ನವದೆಹಲಿ: ಅಂತಾರಾಷ್ಟ್ರೀಯ ಕಚ್ಚಾ ತೈಲ ಮಾರುಕಟ್ಟೆಯಲ್ಲಿ 2016ರ ಬಳಿಕ ಇದೇ ಪ್ರಥಮ ಬಾರಿಗೆ ಪ್ರತಿ ಬ್ಯಾರೆಲ್ ದರವು 30 ಡಾಲರ್ಗೆ ತಲುಪಿದೆ. ದೇಶಿಯ ಇಂಧನ ಚಿಲ್ಲರೆ ಮಾರುಕಟ್ಟೆಯಲ್ಲಿ ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಯಲ್ಲಿ ಇಂದು ಸ್ಥಿರವಾಗಿದೆ.
ಆದರೆ, ಪ್ರಸಕ್ತ ಕ್ಯಾಲೆಂಡರ್ ವರ್ಷದ ಜನವರಿ ತಿಂಗಳಿಂದ ಇಲ್ಲಿಯವರೆಗೆ ಪ್ರತಿ ಲೀಟರ್ ಮೇಲೆ ಸುಮಾರು 6 ರೂ.ಯಷ್ಟು ಇಳಿಕೆಯಾಗಿದೆ ಎಂಬುದು ಗಮನಾರ್ಹ ಸಂಗತಿ.
ತೈಲ ದರ ಪಟ್ಟಿಯಲ್ಲಿ ಜನವರಿ 11ರಂದು ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಲೀಟರ್ ಪೆಟ್ರೋಲ್ ಹಾಗೂ ಡೀಸೆಲ್ ಕ್ರಮವಾಗಿ ₹ 76 ಹಾಗೂ ₹ 69 ಮಟ್ಟದಲ್ಲಿ ಮಾರಾಟ ಆಗಿದ್ದು ಇದುವರೆಗಿನ ಗರಿಷ್ಠದ ದರ ಎರಿಕೆಯಾಗಿದೆ. ಅಂದಿನಿಂದ ಇಲ್ಲಿಯವರೆಗೆ ಪೆಟ್ರೋಲ್ ಹಾಗೂ ಡೀಸೆಲ್ನಲ್ಲಿ ಕ್ರಮವಾಗಿ ₹ 6.42 ಮತ್ತು ₹ 6.88ಯಷ್ಟು ಕ್ಷೀಣಿಸಿದೆ.
ಕೇಂದ್ರ ಸರ್ಕಾರ ತನ್ನ ಆದಾಯ ಸಂಗ್ರಹದ ಇಳಿಕೆಯ ಹೊರೆಯನ್ನು ಸರಿದೂಗಿಸಲು ಪೆಟ್ರೋಲ್ ಹಾಗೂ ಡೀಸೆಲ್ ಮೇಲೆ ₹ 3 ಯಷ್ಟು ಅಬಕಾರಿ ಸುಂಕ ಏರಿಕೆ ಮಾಡಿದೆ. ಈ ಮೂಲಕ ವಾರ್ಷಿಕ ₹ 40,000 ಕೋಟಿ ಆದಾಯ ಸಂಗ್ರಹಿಸುವ ಗುರಿ ಇರಿಸಿಕೊಂಡಿದೆ. ಭಾರತ ಶೇ 80ರಷ್ಟು ಸಾಗರೋತ್ತರ ರಾಷ್ಟ್ರಗಳಿಂದ ಆಮದು ಮಾಡಿಕೊಳ್ಳುತ್ತದೆ.
ರಾಷ್ಟ್ರ ರಾಜಧಾನಿ ದೆಹಲಿ, ಮುಂಬೈ, ಚೆನ್ನೈ, ಬೆಂಗಳೂರು, ಹೈದರಾಬಾದ್ ಹಾಗೂ ಗುರುಗ್ರಾಮ್ನಲ್ಲಿ ಪೆಟ್ರೋಲ್ ಹಾಗೂ ಡೀಸೆಲ್ ಕ್ರಮವಾಗಿ ₹69.59 & ₹62.29, ₹75.30 & ₹65.21, ₹72.28 & ₹65.71, ₹71.97 & ₹ 64.41, ₹73.97 & ₹67.82 ಹಾಗೂ ₹70.21 & ₹62.08 ಮಾರಾಟ ಆಗುತ್ತಿವೆ.
