ನವದೆಹಲಿ: ಉತ್ತೇಜಕ ಮತ್ತು ಲಸಿಕೆ-ಇಂಧನ ಆರ್ಥಿಕ ಚೇತರಿಕೆಯ ನಿರೀಕ್ಷೆಗಳ ಮೇಲಿನ ಅಪಾಯದ ಮನೋಭಾವನೆಯು ಹೂಡಿಕೆದಾರರ ಸುರಕ್ಷಿತ ಧಾಮದ ಸ್ವತ್ತುಗಳ ಮೇಲಿನ ನಂಬಿಕೆ ಮೃದುವಾಗಿದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದು, ಭಾರತದಲ್ಲಿ ಚಿನ್ನದ ಬೆಲೆಗಳು ಮಂಗಳವಾರದ ಸೆಷನ್ನಲ್ಲಿ ಕಡಿಮೆಯಾಗಿದೆ.
ಚಿನಿವಾರ ಪೇಟೆಯಲ್ಲಿ ಚಿನ್ನದ ಫ್ಯೂಚರ್ ಟ್ರೇಡಿಂಗ್ ನಡೆಯುತ್ತದೆ. ಅದನ್ನು ಕಮೋಡಿಟಿ ಎಕ್ಸ್ಚೇಂಜ್ ಮಾರುಕಟ್ಟೆ ಅಥವಾ ಎಂಸಿಎಕ್ಸ್ ಎಂದು ಕರೆಯಲಾಗುತ್ತದೆ. ಈ ಮಾರುಕಟ್ಟೆಯಲ್ಲಿ ಏಪ್ರಿಲ್ ತಿಂಗಳ ವಾಯ್ದೆಗೆ ಪ್ರತಿ 10 ಗ್ರಾಂ. ಚಿನ್ನದ ಬೆಲೆಯು ಮಂಗಳವಾರ ಶೇ 0.46ರಷ್ಟು ಅಥವಾ 208 ರೂ.ಯಷ್ಟು ಇಳಿಕೆಯಾಗಿ, 45,100 ರೂ.ಯಲ್ಲಿ ಮಾರಾಟ ಆಗುತ್ತಿದೆ.
ಇದನ್ನೂ ಓದಿ: ವಿಶ್ವದಾಖಲೆ ಬರೆದ 'ರಾಮಾಯಣ' ಸೀರಿಯಲ್; 999 ಶತಕೋಟಿಗೇರಿದ ವೀಕ್ಷಣಾ ನಿಮಿಷ!
ಬೆಳ್ಳಿ ಮೇ ತಿಂಗಳ ವಾಯ್ದೆಯು ಪ್ರತಿ ಕೆ.ಜಿ. ಮೇಲೆ 67,903 ರೂ.ಯಂತೆ ವಹಿವಾಟು ನಡೆಸುತ್ತಿದ್ದು 897 ರೂ. ಅಥವಾ ಶೇ 1.03ರಷ್ಟು ಇಳಿಕೆಯಾಗಿದೆ. ಎಂಸಿಎಕ್ಸ್ನಲ್ಲಿ ಚಿನ್ನವು 2020ರ ಆಗಸ್ಟ್ನಲ್ಲಿ 10 ಗ್ರಾಂ.ಗೆ 56,191 ರೂ.ಗೆ ತಲುಪಿತ್ತು. ಇದು ಈಗ 11,901 ರೂ. ಅಥವಾ ಶೇ 20ರಷ್ಟು ಕುಸಿದು 46,000 ರೂ.ಗಿಂತ ಕಡಿಮೆ ದರದಲ್ಲಿ ವಹಿವಾಟು ನಡೆಸುತ್ತಿದೆ.
ಅಮೆರಿಕ ಬಾಂಡ್ ಯೆಲ್ಡ್ ಮತ್ತು ಸಕಾರಾತ್ಮಕ ಆರ್ಥಿಕ ಮಾಹಿತಿಯ ಹೆಚ್ಚಳದಿಂದಾಗಿ ಚಿನ್ನದ ಬೆಲೆಗಳು ಆರ್ಥಿಕ ಬೆಳವಣಿಗೆಯ ಆಶಾವಾದದ ಮೇಲೆ ಕಡಿಮೆ ವಹಿವಾಟು ನಡೆಸುತ್ತಿವೆ ಎಂದು ಎಚ್‌ಡಿಎಫ್‌ಸಿ ಸೆಕ್ಯುರಿಟೀಸ್‌ನ ಹಿರಿಯ ವಿಶ್ಲೇಷಕ (ಸರಕು) ತಪನ್ ಪಟೇಲ್ ಅಭಿಪ್ರಾಯಪಟ್ಟಿದ್ದಾರೆ.
