ಹುಬ್ಬಳ್ಳಿಯಲ್ಲಿ ನಾಲೆಗೆ ಬಿದ್ದು ಎರಡು ವರ್ಷದ ಬಾಲಕ ಸಾವು

ಅಮ್ಮನ ಕೈ ತುತ್ತು ತಿಂದು ಆಟವಾಡಲು ಹೋಗಿದ್ದ ಎರಡು ವರ್ಷದ ಬಾಲಕ ನಾಲೆಗೆ ಬಿದ್ದು ಸಾವನ್ನಪ್ಪಿರುವ ಘಟನೆ ಹುಬ್ಬಳ್ಳಿಯ ಪ್ರಿಯದರ್ಶಿನಿ ಕಾಲೋನಿಯ ಬಳಿ ನಡೆದಿದೆ.

ಹುಬ್ಬಳ್ಳಿ: ಅಮ್ಮನ ಕೈ ತುತ್ತು ತಿಂದು ಆಟವಾಡಲು ಹೋಗಿದ್ದ ಎರಡು ವರ್ಷದ ಮಗುವೊಂದು ನಾಲೆಗೆ ಬಿದ್ದು ಸಾವನ್ನಪ್ಪಿರುವ ಘಟನೆ ಪ್ರಿಯದರ್ಶಿನಿ ಕಾಲೋನಿಯ ಬಳಿ ನಡೆದಿದೆ.

ಶ್ರೀಜಿತ್​ ನವಲೇಕರ್ ಮೃತ ಬಾಲಕ. ಬಾಲಕನಿಗೆ ಆತನ ತಾಯಿ ಊಟ ಮಾಡಿಸುತ್ತಿದ್ದರು. ಈ ವೇಳೆ ತಟ್ಟೆಯಲ್ಲಿದ್ದ ಅನ್ನ ಖಾಲಿಯಾಯಿತೆಂದು ಊಟ ತರಲು ಒಳಗೆ ಹೋದ ಸಂದರ್ಭದಲ್ಲಿ ಮಗು ಆಟವಾಡಲು ಹೋಗಿ ನಾಲೆಗೆ ಬಿದ್ದು ಸಾವನ್ನಪ್ಪಿದೆ.

ಹುಬ್ಬಳ್ಳಿಯ ಗೋಕುಲ್ ಪೊಲೀಸ್​ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಪೋಷಕರ ಆಕ್ರಂದನ ಮುಗಿಲುಮುಟ್ಟಿದೆ.