ಡಿಯೋಲ್ ಕುಟುಂಬದಲ್ಲಿ ಮದುವೆ ಸಂಭ್ರಮ ಮನೆಮಾಡಿದೆ. ಮದುವೆಗೆ ಅದ್ಧೂರಿ ತಯಾರಿ ಶುರುವಾಗಿದೆ. ವರದಿಗಳ ಪ್ರಕಾರ, ಸನ್ನಿ ಡಿಯೋಲ್ (Sunny Deol) ಅವರ ಪುತ್ರ ಕರಣ್ ಡಿಯೋಲ್ (Karan Deol) ಜೂನ್ 18ರಂದು ಗೆಳತಿಯ ಕೈ ಹಿಡಿಯುವ ಖುಷಿಯಲ್ಲಿದ್ದಾರೆ.
ಮದುವೆ ಶಾಸ್ತ್ರಗಳ ಕುರಿತು ಅಭಿಮಾನಿಗಳಿಗೆ ಸಾಕಷ್ಟು ಕುತೂಹಲವಿದೆ. ಕ್ಷಣ ಕ್ಷಣದ ಫೋಟೋಗಳನ್ನು ಶೇರ್ ಮಾಡುವಂತೆ ಅವರು ಬೇಡಿಕೆ ಇಡುತ್ತಿದ್ದಾರೆ. ಸದ್ಯ ಕೆಲವು ಫೋಟೋಗಳು ಹೊರಬಿದ್ದಿವೆ. ಸನ್ನಿ ಡಿಯೋಲ್ ಅವರ ಮನೆ ಆಕರ್ಷಕ ವಿದ್ಯುತ್ ದೀಪಾಲಂಕಾರದಿಂದ ಜಗಮಗಿಸುತ್ತಿದೆ. ಅತಿಥಿಗಳು ಸಾಂಪ್ರದಾಯಿಕ ಉಡುಗೆ ಧರಿಸಿ ಈ ವಿಶೇಷ ಸಂದರ್ಭವನ್ನು ಆಚರಿಸುತ್ತಿರುವುದು ಕಂಡುಬಂದಿದೆ.
ಸನ್ನಿ ಡಿಯೋಲ್ ತಮ್ಮ ಮನೆಯೊಳಗೆ ಪಾಪರಾಜಿಗಳ ಕ್ಯಾಮರಾಗಳಿಗೆ ಪೋಸ್ ನೀಡಿದ್ದಾರೆ. ಫೋಟೋದಲ್ಲಿ ಅವರು ನೀಲಿ ಬಟ್ಟೆ ಧರಿಸಿರುವುದನ್ನು ಕಾಣಬಹುದು. ವರನ ತಂದೆಯಾಗಿ, ತಮ್ಮ ಮನೆಯಲ್ಲಿ ಅತಿಥಿಗಳನ್ನು ಸ್ವಾಗತಿಸುತ್ತಿರುವುದು ಚಿತ್ರಗಳಲ್ಲಿದೆ. ಬಾಬಿ ಡಿಯೋಲ್ ಕೂಡ ಮನೆಯಲ್ಲಿ ಕಾಣಿಸಿಕೊಂಡರು. ಡಿಯೋಲ್ ಸಹೋದರರು ಅಭಯ್ ಡಿಯೋಲ್ ಜೊತೆ ಕ್ಯಾಮರಾಗೆ ಪೋಸ್ ಕೊಡಲು ಹೊರ ಬಂದಿದ್ದರು.
'ಜಿಂದಗಿ ನಾ ಮಿಲೇಗಿ ದೊಬಾರಾ' ನಟ ಅಭಯ್ ಡಿಯೋಲ್ ಎಂದಿನಂತೆ ತಮ್ಮ ಕ್ಯಾಶುವಲ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಕಪ್ಪು ಟಿ ಶರ್ಟ್, ಡೆನಿಮ್‌, ಪ್ರಿಂಟೆಡ್ ಜಾಕೆಟ್ ಧರಿಸಿದ್ದರು. ಬಾಬಿ ಡಿಯೋಲ್ ಬಿಳಿ ಶರ್ಟ್ ಮತ್ತು ಕಪ್ಪು ಪ್ಯಾಂಟ್ ಧರಿಸಿದ್ದರು. ಇವರಲ್ಲದೇ, ಹಲವಾರು ಸೆಲೆಬ್ರಿಟಿಗಳು ಮದುವೆ ಮನೆಗೆ ಆಗಮಿಸಲು ಪ್ರಾರಂಭಿಸಿದ್ದಾರೆ.
ನಟ ರಣ್ವೀರ್ ಸಿಂಗ್ ಕುಟುಂಬಸ್ಥರು ಸಾಂಪ್ರದಾಯಿಕ ಉಡುಗೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರು ಡಿಯೋಲ್ ಪುತ್ರನ ಮದುವೆ ಸಂಭ್ರಮಕ್ಕೆ ಸಾಕ್ಷಿಯಾಗಿದ್ದಾರೆ. ಪೂನಂ ಧಿಲ್ಲೋನ್ ಅವರ ಮಗಳು ಪಲೋಮಾ ಅವರು ಪ್ರಿಂಟೆಡ್ ಲೆಹೆಂಗಾ ಧರಿಸಿ ಕಂಗೊಳಿಸುತ್ತಿದ್ದರು. ಮದುವೆ ಮನೆ ಹೊರಗೆ ನಿಂತಿದ್ದ ಪಾಪರಾಜಿಗಳ ಕ್ಯಾಮರಾಗಳಿಗೆ ಪೋಸ್ ನೀಡಿದರು. ಪಾಪರಾಜಿಗಳಿಗೆ ವಧು ಮತ್ತು ವರರ ಫೋಟೋ ಕ್ಲಿಕ್ಕಿಸಲು ಸಾಧ್ಯವಾಗದಿದ್ದರೂ, ಈ ಫೋಟೋಗಳು ಮದುವೆ ಸಂಭ್ರಮಕ್ಕೆ ಪುರಾವೆ ಒದಗಿಸಿದೆ.
ಇದನ್ನೂ ಓದಿ: Adipurush ಬಿಡುಗಡೆಗೆ ಎರಡೇ ದಿನ ಬಾಕಿ: ಮೊದಲ ದಿನದ ಕಲೆಕ್ಷನ್ ಬಗ್ಗೆ ಈಗ್ಲೇ ಲೆಕ್ಕಾಚಾರ ಶುರು!
ಮಾಹಿತಿ ಪ್ರಕಾರ, ಕರಣ್ ಡಿಯೋಲ್ ಅವರನ್ನು ಮದುವೆ ಆಗುತ್ತಿರುವವರು ದುಬೈ ಮೂಲದವರು. ಅವರು ಚಿತ್ರರಂಗಕ್ಕೆ ಸೇರಿಲ್ಲ. ವರದಿಗಳನ್ನು ನಂಬುವುದಾದರೆ, ಕರಣ್ ಈಗಾಗಲೇ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ನಿಶ್ಚಿತಾರ್ಥ ಸಮಾರಂಭವು ಅವರ ಅಜ್ಜಿಯರಾದ ಧರ್ಮೇಂದ್ರ ಮತ್ತು ಪ್ರಕಾಶ್ ಕೌರ್ ಅವರ ವಿವಾಹ ವಾರ್ಷಿಕೋತ್ಸವದ ಸಂದರ್ಭದಲ್ಲಿ ನಡೆಯಿತು ಎಂದು ವರದಿಯಾಗಿದೆ.
ಇದನ್ನೂ ಓದಿ: Disha Patani Birthday: ಯುವಕರ ನಿದ್ದೆಗೆಡಿಸಿದ ಬಾಲಿವುಡ್ ಬೆಡಗಿಯ ಹಾಟ್ ಫೋಟೋಗಳಿವು!
ಕರಣ್ ಡಿಯೋಲ್ ಕೂಡ ಓರ್ವ ನಟ. ಅವರು ತಮ್ಮ ತಂದೆಯ 2019ರ ಚಲನಚಿತ್ರ ಪಲ್ ಪಲ್ ದಿಲ್ ಕೆ ಪಾಸ್ ನಲ್ಲಿ ನಟನೆಯನ್ನು ಪ್ರಾರಂಭಿಸಿದರು. ಸದ್ಯ ಗೆಳತಿಯ ಕೈ ಹಿಡಿಯಲು ಸಜ್ಜಾಗಿದ್ದು, ಅವರ ಬಗ್ಗೆ ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ.
