್​ ಮತ್ತು ಮೋಹನ್​ಲಾಲ್ ಅಭಿಮಾನಿಗಳು ಸಿನಿಮಾ ಬಿಡುಗಡೆಗೆ ಕಾತರದಿಂದ ಕಾಯುತ್ತಿದ್ದಾರೆ. ​

ಚಿತ್ರದಲ್ಲಿ ಮಂಜು ವಾರಿಯರ್​, ಟೊವಿನೋ ಥಾಮಸ್​ ಮತ್ತು ಇಂದ್ರಜಿತ್​ ಸುಕುಮಾರನ್​ ಸೇರಿದಂತೆ ಅನೇಕರು ನಟಿಸಿದ್ದಾರೆ. ಲೂಸಿಫರ್​ ಚಿತ್ರ ಅಷ್ಟೊಂದು ಚೆನ್ನಾಗಿ ಮೂಡಿಬರಲು ಕಾರಣಕರ್ತರಾದ ಛಾಯಾಗ್ರಾಹಕ ಸುಜಿತ್​ ವಾಸುದೇವ್​ ಮತ್ತು ಸಂಯೋಜಕ ದೀಪಕ್​ ದೇವ್​ ಅವರೇ 'L2E - ಎಂಪುರಾನ್'ನಲ್ಲಿ ಕೆಲಸ ಮಾಡಿದ್ದಾರೆ.

ಇದನ್ನೂ ಓದಿ: Rambaan: ಮೋಹನ್ ​ಲಾಲ್​​ ಅಭಿನಯದ ರಾಂಬಾನ್ ಮೋಷನ್ ಪೋಸ್ಟರ್ ರಿಲೀಸ್​