ಮುಂಬೈ: 'ಬುಲ್ಲಿ ಬಾಯಿ' ಆ್ಯಪ್‌ ಪ್ರಕರಣದಲ್ಲಿ ಬಂಧಿಸಲಾಗಿರುವ ಆರೋಪಿ ವಿಶಾಲ್ ಕುಮಾರ್‌ನನ್ನು ಜನವರಿ 10ರ ವರೆಗೆ ಮುಂಬೈ ಪೊಲೀಸರು ಕಸ್ಟಡಿಗೆ ಪಡೆದಿದ್ದಾರೆ.
'ಬುಲ್ಲಿ ಬಾಯಿ' ಆ್ಯಪ್‌: ಆರೋಪಿ ವಿಶಾಲ್ ಕುಮಾರ್‌ಗೆ ಜ.10 ರವರೆಗೆ ಪೊಲೀಸ್ ಕಸ್ಟಡಿ
ಸೈಬರ್‌ ಪೊಲೀಸರು ನಿನ್ನೆ ಬೆಂಗಳೂರಿನಲ್ಲಿ ಆರೋಪಿಯನ್ನು ಬಂಧಿಸಿ ಮುಂಬೈಗೆ ಕರೆದೊಯ್ದಿದ್ದರು. ಇಂದು ಬಾಂದ್ರಾ ಕೋರ್ಟ್‌ಗೆ ಹಾಜರುಪಡಿಸಿ, ನ್ಯಾಯಾಲಯದ ಅನುಮತಿ ಪಡೆದು ಹೆಚ್ಚಿನ ವಿಚಾರಣೆಗಾಗಿ ವಶಕ್ಕೆ ಪಡೆದರು.
ಈ ವೇಳೆ, ಆರೋಪಿ ಪರ ವಕೀಲ ಡಿ.ಪ್ರಜಾಪತಿ ಮಾತನಾಡಿ, 'ನನ್ನ ಕಕ್ಷಿದಾರನನ್ನು ಜ.10ರವರೆಗೆ ಪೊಲೀಸ್ ಕಸ್ಟಡಿಗೆ ನೀಡಲಾಗಿದೆ. ಸುಳ್ಳು ಆರೋಪ ಮಾಡಿ ಈ ಪ್ರಕರಣದಲ್ಲಿ ಸಿಲುಕಿಸಲಾಗಿದೆ' ಎಂದು ದೂರಿದರು.
