ಮುಂಬೈ: ಮಂಗಳವಾರದ ಆರಂಭಿಕ ವಹಿವಾಟಿನಲ್ಲೂ 800 ಅಂಕ ಕಳೆದುಕೊಂಡಿದ್ದ ಸೆನ್ಸಕ್ಸ್ ಬಳಿಕ ಮಧ್ಯಾಹ್ನ ಚೇತರಿಸಿಕೊಂಡಿತ್ತು. ಇಂದು ಆರಂಭಿಕ ವಹಿವಾಟಿನಲ್ಲಿ ಮುಂಬೈ ಸಂವೇದಿ ಸೂಚ್ಯಂಕ 888 ಅಂಕ ಕಳೆದುಕೊಂಡು 56,696 ಪಾಯಿಂಟ್ಗಳಿಗೆ ಕುಸಿತ ಕಂಡಿದೆ. ಮಧ್ಯಾಹ್ನ 12 ಗಂಟೆ ವೇಳೆಗೆ 1252 ಅಂಕ ಕಳೆದುಕೊಂಡು 56,605 ಪಾಯಿಂಟ್ನೊಂದಿಗೆ ವ್ಯವಹಾರ ಮುಂದುವರೆಸಿತ್ತು.
ಇನ್ನು ನಿಫ್ಟಿ ಸಹ ಬೆಳಗ್ಗೆ 9:30 ರ ಸುಮಾರಿಗೆ 255 ಅಂಕ ನಷ್ಟ ಅನುಭವಿಸಿದ್ದು, 17000 ಅಂಕಗಳೊಂದಿಗೆ ವ್ಯವಹಾರ ನಡೆಸುತ್ತಿದೆ. ಮಧ್ಯಮ ಮತ್ತು ಸ್ಮಾಲ್ ಕ್ಯಾಪ್ ಷೇರುಗಳ ಬೆಲೆಯಲ್ಲಿ ಸುಮಾರು ಶೇ 1.18ರಷ್ಟು ನಷ್ಟ ಕಂಡು ಬಂದಿದೆ. ಅದು ಅಪರಾಹ್ನ 12 ಗಂಟೆ ವೇಳೆಗೆ 365 ಅಂಕಗಳ ನಷ್ಟದೊಂದಿಗೆ 16912 ಪಾಯಿಂಟ್ಗಳೊಂದಿಗೆ ವ್ಯವಹಾರ ನಡೆಸುತ್ತಿತ್ತು.
ಜಾಹೀರಾತು : ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಪ್ರಮುಖ ಷೇರುಗಳಾದ ಡಾ ರೆಡ್ಡೀಸ್ ಶೇ 2.85 ರಷ್ಟು ನಷ್ಟ ಅನುಭವಿಸಿದ್ದು, 4227 ರಲ್ಲಿ ವ್ಯವಹಾರ ನಿರತವಾಗಿತ್ತು. ಇನ್ನು ಟೈಟನ್, ಗ್ರೇಷಿಯಂ ಇಂಡಸ್ಟ್ರಿ, ಐಸರ್ ಮೋಟರ್ಸ್, ಹೆಚ್ಡಿಎಫ್ಸಿ ಬ್ಯಾಂಕ್ ಷೇರುಗಳು ಕೂಡಾ ನಷ್ಟ ಅನುಭವಿಸಿವೆ.
ಇನ್ನೊಂದು ಬದಿಯಲ್ಲಿ ಒಎನ್ಜಿಸಿ, ಆ್ಯಕ್ಸಿಸ್ ಮತ್ತು ಮಾರುತಿ ಸುಜೂಕಿ ಷೇರುಗಳು ಏರಿಕೆ ಕಂಡಿವೆ. ಒಟ್ಟಾರೆ 1697 ಷೇರುಗಳ ನಷ್ಟ ಅನುಭವಿಸಿದರೆ, 1030 ಷೇರುಗಳು ಲಾಭದಲ್ಲಿವೆ.
ಅಮೆರಿಕದ ಸೆಂಟ್ರಲ್ ಬ್ಯಾಂಕ್ ಮಾರ್ಚ್‌ನಲ್ಲಿ ಬಡ್ಡಿದರಗಳನ್ನು ಹೆಚ್ಚಿಸುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತಿದೆ. ಇದು ಮಾರುಕಟ್ಟೆ ಮೇಲೆ ಪರಿಣಾಮ ಬೀರಿದೆ.
