ಬಾಲಿವುಡ್ನ ಖ್ಯಾತ ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ ನಡೆಸಿಕೊಡುವ ಅತ್ಯಂತ ಜನಪ್ರಿಯ ಟಾಕ್ ಶೋ 'ಕಾಫಿ ವಿತ್ ಕರಣ್' ಸೀಸನ್ 8ರ ಎಂಟನೇ ಸಂಚಿಕೆಯಲ್ಲಿ ಬಾಲಿವುಡ್ ನಟರಾದ ಆದಿತ್ಯ ರಾಯ್ ಕಪೂರ್ ಮತ್ತು ಅರ್ಜುನ್ ಕಪೂರ್ ಕಾಣಿಸಿಕೊಂಡರು. ಇಬ್ಬರೂ ಚಾಟ್ ಶೋನಲ್ಲಿ ಗಾಸಿಪ್ ಆಗುವಂತಹ ಯಾವುದೇ ವಿಚಾರಗಳನ್ನು ಹಂಚಿಕೊಳ್ಳಲಿಲ್ಲ. ಅದಾಗ್ಯೂ, ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಕೆಲವೊಂದು ಸುದ್ದಿಗಳ ಬಗ್ಗೆ ಪ್ರತಿಕ್ರಿಯಿಸಿದರು.
ನಟಿ ಅನನ್ಯಾ ಪಾಂಡೆ ಜೊತೆಗಿನ ವದಂತಿ ಬಗ್ಗೆ ಪ್ರಶ್ನಿಸಿದಾಗ ಆದಿತ್ಯ ರಾಯ್ ಕಪೂರ್ ನಾಚಿಕೆಯಿಂದ ವರ್ತಿಸಿದರು. ಅವರು ತಮ್ಮಿಬ್ಬರ ಸಂಬಂಧವನ್ನು ದೃಢೀಕರಿಸದೇ ಇದ್ದರೂ, ಅನನ್ಯಾ ಪಾಂಡೆ ಬಗ್ಗೆ ಹೆಚ್ಚು ಮಾತನಾಡಿದ್ದಾರೆ. ಕರಣ್ ಅವರು ಆದಿತ್ಯ ಜೊತೆ, 'ನೀವು ಅನನ್ಯಾ ಪಾಂಡೆ ಜೊತೆ ಡೇಟಿಂಗ್ ಮಾಡುತ್ತಿದ್ದೀರಿ ಎಂದು ವದಂತಿಗಳಿವೆ. ಇದು ನಿಜವೇ?' ಎಂದು ಪ್ರಶ್ನಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ನಟ, 'ಕರಣ್, ನೀವು ಈ ಶೋನಲ್ಲಿ, ನನ್ನನ್ನು ಯಾವುದೇ ರಹಸ್ಯಗಳನ್ನು ಕೇಳಬೇಡಿ. ನಾನು ನಿಮಗೆ ಸುಳ್ಳು ಹೇಳುವುದಿಲ್ಲ ಎಂದು ಹೇಳಿದ್ದೀರಿ. ನನಗೆ ಅದು ನೆನಪಿದೆ' ಎಂದು ಹೇಳಿದರು.
ಬಳಿಕ ಕರಣ್ ಅವರು ನಟನಿಗೆ, ತಮ್ಮ ಶೋನಲ್ಲಿ ಅನನ್ಯಾ ಅವರು 'ಅನನ್ಯಾ ಕಾಯ್ ಕಪೂರ್' ಎಂದು ಭಾವಿಸಿರುವುದಾಗಿ ವಿವರಿಸಿದರು. ಅದಕ್ಕೆ ಉತ್ತರವಾಗಿ ಆದಿತ್ಯ, 'ನಾನು ಸದ್ಯಕ್ಕೆ ಆದಿತ್ಯ ಜಾಯ್ ಕಪೂರ್' ಎಂದು ಹೇಳಿದರು. ನಂತರ ಕರಣ್, 'ನೀವು ಒಂದು ಸನ್ನಿವೇಶದಲ್ಲಿ ಸಂತೋಷದಿಂದ ಇದ್ದೀರಾ?' ಎಂದು ಪ್ರಶ್ನಿಸಿದರು. ಇದಕ್ಕೆ ಆದಿತ್ಯ, 'ನಾನು ತುಂಬಾ ಸಂತೋಷವಾಗಿದ್ದೇನೆ' ಎಂದು ಉತ್ತರಿಸಿದರು. ನಟ ಅನನ್ಯಾ ಪಾಂಡೆ ಅವರನ್ನು 'ಆನಂದ' ಮತ್ತು 'ಶುದ್ಧ ಸಂತೋಷ' ಎಂದು ಉಲ್ಲೇಖಿಸಿದರು.
ಆದಿತ್ಯ ಜೊತೆಗಿನ ರ್ಯಾಪಿಡ್-ಫೈರ್ ರೌಂಡ್ನಲ್ಲಿ 'ನೀವು ಶ್ರದ್ಧಾ ಕಪೂರ್ ಮತ್ತು ಅನನ್ಯಾ ಪಾಂಡೆ ಜೊತೆ ಲಿಫ್ಟ್ನಲ್ಲಿ ಸಿಲುಕಿಕೊಂಡರೆ ಏನು ಮಾಡುತ್ತೀರಿ' ಎಂದು ಕರಣ್ ಪ್ರಶ್ನಿಸಿದರು. ಇದಕ್ಕೆ ಮಧ್ಯ ಪ್ರವೇಶಿಸಿದ ಅರ್ಜುನ್ ಕಪೂರ್, 'ಬಹುಶಃ ಅವನು ಪ್ರೀತಿಯಲ್ಲಿ ಬೀಳಬಹುದು. ಆದರೆ ಅದು ಯಾರೊಂದಿಗೆ ಎಂದು ನನಗೆ ಗೊತ್ತಿಲ್ಲ' ಎಂದು ಉತ್ತರಿಸಿದರು. ಆದಿತ್ಯ ಹಾಸ್ಯಮಯವಾಗಿ ಅರ್ಜುನ್ನತ್ತ ನೋಡಿದಾಗ 'ನಾನು ತಮಾಷೆ ಮಾಡುತ್ತಿದ್ದೇನೆ' ಎಂದು ಹೇಳಿದರು.
ಮತ್ತೊಂದೆಡೆ, ಅರ್ಜುನ್ ಕಪೂರ್ ಮತ್ತು ಮಲೈಕಾ ಅರೋರಾ ಸಂಬಂಧದ ಬಗ್ಗೆ ಪ್ರಶ್ನೆಗಳನ್ನು ಕೇಳಲಾಯಿತು. ಈ ಹಿಂದೆ ನಟ ಅರ್ಬಾಜ್ ಖಾನ್ ಅವರನ್ನು ಮದುವೆಯಾಗಿದ್ದ ಮಲೈಕಾ ಅವರೊಂದಿಗೆ ವಿಚ್ಛೇದನ ಪಡೆದುಕೊಂಡ ಬಳಿಕ ಅರ್ಜುನ್ ಕಪೂರ್ ಜೊತೆ ಕೆಲಕಾಲ ಡೇಟಿಂಗ್ನಲ್ಲಿದ್ದರು. ಇವರಿಬ್ಬರು ತಮ್ಮ ಸಂಬಂಧವನ್ನು 2019ರಲ್ಲಿ ಅಧಿಕೃತಗೊಳಿಸಿದರು. ಇತ್ತೀಚೆಗೆ ಮಲೈಕಾ ಅವರು 50ನೇ ವರ್ಷಕ್ಕೆ ಕಾಲಿಟ್ಟಿದ್ದು, ಅರ್ಜುನ್ಗೆ ಕೇವಲ 38 ವರ್ಷ.
ಈ ವಿಚಾರವಾಗಿಯೇ ಸೋಷಿಯಲ್ ಮೀಡಿಯಾದಲ್ಲಿ ಅರ್ಜುನ್ ಕಪೂರ್ ಟ್ರೋಲ್ ಆಗಿದ್ದರು. ಟಾಕ್ ಶೋನಲ್ಲಿ ಈ ಬಗ್ಗೆ ಮಾತನಾಡಿದ ಅರ್ಜುನ್ ಕಪೂರ್, ಕೆಲವು ಕಾಮೆಂಟ್ಗಳು/ಟ್ರೋಲ್ಗಳು ಒಬ್ಬರ ಭಾವನೆಗಳ ಮೇಲೆ ಬೀರುವ ಪ್ರಭಾವವನ್ನು ಒತ್ತಿ ಹೇಳಿದರು. ಎಲ್ಲ ವ್ಯಕ್ತಿಗಳು ಈ ಒಂದು ವಿಚಾರದಿಂದ ಮುಕ್ತರಾಗಿಲ್ಲ. ಹಾಗಾಗಿ ಅಂತಹ ಸನ್ನಿವೇಶಗಳು ಎದುರಾದಾಗ ಅದನ್ನು ನಿಭಾಯಿಸಲು ಕಂಡುಕೊಳ್ಳುವ ಮಾರ್ಗ ಬಹಳ ಮುಖ್ಯ ಎಂದು ಹೇಳಿದರು. ಇಂತಹ ಕಮೆಂಟ್ಗಳಿಂದ ದೂರವಿರುವುದು ಅತ್ಯಂತ ಒಳ್ಳೆಯದು ಎಂಬುದು ನಟನ ಅಭಿಪ್ರಾಯ.
ಇದನ್ನೂ ಓದಿ: 'ಕಾಫಿ ವಿತ್ ಕರಣ್'ನಲ್ಲಿ ಕಿಯಾರಾ ಅಡ್ವಾಣಿ, ವಿಕ್ಕಿ ಕೌಶಲ್; ಆಕರ್ಷಕ ಫೋಟೋಗಳು ಶೇರ್
