ಪೇ ಇನ್​ಕಮ್​ ಟ್ಯಾಕ್ಸ್​ ವೈಶಿಷ್ಟ್ಯ ಪರಿಚಯಿಸಿದೆ PhonePe

PhonePe ತನ್ನ ಅಪ್ಲಿಕೇಶನ್​ ಮೂಲಕ ತೆರಿಗೆದಾರರಿಗೆ ಹೊಸ ವೈಶಿಷ್ಯವನ್ನು ಪರಿಚಯಿಸುತ್ತಿದೆ. ಅದರ ಬಗೆಗಿನ ಮಾಹಿತಿಯನ್ನು ಈ ಕೆಳಗೆ ನೀಡಲಾಗಿದೆ.

ನವದೆಹಲಿ: ಡಿಜಿಟಲ್ ಪಾವತಿಗಳು ಮತ್ತು ಫಿನ್‌ಟೆಕ್ ಪ್ಲಾಟ್‌ಫಾರ್ಮ್ PhonePe ತನ್ನ ಅಪ್ಲಿಕೇಶನ್ ಮೂಲಕ ಆದಾಯ ತೆರಿಗೆ ಪಾವತಿಸುವ ವೈಶಿಷ್ಟ್ಯವನ್ನು (Pay Income Tax) ಸೋಮವಾರ ಬಿಡುಗಡೆ ಮಾಡಿದೆ. ಗ್ರಾಹಕರು ಆದಾಯ ತೆರಿಗೆ ಪೋರ್ಟಲ್‌ಗೆ ಲಾಗ್ ಇನ್ ಮಾಡದೆಯೇ ಅಪ್ಲಿಕೇಶನ್ ಮೂಲಕ UPI ಅಥವಾ ಕ್ರೆಡಿಟ್ ಕಾರ್ಡ್ ಮೂಲಕ ಸ್ವಯಂ ಮೌಲ್ಯಮಾಪನ ಮತ್ತು ಮುಂಗಡ ತೆರಿಗೆ ಪಾವತಿಸಬಹುದು ಎಂದು PhonePe ಕಂಪನಿ ಹೇಳಿದೆ

ಅಪ್ಲಿಕೇಶನ್‌ಗೆ ಲಾಗ್ ಇನ್ ಆಗಿ ಮತ್ತು "ಆದಾಯ ತೆರಿಗೆ" ಐಕಾನ್ ಅನ್ನು ಆಯ್ಕೆ ಮಾಡುವ ಮೂಲಕ ಬಳಕೆದಾರರು ತೆರಿಗೆಗಳನ್ನು ಪಾವತಿಸಬಹುದು. ನಂತರ, ಅವರು ಪಾವತಿಸಬೇಕಾದ ತೆರಿಗೆಯ ಪ್ರಕಾರ, ಮೌಲ್ಯಮಾಪನ ವರ್ಷ ಮತ್ತು ಶಾಶ್ವತ ಖಾತೆ ಸಂಖ್ಯೆ (PAN) ವಿವರಗಳನ್ನು ಆಯ್ಕೆ ಮಾಡಬೇಕು. ಒಟ್ಟು ತೆರಿಗೆ ಮೊತ್ತವನ್ನು ನಮೂದಿಸಿದ ನಂತರ, ಬಳಕೆದಾರರು ಆಯ್ಕೆ ಮಾಡಿದ ಪಾವತಿ ವಿಧಾನವನ್ನು ಬಳಸಿಕೊಂಡು ಪಾವತಿಸಲು ಸಾಧ್ಯವಾಗುತ್ತದೆ. ತೆರಿಗೆ ಪಾವತಿಸಿದ ನಂತರ ಒಂದು ಕೆಲಸದ ದಿನದೊಳಗೆ ತೆರಿಗೆದಾರರು ವಿಶಿಷ್ಟ ವಹಿವಾಟು ಉಲ್ಲೇಖ (UTR) ಸಂಖ್ಯೆಯನ್ನು ಸ್ವೀಕೃತಿಯಾಗಿ ಸ್ವೀಕರಿಸುತ್ತಾರೆ ಮತ್ತು ಪಾವತಿಗೆ ಚಲನ್ ಎರಡು ಕೆಲಸದ ದಿನಗಳಲ್ಲಿ ಲಭ್ಯವಿರುತ್ತದೆ ಎಂದು ಫೋನ್​ಪೇ ಕಂಪನಿ ಮಾಹಿತಿ ನೀಡಿದೆ

PhonePe ನ ಬಿಲ್ ಪಾವತಿಗಳು ಮತ್ತು ರೀಚಾರ್ಜ್ ವ್ಯವಹಾರದ ಮುಖ್ಯಸ್ಥರಾದ ನಿಹಾರಿಕಾ ಸೈಗಲ್ ಮಾತನಾಡಿ, ತೆರಿಗೆಗಳನ್ನು ಪಾವತಿಸುವುದು ಸಾಮಾನ್ಯವಾಗಿ ಸಂಕೀರ್ಣ ಮತ್ತು ಸಮಯ ತೆಗೆದುಕೊಳ್ಳುವ ಕೆಲಸವಾಗಿದೆ. PhonePe ಈಗ ತನ್ನ ಬಳಕೆದಾರರಿಗೆ ತಮ್ಮ ತೆರಿಗೆ ಬಾಧ್ಯತೆಗಳನ್ನು ಪೂರೈಸಲು ಸುರಕ್ಷಿತ ಮಾರ್ಗವನ್ನು ನೀಡುತ್ತಿದೆ. ಇದು ನಮ್ಮ ಬಳಕೆದಾರರು ತೆರಿಗೆ ಪಾವತಿಸುವ ವಿಧಾನವನ್ನು ಬದಲಾಯಿಸುತ್ತದೆ ಎಂದು ಹೇಳಿದ್ದಾರೆ.

ವೈಶಿಷ್ಟ್ಯವನ್ನು ಸಕ್ರಿಯಗೊಳಿಸಲು PhonePe ಡಿಜಿಟಲ್ B2B ಪಾವತಿ ಸೇವಾ ಪೂರೈಕೆದಾರ PayMate ಜೊತೆಗೆ ಪಾಲುದಾರಿಕೆ ಹೊಂದಿದೆ. 2015 ರಲ್ಲಿ ಪ್ರಾರಂಭವಾದ ವಾಲ್‌ಮಾರ್ಟ್ ಅಂಗಸಂಸ್ಥೆಯು ಇತ್ತೀಚೆಗೆ ಅದರ ಇ - ಕಾಮರ್ಸ್ ಸಹೋದರ ಫ್ಲಿಪ್‌ಕಾರ್ಟ್‌ನಿಂದ ಬೇರ್ಪಟ್ಟಿದೆ. PhonePe ಸುಮಾರು 50 ಕೋಟಿ ನೋಂದಾಯಿತ ಬಳಕೆದಾರರನ್ನು ಹೊಂದಿದೆ ಮತ್ತು ಭಾರತ್ ಬಿಲ್ ಪಾವತಿ ವ್ಯವಸ್ಥೆಯಲ್ಲಿ (BBPS) ವಹಿವಾಟಿನ 45 ಪ್ರತಿಶತವನ್ನು ಪ್ರಕ್ರಿಯೆಗೊಳಿಸುತ್ತದೆ. ಕಂಪನಿಯು 2017 ರಲ್ಲಿ ಫಿನ್‌ಟೆಕ್ ಆಯಿತು ಮತ್ತು ಮ್ಯೂಚುಯಲ್ ಫಂಡ್‌ಗಳು ಮತ್ತು ವಿಮಾ ಉತ್ಪನ್ನಗಳನ್ನು ಪ್ರಾರಂಭಿಸಿತು.

ಓದಿ: Digital Bribery: ಫೋನ್ ಪೇ, ಗೂಗಲ್ ಪೇ ಮೂಲಕ ಲಂಚ.. ಭ್ರಷ್ಟಾಚಾರ ನಿಗ್ರಹ ಇಲಾಖೆಗೆ ತಲೆನೋವಾದ ಡಿಜಿಟಲ್ ಲಂಚ ಪ್ರಕರಣಗಳು..

200 ಮಿಲಿಯನ್ ಡಾಲರ್ ಬಂಡವಾಳ ನಿಧಿ ಪಡೆದ ಫೋನ್​ಪೇ: ಭಾರತದ ಅತಿದೊಡ್ಡ ಫಿನ್‌ಟೆಕ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಒಂದಾದ ಫೋನ್‌ಪೇ ಇಂದು ವಾಲ್‌ಮಾರ್ಟ್‌ನಿಂದ ಹೆಚ್ಚುವರಿ 200 ಮಿಲಿಯನ್ ಡಾಲರ್ ಪ್ರಾಥಮಿಕ ಬಂಡವಾಳವನ್ನು ಸಂಗ್ರಹಿಸಿದೆ ಎಂದು ಈ ಹಿಂದೆ ಘೋಷಿಸಿತ್ತು. ಇದನ್ನು 12 ಶತಕೋಟಿ ಡಾಲರ್​ ಪೂರ್ವ ಹಣದ ಮೌಲ್ಯಮಾಪನದ ಆಧಾರದಲ್ಲಿ ಸಂಗ್ರಹಿಸಲಾಗಿತ್ತು. ಕಳೆದ ವರ್ಷ ಭಾರತಕ್ಕೆ ತನ್ನ ಕಾರ್ಯಕ್ಷೇತ್ರ ಬದಲಾವಣೆಯ ನಂತರ, 1 ಶತಕೋಟಿ ಡಾಲರ್ ಬಂಡವಾಳ ನಿಧಿ ಸಂಗ್ರಹಣೆಯ ಭಾಗವಾಗಿ ಈ ಹೊಸ ನಿಧಿಯನ್ನು ಪಡೆಯಲಾಗಿದೆ. ಕಂಪನಿಯು ಹಲವಾರು ಜಾಗತಿಕ ಹೂಡಿಕೆದಾರರಿಂದ 650 ಮಿಲಿಯನ್ ಡಾಲರ್ ಸಂಗ್ರಹಿಸಿದೆ. ಕಂಪನಿಯು ಇನ್ನೂ ಹೆಚ್ಚಿನ ಹೂಡಿಕೆಗಳನ್ನು ನಿರೀಕ್ಷಿಸುತ್ತದೆ ಮತ್ತು ಅದನ್ನು ಸರಿಯಾದ ಸಮಯದಲ್ಲಿ ಪ್ರಕಟಿಸಲಾಗುವುದು ಎಂದು ಕಂಪನಿ ಹೇಳಿಕೊಂಡಿತ್ತು.