ಮಹಿಳೆಯರ ರಕ್ಷಣೆಗೆ ಮುಂದಾದ ಧಾರವಾಡ ಯುವಕರ ತಂಡ: ಆಟೋ ರಕ್ಷಾ ಫೌಂಡೇಶನ್​​​​​ ವಿಶೇಷ ಸೇವೆ

ಧಾರವಾಡದಲ್ಲಿ ಕೆಲ ಯುವಕರು ಸೇರಿಕೊಂಡು ಆಟೋ ರಕ್ಷಾ ಎಂಬ ಫೌಂಡೇಶನ್ ಹುಟ್ಟುಹಾಕಿದ್ದು, ರಾತ್ರಿ ಹೊತ್ತಿನಲ್ಲಿ ಮಹಿಳೆಯರಿಗೆ ಉಚಿತ ಸೇವೆ ನೀಡುತ್ತಿದ್ದಾರೆ. ಶಾಲಾ - ಕಾಲೇಜು​ಗಳಿಗೆ ಹೋಗಿ ವಿದ್ಯಾರ್ಥಿನಿಯರಿಗೆ ಸ್ವಯಂ ರಕ್ಷಣೆ ಮಾಡಿಕೊಳ್ಳುವ ಪಾಠ ಸಹ ಮಾಡುತ್ತಿದ್ದಾರೆ.

ಧಾರವಾಡ: ಮಹಿಳೆಯರ ಮೇಲಿನ ಅತ್ಯಾಚಾರ ಹಾಗೂ ದೌರ್ಜನ್ಯ ಪ್ರಕರಣಗಳ ನಿಯಂತ್ರಣಕ್ಕೆ ಧಾರವಾಡ ಯುವಕರು ಮುಂದಾಗಿದ್ದಾರೆ. ರಾತ್ರಿ ಹೊತ್ತು ಮಹಿಳೆಯರಿಗೆ ಉಚಿತ ಆಟೋ ಸೇವೆ ನೀಡಲು ಆಟೋ ರಕ್ಷಾ ಯೋಜನೆ ಜಾರಿಗೊಳಿಸಿದ್ದಾರೆ.

ಹೌದು, ಹುಬ್ಬಳ್ಳಿ ಧಾರವಾಡದಲ್ಲಿ ರಾತ್ರಿ ಹೊತ್ತು ಮಹಿಳೆಯರು ಇದರ ಸದುಪಯೋಗ ಮಾಡಿಕೊಳ್ಳಬಹುದಾಗಿದೆ. ಭಿನ್ನವಾದ ಬಣ್ಣ ಹೊಂದಿರುವ ಈ ಆಟೋ ನೋಡೋಕೆ ತುಂಬಾನೆ ವಿಶೇಷವಾಗಿದೆ. ಈ ಆಟೋ ಇದೀಗ ಅವಳಿ ನಗರದಲ್ಲಿ ಮಹಿಳೆಯರಿಗೆ ರಕ್ಷಣೆ ನೀಡಲು ಸಿದ್ಧವಾಗಿ ನಿಂತಿದೆ.

ಆಟೋ ರಕ್ಷಾ ಫೌಂಡೇಶನ್:

ಧಾರವಾಡದಲ್ಲಿ ಕೆಲ ಯುವಕರು ಸೇರಿಕೊಂಡು ಆಟೋ ರಕ್ಷಾ ಎಂಬ ಫೌಂಡೇಶನ್ ಹುಟ್ಟುಹಾಕಿದ್ದು, ರಾತ್ರಿ ಹೊತ್ತಿನಲ್ಲಿ ಮಹಿಳೆಯರಿಗೆ ಉಚಿತ ಸೇವೆ ನೀಡುತ್ತಿದ್ದಾರೆ. ಕೇವಲ ಆಟೋ ಸೇವೆ ಮಾತ್ರವಲ್ಲ, ಶಾಲಾ - ಕಾಲೇಜು​ಗಳಿಗೆ ಹೋಗಿ ವಿದ್ಯಾರ್ಥಿನಿಯರಿಗೆ ಸ್ವಯಂ ರಕ್ಷಣೆ ಮಾಡಿಕೊಳ್ಳುವ ಪಾಠ ಸಹ ಮಾಡುತ್ತಿದ್ದಾರೆ.

ಸೇವೆಗೆ ಪ್ರಶಂಸೆ:

ಆಟೋವನ್ನು ಕರ್ನಾಟಕ ವಿಶ್ವವಿದ್ಯಾಲಯದ ಮೂಲಕವೇ ಈ ಫೌಂಡೇಶನ್ ನ​ವರು ಸೇವೆಗಿಳಿಸಿದ್ದು, ಆರಂಭದಿಂದಲೇ ಒಳ್ಳೆ ಪ್ರಶಂಸೆ ವ್ಯಕ್ತವಾಗುತ್ತಿದೆ. ಆಟೋ ರಕ್ಷಾ ಫೌಂಡೇಶನ್ ಹೆಸರಿನಲ್ಲಿ ವೆಬ್ ಸೈಟ್ ಮಾಡಲಾಗಿದ್ದು, ಮಹಿಳೆಯರು ಆ ವೆಬ್ ಸೈಟ್ ಮೂಲಕವೇ ಇಲ್ಲವೆ ಒಂದು ಮೊಬೈಲ್ ಸಂಖ್ಯೆ ಸಹ ನೀಡಿದ್ದು ಅದಕ್ಕೆ ಕರೆ ಮಾಡಿ ಸೇವೆ ಪಡೆದುಕೊಳ್ಳಬಹುದಾಗಿದೆ.

ಇದನ್ನೂ ಓದಿ: ಪಠ್ಯ ಪುಸ್ತಕ : ಶಾಲೆಗಳಿಗೆ ಈಗಾಗಲೇ ಶೇ 70ರಷ್ಟು ಬುಕ್​​ಗಳು ರವಾನೆ

ಒಟ್ಟಿನಲ್ಲಿ ಸ್ವಂತ ಖರ್ಚಿನಲ್ಲಿ ಯುವಕರ ತಂಡ ಆಟೋ ಖರೀದಿಸಿ ಅದನ್ನು ವಿನ್ಯಾಸಗೊಳಿಸಿ ಮಹಿಳೆಯರ ರಕ್ಷಣೆಗೆ ಇಳಿಸಿದೆ. ಮುಂದಿನ ದಿನಗಳಲ್ಲಿ ಮತ್ತಷ್ಟು ಇಂತಹ ಆಟೋಗಳನ್ನು ಹು-ಧಾ ಅವಳಿನಗರದ ಮಹಿಳೆಯರ ರಕ್ಷಣೆಗೆ ಹೊರತರಲಿ ಎಂಬುದು ನಮ್ಮ ಆಶಯವಾಗಿದೆ.