ನವದೆಹಲಿ: ಇ ಕಾಮರ್ಸ್ ಮಾರುಕಟ್ಟೆ ದೇಶದಲ್ಲಿ ಅಗಾಧವಾಗಿ ಬೆಳೆಯುತ್ತಿದ್ದು, ಡೆಲಿವರಿ ಪಾರ್ಟನರ್ ಉದ್ಯೋಗ ಕೂಡ ಏರಿಕೆ ಕಾಡುತ್ತಿದೆ. ಕೇವಲ ದೊಡ್ಡ ದೊಡ್ಡ ನಗರದಲ್ಲಿ ಹೆಚ್ಚಾಗಿ ಸೃಷ್ಟಿಯಾಗುತ್ತಿರುವ ಈ ಉದ್ಯೋಗವನ್ನು ಇದೀಗ ಟೈರ್ 2 ಮತ್ತು ಟೈರ್ 3 ನಗರಗಳಲ್ಲಿ ಬೇಡಿಕೆ ಪಡೆದಿದೆ. ಇದೇ ಹಿನ್ನೆಲೆಯಲ್ಲಿ ಹೈಪರ್ ಲೋಕಲ್ ಉದ್ಯೋಗ ಸೃಷ್ಟಿಗೆ ಸ್ವಿಗ್ಗಿ ಮುಂದಾಗಿದೆ.
ಸ್ವಿಗ್ಗಿ ಶೀಘ್ರವಾಗಿ ತಮ್ಮ ವಾಣಿಜ್ಯ ದಿನಸಿ ಸೇವೆಗಳ ರವಾನೆಗೆ 10 ಸಾವಿರ ಉದ್ಯೋಗ ಸೃಷ್ಟಿಗೆ ಮುಂದಾಗಿದೆ. ಇದಕ್ಕಾಗಿ ಸ್ವಿಗ್ಗೊ ವೃತ್ತಿಪರ ನೆಟ್ವರ್ಕಿಂಗ್ ಕಂಪನಿ ಅಪ್ನಾ ಮುಂದಾಗಿದೆ. ಇದಕ್ಕಾಗಿ ಎರಡು ಸಂಸ್ಥೆಗಳು ಜಂಟಿಯಾಗಿ ಶೀಘ್ರದಲ್ಲೇ ವಾಣಿಜ್ಯ ದಿನಸಿ ಸೇವೆ ನೀಡುವ ಇನ್ಸ್ಟಾಮಾರ್ಟ್ನೊಂದಿಗೆ ಪಾಲುದಾರಿಕೆ ನಡೆಸಲು ಮುಂದಾಗಿದೆ ಎಂದು ಪ್ರಕಟಿಸಿದೆ. ರೆಡ್ಸೀರ್ ಮಾರುಕಟ್ಟೆ ಸಂಶೋಧನೆ ಅನುಸಾರ, ಈ ವಾಣಿಜ್ಯ ಸಂಸ್ಥೆ 2025ರ ಹೊತ್ತಿಗೆ 5.5 ಡಾಲರ್ ಗುರಿ ಹೊಂದಿದೆ. ಈ ಹಿನ್ನೆಲೆಯಲ್ಲಿ ಶೀಘ್ರಗತಿಯ ವಿತರಣೆಗೆ ಹೆಚ್ಚಿನ ಡೆಲಿವರಿ ಪಾಲುದಾರರ ಅವಶ್ಯಕತೆ ಇದ್ದು, ಈ ಬೇಡಿಕೆ ಹೆಚ್ಚಿದೆ ಎಂದು ವರದಿ ತಿಳಿಸಿದೆ.
ಈಗಾಗಲೇ 500 ನಗರಗಳಲ್ಲಿ ಸ್ವಿಗ್ಗಿ ತನ್ನ ಆಹಾರ ವಿತರಣೆ ಉಪಸ್ಥಿತಿಯನ್ನು ಹೊಂದಿದ್ದು, ಇನ್ಸ್ಟಾಮಾರ್ಟ್ 25 ನಗರದಲ್ಲಿ ತನ್ನ ಅಧಿಪತ್ಯ ಹೊಂದಿದೆ. ಇದೀಗ ಟೈರ್ 2 ಮತ್ತು ಟೈರ್ 3 ನಗರಗಳಲ್ಲಿ ನಾವು ಆನ್ಬೋರ್ಡ್ ಗ್ರಾಹಕರ ಮೇಲೆ ಗಮನಹರಿಸಿದ್ದೇವೆ. ಅಪ್ನಾ ಜೊತೆಗಿನ ಸಹಭಾಗಿತ್ವ ನಮ್ಮ ಡೆಲಿವರಿ ಸಾಮರ್ಥ್ಯವನ್ನು ಮತ್ತಷ್ಟು ವಿಸ್ತರಿಸುವ ಜೊತೆಗೆ ಸಣ್ಣ ನಗರದಲ್ಲಿ ಇನ್ಸ್ಟಾಮಾರ್ಟ್ ಬೆಳವಣಿಗೆ ಬೇಡಿಕೆಯನ್ನು ಮುಟ್ಟುವ ಗುರಿ ಹೊಂದಿದೆ ಎಂದು ಸ್ವಿಗ್ಗಿ ಕಂಪನಿ ಉಪಾಧ್ಯಕ್ಷ ಆಗಿರುವ ಕೇದರ್ ಗೋಖುಲೆ ತಿಳಿಸಿದ್ದಾರೆ.
ಭಾರತದಲ್ಲಿ ಶೀಘ್ರ ವಾಣಿಜ್ಯ ಉದಯವಾಗುತ್ತಿದ್ದು, ಗ್ರಾಹಕರು ಶಾಂಪಿಂಗ್ ಸೌಕರ್ಯವನ್ನು ಅನುಭವಿಸುತ್ತಿದ್ದಾರೆ. ಇ ಕಾರ್ಮಸ್ ಉದ್ಯಮದಲ್ಲಿ ಈ ಬೆಳವಣಿಯಿಂದಾಗಿ ದೇಶಾದ್ಯಂತ ಡೆಲಿವರಿ ಬಾಯ್ಗಳಿಗೆ ಹೆಚ್ಚಿನ ಬೇಡಿಕೆ ಬರುತ್ತಿದೆ. ಇನ್ನು 2029-30ರ ಹೊತ್ತಿಗೆ ದೇಶದಲ್ಲಿ 23.5 ಡೆಲಿವರಿ ವರ್ಕ್ಫೋರ್ಸ್ ಇರಲಿದೆ ಎಂದು ಉದ್ಯಮ ವಲಯದ ವರದಿ ತಿಳಿಸಿದೆ.
2022ರಲ್ಲಿ ಟೈರ್ 2, ಟೈರ್ 3 ನಗರಗಳಲ್ಲಿ 1.5 ಮಿಲಿನ್ ಬಳಕೆದಾರರು ಅಪ್ನಾದಲ್ಲಿ 3 ಮಿಲಿಯನ್ ವಿತರಣೆ ಮಾಡಿದ್ದಅರೆ. ಇದರಲ್ಲಿ ಶೇ 70ರಷ್ಟು ಬಳಕೆದಾರರ ಬೆಳವಣಿಗೆ ಮತ್ತು ಡೆಲಿವರಿ ವಲಯದಲ್ಲಿ ಕಾಣಬಹುದಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.
ಈ ಅವಕಾಶಗಳಿಂದಾಗಿ ದೇಶದಲ್ಲಿ ಡೆಲಿವರಿ ಪಾರ್ಟನರ್ ಉದ್ಯೋಗ ಸೃಷ್ಟಿಯಾಗುತ್ತಿದೆ. ಈ ಬೇಡಿಕೆ ಮತ್ತು ಪೂರೈಕೆಯ ಅಂತರವನ್ನು ಸ್ವಿಗ್ಗಿ ಹೆಚ್ಚಿನ ಉದ್ಯೋಗಾವಕಾಶ ಸೃಷ್ಟಿಸುವ ಮೂಲಕ ಮುಂದಿನ ದಿನಗಳಲ್ಲಿ ತುಂಬಲಿದೆ ಎಂದು ಅಪ್ನಾದ ಸಿಇಒ ಮತ್ತು ಸಂಸ್ಥಾಪಕರಾಗಿರುವ ನಿರ್ಮಿತಾ ಪರಿಖ್ ತಿಳಿಸಿದ್ದಾರೆ.
ಇದನ್ನೂ ಓದಿ: ನಿರುದ್ಯೋಗಿ ಯುವಕರಿಗೆ ಉದ್ಯೋಗ ನೀಡಲು ಟಿಂಗ್ ಟಾಂಗ್ ಆ್ಯಪ್ : ಇದು ಸ್ಲಂ ಯುವಕನ ಸಾಧನೆ
