ತುಮಕೂರು: ಕಲ್ಪತರು ನಾಡು ತುಮಕೂರು ಜಿಲ್ಲೆಯಲ್ಲಿ ಇದೇ ಮೊದಲ ಬಾರಿಗೆ ಸೋಂಕಿತರ ಸಂಖ್ಯೆ 2 ಸಾವಿರದ ಗಡಿದಾಟಿದೆ.
ಇಂದು ಬರೋಬ್ಬರಿ 2,273 ಮಂದಿ ಸೋಂಕಿತರು ಪತ್ತೆಯಾಗಿದ್ದು, ಒಟ್ಟು ಜಿಲ್ಲೆಯಲ್ಲಿ ಪ್ರಸ್ತುತ 12,321 ಮಂದಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇಂದು ಒಂದೇ ದಿನ 60 ವರ್ಷ ಮೇಲ್ಪಟ್ಟ 245 ಮಂದಿ, 26 ಮಕ್ಕಳಿಗೆ ಸೋಂಕು ತಗುಲಿದೆ.
1,300 ಮಂದಿ ಪುರುಷರು, 973 ಮಂದಿ ಮಹಿಳೆಯರು ಸೋಂಕಿಗೆ ಒಳಗಾಗಿದ್ದಾರೆ. ಇನ್ನೊಂದೆಡೆ ಇಂದು 9 ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ. ಇದ್ರಲ್ಲಿ ನಾಲ್ವರು ಪುರುಷರು, ಐವರು ಮಹಿಳೆಯರು ಮೃತಪಟ್ಟಿದ್ದಾರೆ.
ತುಮಕೂರು ತಾಲೂಕಿನಲ್ಲಿಯೇ ಅತಿ ಹೆಚ್ಚು 1,231 ಮಂದಿಗೆ ಸೋಂಕು ವಕ್ಕರಿಸಿದೆ. ಸಿರಾ ತಾಲೂಕಿನಲ್ಲಿ 360 ಮಂದಿ, ಪಾವಗಡದಲ್ಲಿ 121, ಮಧುಗಿರಿಯಲ್ಲಿ 114, ಕುಣಿಗಲ್ನಲ್ಲಿ 108, ಗುಬ್ಬಿಯಲ್ಲಿ 112, ಚಿಕ್ಕನಾಯಕನಹಳ್ಳಿಯಲ್ಲಿ 84, ಕೊರಟಗೆರೆಯಲ್ಲಿ 69, ತಿಪಟೂರಿನಲ್ಲಿ 13, ತುರುವೆಕೆರೆಯಲ್ಲಿ 61 ಮಂದಿ ಕೊರೊನಾ ತಗುಲಿದೆ.
