ತುಮಕೂರು : ರೈತರೊಬ್ಬರು ಬೋನ್ನಲ್ಲಿ ಕೂಡಿ ಹಾಕಿದ್ದ ಕೋತಿಗಳನ್ನ ಅರಣ್ಯ ಇಲಾಖೆ ಅಧಿಕಾರಿಗಳ ಜತೆಗೆ ಬಜರಂಗದಳ ಕಾರ್ಯಕರ್ತರು ರಕ್ಷಿಸಿರುವ ಘಟನೆ ಮಧುಗಿರಿ ಪಟ್ಟಣದ ರಾಜೀವ್ ಗಾಂಧಿ ಬಡಾವಣೆಯಲ್ಲಿ ನಡೆದಿದೆ.
ಇಲ್ಲಿನ ರೈತರೊಬ್ಬರ ತೆಂಗಿನ ತೋಟದಲ್ಲಿ ನಿತ್ಯ ಕೋತಿಗಳು ಕಾಟ ಕೊಡುತ್ತಿದ್ದವು ಎನ್ನಲಾಗಿದೆ. ಮಂಗಗಳ ಕಾಟಕ್ಕೆ ಬೇಸತ್ತು ಅವುಗಳನ್ನು ರೈತ ಬೋನ್ನಲ್ಲಿ ಕೂಡಿ ಹಾಕಿದ್ದರು. ಮಧುಗಿರಿ ಪಟ್ಟಣದ ರಾಜೀವ್ ಗಾಂಧಿ ಕ್ರೀಡಾಂಗಣದ ಹಿಂಭಾಗದಲ್ಲಿರುವ ತೋಟದಲ್ಲಿ ಬೋನ್ನಲ್ಲಿ ಕೂಡಿ ಹಾಕಿದ್ದ 30 ಕೋತಿಗಳನ್ನು ಈಗ ರಕ್ಷಿಸಲಾಗಿದೆ.
30 ಕೋತಿಗಳ ರಕ್ಷಿಸಿದ ಬಜರಂಗದಳ ಕಾರ್ಯಕರ್ತರು
ಬೋನ್ನಲ್ಲಿದ್ದ ಪರಿಣಾಮ ಒಂದಕ್ಕೊಂದು ಕಿತ್ತಾಡಿಕೊಂಡು ಕೋತಿಗಳು ಗಾಯಗೊಂಡಿವೆ. ವಿಚಾರ ತಿಳಿದು ಕೋತಿಗಳನ್ನು ಬಜರಂಗದಳ ಕಾರ್ಯಕರ್ತರು ರಕ್ಷಿಸಿದ್ದಾರೆ. ಇದಕ್ಕೆ ಅರಣ್ಯ ಇಲಾಖೆ ಅಧಿಕಾರಿಗಳ ಸಹ ಸಹಕಾರ ನೀಡಿದ್ದಾರೆ.
ಇದನ್ನೂ ಓದಿ: ದಾರಿತಪ್ಪಿ ಕಾಡಿನಿಂದ ಹೊಸಪೇಟೆಗೆ ಬಂದ ಕರಡಿ: ಸೆರೆಹಿಡಿಯಲು ಸಿಬ್ಬಂದಿ ಹರಸಾಹಸ
