ಮುಂಬೈ: ದೇಶಾದ್ಯಂತ ಬೆಳಕಿನ ಹಬ್ಬವಾದ ದೀಪಾವಳಿ ಆಚರಿಸಲಾಗುತ್ತಿದ್ದು, ಇದೇ ದಿನ ಮುಂಬೈ ಷೇರುಪೇಟೆಯಲ್ಲಿ ವಿಶೇಷ ವಹಿವಾಟು 'ಮುಹೂರ್ತ ಟ್ರೇಡಿಂಗ್' ನಡೆಯುತ್ತದೆ.
ಮುಹೂರ್ತ ಟ್ರೇಡಿಂಗ್ ವೇಳೆ ಹೂಡಿಕೆದಾರರು ದೀರ್ಘ ಕಾಲಕ್ಕಾಗಿ ಷೇರುಗಳನ್ನು ಖರೀದಿಸುತ್ತಾರೆ. ಮುಂಬೈ ಷೇರು ಮಾರುಕಟ್ಟೆಯ ಬಿಎಸ್ಇ ಹಾಗೂ ಎನ್ಎಸ್ಇ ನವೆಂಬರ್ 14ರ ಸಂಜೆ 6.15ರಿಂದ 7.15ರವರೆಗೆ ವಿಶೇಷ ಟ್ರೇಡಿಂಗ್ಗಾಗಿ ತೆರೆದುಕೊಳ್ಳುತ್ತಿವೆ. ಹಿಂದೂ ಪಂಚಾಂಗ ಸಂವತ್ಸರ 2076 ಕೊನೆಗೊಂಡು ನಾಳೆಯಿಂದ 2077ನೇ ಸಂವತ್ಸರ ಆರಂಭವಾಗಲಿದೆ.
ಮುಹೂರ್ತ ಟ್ರೇಡಿಂಗ್ ಸಂಬಂಧಿತ ಸಮಯ:
- ಪೂರ್ವ-ಮುಕ್ತ ಮುಹೂರ್ತ ಟ್ರೇಡಿಂಗ್ ಸೆಷನ್: ಸಂಜೆ 6:00 - 6:08ರ ತನಕ
- ಮಹೂರ್ತ ವ್ಯಾಪಾರ ಟ್ರೇಡಿಂಗ್ ಸೆಷನ್: ಸಂಜೆ 6:15 - ಸಂಜೆ 7:15ರ ತನಕ
- ಒಪ್ಪಂದದ ಟ್ರೇಡಿಂಗ್ ಸೆಷನ್: ಸಂಜೆ 5:45 - ಸಂಜೆ 6:00ರ ತನಕ
- ಕರೆ ಹರಾಜು ಸೆಷನ್: ಸಂಜೆ 6:20 - 7:05ರ ತನಕ
- ಮುಕ್ತಾಯ ಬಳಿಕ ಮುಹೂರ್ತ ಸೆಷನ್: ಸಂಜೆ 7:25 - ಸಂಜೆ 7:35ರ ತನಕ
ಬ್ರೋಕರೇಜ್ ಹೌಸ್ ಏಂಜಲ್ ಬ್ರೋಕಿಂಗ್ ಲಿಮಿಟೆಡ್ ಕಂಡುಕೊಂಡಂತೆ ಕಳೆದ 15 ಮುಹೂರ್ತ ವಹಿವಾಟಿನ ಅವಧಿಗಳಲ್ಲಿ ಷೇರು ಮಾರುಕಟ್ಟೆಗಳು ಗ್ರೀನ್ ಬಣ್ಣದಲ್ಲಿ ವಹಿವಾಟು ನಡೆಸಿದ್ದವು. ಕೊರೊನಾ ವೈರಸ್ ಪ್ರೇರಿತ ಮಂದಗತಿ ಮಾರುಕಟ್ಟೆಗಳು ಈಗ ಚೇತರಿಸಿಕೊಂಡಿವೆ. ಈ ವರ್ಷದ ಮುಹೂರ್ತ ವಹಿವಾಟು ಷೇರು ಮಾರುಕಟ್ಟೆ ಹೂಡಿಕೆದಾರರಿಗೆ ಹೊಸ ಬಂಡವಾಳ ತಂತ್ರದೊಂದಿಗೆ ಪುನರಾರಂಭಿಸಲು ಸರಿಯಾದ ಸಮಯವೆಂದು ಸಾಬೀತುಪಡಿಸಬಹುದು. 2019ರ ಮುಹೂರ್ತ ಟ್ರೇಡಿಂಗ್ನಲ್ಲಿ ಸೆನ್ಸೆಕ್ಸ್ 200 ಅಂಕ ಜಿಗಿತ ದಾಖಲಿಸಿತ್ತು.
