ಸುರೇಶ್ ಕುಮಾರ್ ಹೆಸರಲ್ಲಿ ನಕಲಿ ಫೇಸ್​ಬುಕ್ ಖಾತೆ ತೆರೆದು ಹಣಕ್ಕೆ ಬೇಡಿಕೆಯಿಟ್ಟ ಖದೀಮರು

ಐಪಿಎಸ್ ಅಧಿಕಾರಿಗಳು, ರಾಜಕಾರಣಿಗಳ ಹೆಸರಲ್ಲಿ ನಕಲಿ ಫೇಸ್ ಬುಕ್ ಖಾತೆ ತೆರೆದು ವಂಚಿಸುತ್ತಿರುವ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು ಇದೀಗ ಶಿಕ್ಷಣ ಸಚಿವ ಸುರೇಶ್ ಕುಮಾರ್ ಹೆಸರಲ್ಲಿ ನಕಲಿ ಫೇಸ್​ಬುಕ್ ಖಾತೆ ತೆರೆಯಲಾಗಿದೆ.

ಬೆಂಗಳೂರು: ಶಿಕ್ಷಣ ಸಚಿವ ಸುರೇಶ್ ಕುಮಾರ್ ಹೆಸರಲ್ಲಿ ನಕಲಿ ಫೇಸ್​ಬುಕ್ ಖಾತೆ ತೆರೆಯಲಾಗಿದ್ದು, ಸಚಿವರಿಗೆ ಐದು ಸಾವಿರ ರೂ. ಹಣದ ಅವಶ್ಯಕತೆ ಇದೆ ಎಂದು ಬೇಡಿಕೆಯಿಟ್ಟಿರುವ ಘಟನೆ ಬೆಳಕಿಗೆ ಬಂದಿದೆ.

ನಕಲಿ ಫೇಸ್​ಬುಕ್ ಖಾತೆ

ಮೆಸೆಂಜರ್ ಮೂಲಕ ಸಾಕಷ್ಟು ಜನರ ಬಳಿ ಐದು ಸಾವಿರ ರೂ. ಹಣ ಹಾಕಿ ಸಂಜೆ ಕೊಡುತ್ತೇನೆ. ಗೂಗಲ್ ಪೇ ಮಾಡಿ ಎಂದು ಖದೀಮರು ಸಂದೇಶ ಕಳುಹಿಸುತ್ತಾರೆ. ಇದನ್ನು ನಂಬಿ ಹಣ ಹಾಕಿದ್ರೆ ನೀವು ಮೋಸಕ್ಕೆ ಒಳಗಾಗುವುದು ಗ್ಯಾರಂಟಿ.

ದೂರು ದಾಖಲು

ಇನ್ನು ಈ ಕುರಿತು ಸಚಿವರ ಪರ್ಸನಲ್ ಸೆಕ್ರೆಟರಿ ಡಿಜಿ ಗೆ ದೂರು ನೀಡಿದ್ದು, ಸಿಐಡಿ ಸೈಬರ್ ಸೆಲ್​ನಲ್ಲಿ ಎಫ್.ಐ.ಆರ್ ದಾಖಲಾಗಿದೆ.