ಮೈಸೂರು : ಎನ್ ಆರ್ ಕ್ಷೇತ್ರದಲ್ಲಿನ ಕೊರೊನಾ ಸೋಂಕಿತರು ಬಚ್ಚಿಟ್ಟುಕೊಳ್ಳಬೇಡಿ. ಇದರಿಂದ ಕ್ಷೇತ್ರಕ್ಕೆ ಅಪಾಯವೇ ಹೆಚ್ಚು ಎಂದು ಸಂಸದ ಪ್ರತಾಪಸಿಂಹ ಎಚ್ಚರಿಕೆ ನೀಡಿದ್ದಾರೆ.
ಸೋಂಕಿತರು ಬಚ್ಚಿಟ್ಟುಕೊಳ್ಳಬೇಡಿ, ಇದರಿಂದ ಅಪಾಯವೇ ಹೆಚ್ಚು.. ಸಂಸದ ಪ್ರತಾಪಸಿಂಹ
ಈ ಕುರಿತು ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಮೈಸೂರಿನಲ್ಲಿ ಕೊರೊನಾ ನಿಯಂತ್ರಣಕ್ಕಾಗಿ ನಾಲ್ಕು ಕ್ಷೇತ್ರಗಳಿಗೆ ಟಾಸ್ಕ್ಫೋಸ್ ತಂಡ ರಚನೆ ಮಾಡಲಾಗಿದೆ. ಆಯಾ ಕ್ಷೇತ್ರದಲ್ಲಿನ ಎಂಎಲ್ಎಗಳೇ ಟಾಸ್ಕ್ಫೋಸ್೯ ಅಧ್ಯಕ್ಷರು. ಎನ್‌ಆರ್‌ಕ್ಷೇತ್ರದಲ್ಲಿ ತನ್ವೀರ್ ಸೇಠ್ ಅವರಿಗೆ ಆರೋಗ್ಯ ಸರಿಯಿಲ್ಲದ ಕಾರಣ, ಆ ಕ್ಷೇತ್ರವನ್ನು ನಾನು ನೋಡಿ‌ಕೊಳ್ಳುತ್ತೇನೆ ಎಂದರು.
ಇನ್ನು, ಎನ್‌ಆರ್ ಕ್ಷೇತ್ರದಲ್ಲಿ ಕೊರೊನಾ ಪರೀಕ್ಷೆ ಎಲ್ಲರಿಗೂ ಮಾಡಲಾಗುವುದು. ಒಂದು ವೇಳೆ ಕೊರೊನಾ ಸೋಂಕಿತರು ಬಚ್ಚಿಟ್ಟುಕೊಂಡರೆ ಪೊಲೀಸರ ಮೂಲಕ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದು ಎಚ್ಚರಿಕೆ ನೀಡಿದ್ದಾರೆ.
